صباح الامل

[

صباح الأمل ( 1)

زارنى الأمل من غير معاد

وأنا من زمان عامل حِدَادْ

والدنيا فى عْنَيَّهْ سَوَادْ

يومى نكد ليلِى سُهَادْ

باشْكِى الضَّنَا لرَبِّ العِبَادْ

**

خَبَّطْ على بَابى انْفَتَحْ

دخَلْ البريد عامل فَرَحْ

مَعْرَفْشْ ليه قلبى انْشَرَحْ

ولقيتنى حاسس بالوِدَادْ

**

قال لى أنا هُوَّه الأمل

وسَّعْ عشان اثْبِتْ عَمَلْ

قُلْتْ الأمل كان من زمان

هُوَّه الزمن عُمْرُه اتْوَصَل ؟

الحظ مال من مِيْتْ سنه

إزاى هيرجع يِتْعَدَلْ ؟!

قال لى: لو انْتَ تابِعْتِنِى

هتشوف سنين هايلين جُدَادْ

**

إزاى بصل هيكون عسل ؟!

والنار هتبقى ازاى بلل ؟!

وازاى ظلامى هَيِتْبَدَلْ ؟!

واللين هَيِسْرِى فى الجَمَادْ ؟

**

غَمَّضْ عِينيك ، فَتَّحْ عينيك

الوقتى أيه باين عليك ؟

إقفل إيديك ، افتح إديك

صَدَّقْ دا كُلُّهْ الوقتى لِيك

أنا ربنا قال يا أمل

رُوْحْ الجَدَعْ ده بيناديك

جيت لك عشان قلبك نَدَهْ

جيت لك بأمر اللى مراعيك

موش كنت سايب ربنا

هوه اللى يتولى اللى فيك؟

قال لى أجيلك اشيل شَقَاك

وازرع فَرَحْ يِشْفِى اللى بِيك

ياه يا أمل ، ياه يا أمل

دا كلام حقيقى ؟ الله عليك .

**

الورد نَبِّتْ من جِدِيدْ

والدَّمْ زَغْرَدْ فى الوريد

والليل رَقَصْ والدنيا عيد

ومع الدَّفَا وهَمْسِ الوفا

ونُور الصَّفا وأحْلَى نشيد

ومع النَّغَمْ ويَّا النِّعَمْ

والفرح هَالِلْ من بِعِيدْ

قلبى رقص نشوان سعيد

**

بص الأمل قال لى احْتَييتْ ؟

قلت: وبقالى الوقتى بيت

قال لى: سعيد ، قُلْتْ الحقيقه

أنا حاسس انى معاك بَقِيتْ

زى الفراشة فى الجناين

حَبَّهْ حَبَّهْ فوق عِليتْ

طاير على جناح الهوا

سيبنى كده طاير يا ريت

أنا كُنْتْ فين والوقتى فين؟

ولا عارف انتَ أمته جيت

أمتى السعادة دى ابْتَدَتْ ؟

أمتى الهنا خَدْنِى وْبَكِيتْ؟

أنا كُنْتْ عايش من زمان

على إنِّى يا أمل انتهيت

**

خَدْنِى الأمل وسرح بعيد

وسألنى فين أُمَّكْ يا وَادْ ؟

لَمْلِمْت رُوحِى وقُلْتْ: أيه

تِقْدَرْ تِقُولْ يا سندباد:

أُمِّى حَزِينَهْ يا أمل

شايله على اكتافها جَبَلْ

عايشَه الزَّمَنْ كُلُّه مَلَلْ

فى جَرْحْ بالغ فى النَفَادْ

أمى انْدَبح فيها الأمَانْ

أمَّى جمح بيها الحُصَانْ

أمى اتْرَمَتْ فى بِيْر بُكَاهَا

بْتِشتِكِِِى غَدْرِ الزمان

أمى بِعين شايفه اللى فَاتْ

وعين على بكره اللى مَاتْ

ما لهاش غير نار السُّكَاتْ

وشريط طويل م الذكريات

أمى لو انت قابلتها

كُنْتْ بإديك لفلفتها

وبْكِيتْ أسَى على بَخْتَهَا

ولا كُنْتْ جِيتْ ، ولا سِبْتَهَا

وانا يا أمل غَسِّلْتَهَا

بدموع عنيه وفُوتَّهَا

لله يِدِيْرْ المنتهى

**

يِسْعِدْ صَبَاحَكْ يا أمَلْ

**

د. محمد عبد المطلب جاد

أستاذ سيكولوجيا الإبداع – جامعة طنطا

[/size][/color][/color][/b]

[/quote]

]

شكرا يادكتور والله امتعتنا

عابد احمد امين كتب:: شكرا يادكتور والله امتعتنا

شكرا لك انت على ما قضيت من وقت فى صحبة وجدانى

شكرا يادكتور على جميل ماصور قلمك

عبد الفتاح غنيم كتب:: شكرا يادكتور على جميل ماصور قلمك

بل الشكر لك يا من تخير
ونتقى
ونقل اعجابا
لك خالص حبى

بسم الله الرحمن الرحيم

بص الأمل قال لى احْتَييتْ ؟
قلت: وبقالى الوقتى بيت
قال لى: سعيد ، قُلْتْ الحقيقه
أنا حاسس انى معاك بَقِيتْ
زى الفراشة فى الجناين
حَبَّهْ حَبَّهْ فوق عِليتْ
طاير على جناح الهوا
سيبنى كده طاير يا ريت

الله الله
لا أجد من الكلمات مايوفيك حقك والدى العزيز د / محمد
كم هى رائعة والأروع أنك أنت مبدعها
سلمت يداك على ماأبدعت وبارك الله لنا فيك
تقبل أجمل وأرق تحياتى
ابنتك
منتهى أملى

