د. محمد عبد المطلب جاد
عدد المساهمات : 473
نقاط : 702
تاريخ التسجيل : 02/07/2009
العمر : 71
الموقع : odabasham.net
 |  موضوع: إنتى بنتى ونن عينى  الجمعة 23 أكتوبر 2009 - 23:56 | |
| انتى بنتى ونن عينى
لو قالولك أنشغل عنك قوليلهم كدابين
إنتى أغلى حاجه عندى
إنتى قلب وروح وعين
**
إوعى مره تصدقى إنك بعيد عنى للحظه
دانتى بنتى ونن عينى
وانتى وحدك صاحبتى واختى وقرينى
مين بقول له عن همومى غيرك انتى
مين يواسى ويرضى خاطرى إلا إنتى
لسه بتنفس معاكى
وروحى تتمنى رضاكى
مره فرحان مره شاكى مره باكى
وانتى بلسم بيداوينى
صدقينى
**
إنتى اللى إيدك قدمت لى طوق نجاه
انتى الحياه
انتى اللى مالقيتشى سواه
احكى معاه
همى ويمسح دمع عينى
صدقينى
**
إنتى كونتى فرحتى وبلسم لحزنى
م العذاب اللى مواعدنى
والجحيم اللى هاددنى
مين مسح دمعى وساعدنى
غيرك انتى
صدقينى
**
مين معايا ف أزمتى كان بيواسينى
مين فرح لى أدك انتى
مين بقى بعطفه يداوينى
صدقينى
**
لو قالولى الدنيا فضيت م البشر
فيها واحده بس والباقى حجر
لو قالوا لى كل شىء فيها انتهى
كل شىء فيها اندثر
وانتى بس الباقيه فيها
كنت قلت بكل عمرى أشتريها
إنتى أغلى حاجه فيها
لو سنين عمرى اللى باقيه
تسوى حاجه م اللى قدمتيه خديها
كل ثانيه نفسها انك تقبليها
نفسها تسمع كلامك
نفسها تعلى لمقامك
نفسها تفتح عنيها
تلتقيها
ملكت الدنيا وما فيها
**
يا سفينه لما كان الموج غالبنى
والعواصف جارحه عينى وساده ودنى
ونارى بتشعلل فى حضنى
والرفيق بالغيظ جالدنى
والصديق ماشى وسايبنى
واللى منى سهيو عنى
واللى خانّى واللى باعنى
والعذاب والخوف راكبنى
كونتى يا أغلى سفينه حسن ظنى
كونتى بنتى وحته منى
شيلتى همى وحوشتى عنى
وقولتى ربى موش خاذلنى
يا سفينتى الساكنه جوه قلب ننى
مهما اقولك أيه هيسوى انك عملتى حاجه منى
لا اللى باقى ف عمرى يكفى
أو حدايا اللى يساوى اللى حيتنى
**
كنت جوه البحر ميت يا سفينه
وانتى بالرحمه وبالنفس الحنونه
خدتى إيدى م الهلاك اللى محاوطنى
رديتى لى الروح وقدمتى المعونه
**
يا سفينتى لو يطول بيه الزمان
أرهن اللى باقى فى حضن الأمان
واشترى بأيامى جَنَّه
فيها طعم وليها معنى
وابقى فيها شمعدان
يا سفينتى نفسى ارد اللى عليه
حتى نَفْسى وكل أيامى شويه
نفسى اقدم روحى لسفينتى هديه
بس نَفْسى وروحى شايلين اللى فيه
واللى فيه نور طفاه غدر الزمان
**
يا سفينتى نفسى اكون ميه بسكر تشربينى
نفسى أكون نسمه هوا تلمس إديكى وتلمسينى
نفسى اكون النور فى عينك
نفسى اكون شمعة سنينك
نفسى احطك جوه عينى
نفسى اكون طفلك يوماتى تصبحينى وتماسينى
نفسى أعمل لك حياتى طرحه بيضا تلبسينى
نفسى اعيش القاكى لما جرحى يكوينى تواسينى
**
يا سفينتى همى أكبر من هموم الكون بحاله
همى أكبر من منايا ومن جماله
قلبى شاب م اللى جراله وم اللى شاله
حاجه فوق الصبر كله وفوق إيماني واحتماله
قلبى موش دا اللى ف ضلوعى
اللى عندى واحد بداله
قلب مهما ينكوى بيقول وماله
قلب ميت قلب فاضى قلب موش دارى بحاله
مكتوباله ، رحله كانت مكتوباله
وانتهت باللى جراله
اللى كان مكتوب له ناله
موش ضرورى يشوف دلاله
أو ينول اللى فى باله
النصيب اختار له مين يبقى له عمه ويبقى خاله
ليه ما يرضاش باللى طاله
قلب عايش بس يتمنى جلاله
إن تكمل رحلته بسترة عياله
**
د. محمد عبد المطلب جاد
أستاذ سيكولوجيا الإبداع – جامعة طنطا | |
|
النفس عابرة سبيل
مدير المنتــدى الاســلامى
عدد المساهمات : 2684
نقاط : 4123
تاريخ التسجيل : 01/08/2009
العمر : 34
| |
د. محمد عبد المطلب جاد
عدد المساهمات : 473
نقاط : 702
تاريخ التسجيل : 02/07/2009
العمر : 71
الموقع : odabasham.net
| | موضوع: رد: إنتى بنتى ونن عينى الجمعة 30 أكتوبر 2009 - 10:06 | |
| اللهم لا تحرمنى قلب ابنتى
شكرا جزيلا يا قرة عين أبيك | |
|
منتهى أملي
مشرف منتدى الشعر والهمسات الرومنسية
عدد المساهمات : 680
نقاط : 906
تاريخ التسجيل : 31/07/2009
العمر : 33
| |
د. محمد عبد المطلب جاد
عدد المساهمات : 473
نقاط : 702
تاريخ التسجيل : 02/07/2009
العمر : 71
الموقع : odabasham.net
| | موضوع: رد: إنتى بنتى ونن عينى الإثنين 15 فبراير 2010 - 16:25 | |
| - منتهى أملى كتب:
كنت جوه البحر ميت يا سفينه
وانتى بالرحمه وبالنفس الحنونه
خدتى إيدى م الهلاك اللى محاوطنى
رديتى لى الروح وقدمتى المعونه أبى الحبيبليتنى ياأبى أكون مثل ابنتك هذه أواسيك وأمسح دمعكليتنى أقدم لك مايسعدك ياأبى أسعد الله قلبك فى الدنيا والآخرة وبارك لك فى ابنتك وجزاها الله عنك خير الجزاء  اللهم زد قرة عين أبيها من كل خير ادخرته لأصفيائك اللهم بارك فى كل ما تمسه يداها ترعاك عين الله يا ابنتى | |
|
