admin
Admin
عدد المساهمات : 2245
نقاط : 4031
تاريخ التسجيل : 14/05/2009
الموقع : تنمية مهارات العمل الاعلامى
 |  موضوع: حب الرمان  الإثنين 12 أكتوبر 2009 - 9:31 | |
| كان يا ما كان ، ما يحلى الكلام غير في ذكر النبي ، عليه الصلاة والسلام .
كان فيه واحد وواحدة ، والواحد والواحدة ما بيخلفوش ، فقالو يارب يارباه يا سامع العوة والدعواه ، تدينا بت ، والبت نسميها حب الرمان . طبعا عطاهم البت ، والبت سموها حب الرمان . والبت دي جميلة جميلة ، جل الله ما خلق فيها ، فلما جميلة أبوها طبعا فرح بيها ، وخدها ووداها عند السايغ بتاع الدهب .
فقال له يا سايغ
قال له نعم يا باشا
قال له خد ارسم لي التوب ده دهب ، وعايز بروكه ، الناحية فضة وناحية دهب .
قال له ماشي
طبعا البت حلوة ، وأمورة ، وتلبس ، وجاب لها عبد بحصان . فسح ستك يفسحها، روح ستك يروحها، يعني محاديها .
جات في يوم من الأيام ، أمها ابتدت تغير منها ، يا سبحان الله ، فيه أم تغير من بتها ؟! هي الدنيا كده . فتيجي في الليل وسهراية الليل ، والقمرطالع ، تقف قدامه بعد ما تسبح وتزوق وتقول ، يا قمرة يا قميرة .
تقولها نعم يا ختي
تقولها حلوة أنا ولاّ حب الرمان بتي ؟
تقولها طبعا حلوة حب الرمان ، تفرق عنك حسن وجمال .
طبعا هيّ تتغاظ ، أزاي القمرة ترد عليها وتقول كده ؟ حلوة حب الرمان ، تفرق عنك حسن وجمال ، فتروح طبعا تضرب في البت ، وتعذب في البت ، وتخلي البت توسخ ، وتقلعها الحاجات بتاعنها ، وتيجي في الليل تاني ، وتقول يا قمرة يا قميرة
تقولها نعم يا ختي
تقولها حلوة أنا ولاّ حب الرمان بتي ؟
تقولها حلوة حب الرمان ، تفرق عنك حسن وجمال .
تتغاظ هيّ ، وتقول حتى القمرة لما أسألها ، تقولي حلوة حب الرمان ، تفرق عنك حسن وجمال ، طيب .
جات ندهت العبد ، فبتقوله يا عبد
قالها نعم يا ستي
قلت له خد
قالها أيه المطلوب مني ؟
قالت له تاخد ستك حب الرمان ، وتمشي بيها بالحصان ، تمشي بيها تمشي بيها في الجبال ، لما توصل بعيد خالص ، وتوغل ، وتدبحها ، وتجيب لي منها فنجان دم أشربه .
يا حول الله يارب . دي بتها ! العبد أحتار . طب أعمل أيه ؟ طب أسوي أيه ؟ إن ما تبيعهاش طبعا هيتقطع عيش العبد . جه ركب ورّكب وراه حب الرمان ، ومشي في الجبل ، فضل ماشي ماشي ماشي في الجبل . قال طب يا ربي لما حب الرمان تدبح ، أمال أمها الرحشة وش الغراب ، يعملوا فيها إيه ؟! أنا من رابع المستحيل أركب الذنب ده .
طبعا أيه اللي يحصل ؟ فضلوا ماشي ماشين ماشين ، والدنيا تجيب وتودي فيهم ، لما لقيوا نخلة ، والنخلة فوقيها غراب ، لما فوقيها غراب ، راح أيه ؟ مسك العبد البندقية ، ورفع وشه لفوق ، وراح طخ الغراب ( تصدر الراوية صوت خروج الطلقة ) راح الغراب مطخوخ ، راح الغراب نازل ف الأرض مكبش ، راح العبد مطلع المطوة من جيبه ، وراح دابح الغراب .
طبعا هيّ مديّ له(11) قزازة(12) يتلقى فيها شوية الدم ، راح متلقي شوية الدم من الغراب ، وراح قافلها ، وقالها يا حب الرمان أنا لو بأيدي كنت سويت معاكي الهوايل ، لكن يا ستي ما أقدرش أعمل أي حاجة ، روحي امشي في بلاد الله وعبد الله ، ربنا هيكرمك باللي يصينك ويحفظك .
فضلت ماشية ، ماشية ، ماشية ، لما رست(13) على أيه ؟ على بيت . البيت ده ف نجع ، والنجع ده طبعا الناس قليلة فيه ، والبيت ده فيه أيه ؟ تلاته ، والتلاتة صبيان أخوات .
طبعا فتحت الباب ده لقيت الأكل ، وفتحت الباب ده لقيت الشرب ، وفتحت الباب ده لقيت السمنة(14) والبصل ، وكل حاجة .
ربنا راد لها الستر ، وهيّ كويسة وبت ناس وبت حلال ، قامت طبخت ، وغرفت ، وغسلت ، ونضفت المكان . قالت طب ياربي استخبى أزاي من صٌحبات(15) البيت ده ؟ّ
طيب يا ربي ، أنت صاحب البصر ، فطلع لها بعد كده جن ، اللي نقول عليه عفركوش .
