يا ايها العام اللى عَدَّه

يا ايها العام اللى عَدَّه
غور ف داهيه
شوف لك مخدِّه
وموت عليها
وهندفنوك
ونحط فوقك ألف سِدِّه
مُوت يا شيخ
مش هنعمل مره عِدِّه
كنت عام فيك رخامه
وهم يامه
كنت عام ألام وشِدِّه
كنت زى عام الرِدِّه
لكن السنه دى
بأذن رب الكون تفك
وكل البشر ليها مستعدِّه
وأهو جالنا سيدك
وجه يبيدك
غور يا شيخ
داهيه لاتعيدك
والسنه دى بنقول
يارب ياكريم
أرحم عبيدك
أسعد عبيدك
ياكريم الخير بأيدك
ياكل واحد السنه دى
أبدأ جديدك
خلِّى قرب ربنا
دا يبقى عيدك
قول يارب تنفرج
وربنا دايما يزيدك
أجعل القُران دا وِردك
تلقى نوره جوه عقلك
وف وريدك
تلقى خير الدُّنيا جاله
من بريدك
تلقى اخبارك سعيده
يطول ف عمرك
وتجوِّز الأولاد ياعم
وتشوف حفيدك
لو قريب من ربنا
متشلش هم
كل غنوة فرح فى الحياه
هتكون نشيدك
======
مستر /عطيه الخضرى
قلين-كفر الشيخ

» نرحب بالعضو الجميل يوه اند يوه والمنتدى العام ينتظر منك الاضافه والجديد ونفسنا نتعلم من حضرتك ايها الخواجه الجميل يوه اند يوه
» ايها اللبلاب يا نبت الغرور
» عن المنتدى العام نرحب بالعضوه الجميل امجد الجوهرى اهلا وسهلا ومرحباويمكنك مشاركتنا فى المنتدى العام
» ايها المصرى افيق
» ايها الرمضان مهلا كيف تتركنا وتذهب