منتهى أملى كتب:: بسم الله الرحمن الرحيم

بص الأمل قال لى احْتَييتْ ؟
قلت: وبقالى الوقتى بيت
قال لى: سعيد ، قُلْتْ الحقيقه
أنا حاسس انى معاك بَقِيتْ
زى الفراشة فى الجناين
حَبَّهْ حَبَّهْ فوق عِليتْ
طاير على جناح الهوا
سيبنى كده طاير يا ريت

الله الله
لا أجد من الكلمات مايوفيك حقك والدى العزيز د / محمد
كم هى رائعة والأروع أنك أنت مبدعها
سلمت يداك على ماأبدعت وبارك الله لنا فيك
تقبل أجمل وأرق تحياتى
ابنتك
منتهى أملى

أكرر الترحيب بك فى بيتك الذى تشرف بك
وأكرر سعادتى لوجودك
وأكرر أملى فى أن ينال المقام هنا رضاك
وأنت تجدى راحة نفس ومتعة روح بما تحبين
دمت بخير يا قرة عين أبيك
يا منتهى أملى

بسم الله الرحمن الرحيم
السلام عليكم ورحمة الله وبركاته

أمتى السعادة دى ابْتَدَتْ ؟

أمتى الهنا خَدْنِى وْبَكِيتْ؟

أنا كُنْتْ عايش من زمان

على إنِّى يا أمل انتهيت

صباح الأمل

صاحب السعادة والأمل. د. محمد جاد
بل أبى
ماشاء الله
أشكرك جزيل الشكر
لأنك صاحب استعادتى للأمل
هنيئا لنا بك
ويارب دايما معانا
تحياتى
ابنتك
النفس عابرة سبيل

النفس عابرة سبيل كتب:: بسم الله الرحمن الرحيم
السلام عليكم ورحمة الله وبركاته

أمتى السعادة دى ابْتَدَتْ ؟

أمتى الهنا خَدْنِى وْبَكِيتْ؟

أنا كُنْتْ عايش من زمان

على إنِّى يا أمل انتهيت

صباح الأمل

صاحب السعادة والأمل. د. محمد جاد
بل أبى
ماشاء الله
أشكرك جزيل الشكر
لأنك صاحب استعادتى للأمل
هنيئا لنا بك
ويارب دايما معانا
تحياتى
ابنتك
النفس عابرة سبيل

أسعد الله عمرك كله يا قرة عين أبيك

وانتو جنبى باشعر ان الكون بحاله ملك ايدى
واشعر العطف الحنون ماشى ف وريدى
وابقى طاير قلبى بيرفرف سعيد
وابقى طول اليوم فى عيد

وانتو جنبى
بابقى حاسس بالأمان
الوفاء والصدق والحنيه جنبى
روحى باولادى سعيده
فرحه فى قلبى وليده
والحياه بهدوم جديده
والأمانى موش بعيده

وانتو جنبى
ببقى من الفرحه هطير
الغفير أصبح أمير
والأسير انفك قيده
والنسيم زى الحرير
والسما صافيه وفيها
كل الوان الطيور
وابقى شايف الكون بحاله
جنه مليانه وهور

وانتو جنبى
قلبى حاسس بالدفا
قلبى حاسس بالوفا
والشقى كله اختفى
والعذاب نال الشفا
باشرب الحنيه صافيه بمغرفه
والنسايم طايره ناديه مهفهفه

وانتو جنبى
باحلم ان العمر يطول ميت سنه
لما تشبع روحى من النور والهنا
وابقى ناسى مين أنا
غير انى أب ما بين ولاده
نال بهم كل المنى

وانتو جنبى

وانتو جنبى باشعر ان الكون بحاله ملك إيدى
واشعر العطف الحنون ماشى ف وريدى
وابقى طاير قلبى بيرفرف سعيد
وابقى طول اليوم فى عيد

وانتو جنبى
بابقى حاسس بالأمان
الوفاء والصدق والحنيه جنبى
روحى باولادى سعيده
فرحه فى قلبى وليده
والحياه بهدوم جديده
والأمانى موش بعيده

وانتو جنبى
ببقى من الفرحه هطير
الغفير أصبح أمير
والأسير انفك قيده
والنسيم زى الحرير
والسما صافيه وفيها
كل الوان الطيور
وابقى شايف الكون بحاله
جنه مليانه زهور

وانتو جنبى
قلبى حاسس بالدفا
قلبى حاسس بالوفا
والشقى كله اختفى
والعذاب نال الشفا
باشرب الحنيه صافيه بمغرفه
والنسايم طايره ناديه مهفهفه

وانتو جنبى
باحلم ان العمر يطول ميت سنه
لما تشبع روحى من النور والهنا
وابقى ناسى مين أنا
غير انى أب ما بين ولاده
نال بهم كل المنى

وانتو جنبى

ما اجمل ان يكون للانسان امل فى الحياة مهما اظلمت الدنيا فى وجهة
وانت بكلماتك الرائعة وضعت فى قلوبنا هدا الامل
فشكرا لك

nana222 كتب:: ما اجمل ان يكون للانسان امل فى الحياة مهما اظلمت الدنيا فى وجهة
وانت بكلماتك الرائعة وضعت فى قلوبنا هدا الامل
فشكرا لك

الله يزيد قلبك صفا
ويخلى عمرك كله نور
يا قلب عامر بالدفا
وعطفه من فيض البحور

شكرا يا قرة عين أبيك
كل عام وانت أكثر صحة وهناء

» صباح الصبر يا عزة
» كانت قبل ثوره الامل
» صباح الحنين (12)
» صباح العيد (3)
» صباح الحنين (16)