قالها شبيك لبيك ، عبدك وبين أديكي .
قال له بس(16) تفتح زي طاقة ادخل جواها .
راحت مفتوحة ، راحت داخلة جواها ، وقافلة على نفسها .
طبعا جٌم(17) التلات أخوات ،جم الغيط ، سارحين بيشتغلو ، كل يوم يِّجيو ، اللي يجيب الميات(18) ، واللي يجيب العشات(19) ، واللي يجيب الطبيخات(20) ، ويتخانقو ، وأنت ما عملت ، وأنت ما عملتش . دول فتحو الباب ، لقيو اللهم صلي ع النبي ، البيت نضيف ، والحاجة معمولة ، والأكل معمول ، ومحطوط على جنب ، أيه ده ؟ أيه ده ؟!
نط واد فيهم كده ، فيه شيء لله ، طب انا أقولكم يا جماعة ، يمكن ملكة(21) البيت عملت لنا الحكاية دي ، يا ملكة البيت اطلعي لنا . راحت طالعة ليهم حب الرمان .
حب الرمان طبعا جميلة ، جلى الله ما خلق فيها ، أيه ده(22) ؟ ده يقول أخدها أنا(23) ، وده يقول أخدها أنا . الصغي فيهم قالهم بس . قالو أيه ؟ قالهم شكرا جزيلا ، حياخد أخته ، سمعتوا عن حد قبل كده خد أخته ؟!
قالو أختنا ؟! أبونا ما خلفلناش(24) أخوات .
قال بس سبحان الله وتعالى ربنا خلف لكم(25) أخوات .
راح قام على حيله . قالهم أيه ؟ قالهم دي أختكم هتعيش معاكم .
قالو ماشي .
المهم عاشو في سعادة ، تضبخ لهم ، وتغسل لهم ، وتوضب(26) لهم اللقمة .
أمها ما سبتهاش في حالها ، فضلت تعس ، تعس وراها ، وعرفت أيه ؟ أنها شربت دم الغراب . وبدال(27) ما هيّ حلوة شوية ، بقت غراب ، وتقول كاك كاك . راحت ضاربة في العبد ، وفضلت تضرب وتضرب ، قالها أنا ما أقدرش أعمل حاجة في ستي . ستي الصغيرة ما أقدرش أعمل فيها حاجة ، فسبتها .
فجات واحدة غجرية ، اللي بتضرب الرمل ، وتقول غازية وأضرب الرمل ، غازية وأضرب الرمل ، فاللي تطلع لها(28) بخمسة ، بعشر قروش . وفيه مثل بيقولك ايه ؟ خد من عبد الله واتكل على الله . فجات أم حب الرمان وقالت لها أما أقولك أيه يا ختي(29)
قالت لها أيوة
قالت لها أنا ليا بت اسمها حب الرمان ، والبت دي ف النجع التاني .
قالت لها طب والمطلوب مني ؟
قالت لها عايزاكي تجيب لي خبر عنها .(30)
قالت طيب.
طبعا أديتها مواصفاتها ، وأديت لها طولها ، وحلاوتها وجمالها . ففضلت ماشية . لحد ما مكنت منها( 31) لقيتها قاعدة في حالها .
قالت لها مالك يا بتي ؟
قالت ماليش يا خالتي.
قالت لها ما قربتيش تتجوزي ؟
قالت لها يا خالتي أنا مش هتجوز .
طبعا فضلت وراها ، وهاتك لما لك أيه ؟ ظهرت لها أنها حب الرمان(32) ، لما ظهرت لها حب الرمان ، قالت لها بصي يا حب الرمان .
قالت لها نعم
قالت لها افتحي بقك(33)
راحت فاتحة بقها ، راحت مسقطا لها اللمونة(34) ، راحت اللمونة واقفة في زورها .
طبعا الغجرية طارت لأمها ، وتقولها ده حصل . موتتها يعني .
تعبت حب الرمان ، وأخواتها حواليها يبكو ، يقول يا ولاد دي أختنا ، ويبكو حواليها ، فضلو يبكو يبكو يبكو ، لما واحد معدي واد حلال . قالها طيب واللي يطيبها لكم ؟(35)
قال اللي يقول عليه ياخده .
قال لع(36) . بس هو مش عايز يقول على حاجة
أمال هيقول على أيه ؟
قال أتجوزها .
تتجوزها ؟! تتجوزها أزاي ؟!
المهم قالو نشرط عليك شرط.
قال اشرطو
قالو تتجوزها وتقعد معانا
قال يا سلام ، أقعد معاكم .
راح مميلها(37) ، راح ضاربها لكمية(38) كده من ورا ( كخ )(39) ، ولكمية كده من قدام ، راحت كاخة اللمونة . (40) كخت اللمونة فاقت .(41)
طبعا الأخ الكريم اللي كخخها اللمونة ، قرا الفاتحة ، وجاب المأذون ، وجاب الدهب ، وقامو الأفراح والليالي الملاح .وما تكون طاقيتي مخرومة ، كنت مال
يتها لك مبرومة
وما يكون حجري جديد ، كنت ماليته لك فريك
وتوتة توتة ، خلصت الحدووتة .
| |
|
