مع العم عزت السعدنى ### انت ديك ولا فرخه ###

عزيزي‏ ‏الرجل‏: ‏ما‏ ‏هو‏ ‏مكانك‏ ‏الآن‏ ‏في‏ ‏بيت‏ ‏الزوجية‏.. ‏الديك‏ ‏أم‏ ‏الفرخة؟ هل‏ ‏أنت‏ ‏السيد‏ ‏الآمر‏ ‏الناهي‏ ‏لا‏ ‏مرد‏ ‏لكلمتك‏.. ‏نافش‏ ‏ريشك‏ ‏وعرفك‏ ‏الأحمر‏ ‏تاج‏ ‏فوق‏ ‏رأسك‏.. ‏لك‏ ‏الأمر‏ ‏والطاعة‏.. ‏حافظ‏ ‏مركزك‏ ‏بوصفك‏ ‏رجل‏ ‏البيت‏ ‏وحاميه‏ ‏من‏ ‏كلاب‏ ‏السكك‏ ‏وذئاب‏ ‏الطريق؟

هل‏ ‏أنت‏ ‏صاحب‏ ‏الكلمة‏ ‏العليا‏ ‏الأولي‏ ‏والأخيرة‏ ‏في‏ ‏كل‏ ‏أمور‏ ‏البيت‏.. ‏لا‏ ‏رأي‏ ‏بعد‏ ‏رأيك‏ ‏ولا‏ ‏قول‏ ‏بعد‏ ‏قولك؟ أم‏ ‏أنت‏ ‏يا‏ ‏عزيزي‏ ‏الرجل‏ ‏قد‏ ‏أصبحت‏ ‏بعد‏ ‏التعديل‏ ‏الاضطراري‏ ‏الذي‏ ‏حدث‏ ‏في‏ ‏المجتمع‏ ‏المصري‏ ‏وفي‏ ‏كل‏ ‏المجتمعات‏ ‏في‏ ‏كل‏ ‏دول‏ ‏العالم‏.. ‏بعد‏ ‏أن‏ ‏نزلت‏ ‏المرأة‏ ‏سوق‏ ‏العمل‏ ‏وأصبحت‏ ‏تزاحم‏ ‏الرجل‏ ‏بل‏ ‏وتتفوق‏ ‏عليه‏ ‏في‏ ‏كثير‏ ‏من‏ ‏الأحيان‏.. ‏وأصبح‏ ‏لها‏ ‏مال‏ ‏وسلطان‏ ‏وحساب‏ ‏في‏ ‏البنك‏ ‏وفيزا‏ ‏كارت‏.. ‏والفلوس‏ ‏تعلي‏ ‏المقام‏ ‏وتطول‏ ‏اللسان‏ ‏ـ‏ ‏كما‏ ‏قالت‏ ‏لي‏ ‏و‏ ‏تنول‏ ‏المراد‏ ‏مديرة‏ ‏كبيرة‏ ‏المقام‏ ‏في‏ ‏البنك‏ ‏الأصلي‏ ‏ـ‏ ‏بل‏ ‏وتجعل‏ ‏صوت‏ ‏المرأة‏ ‏في‏ ‏البيت‏ ‏مسموعا‏ ‏ومطاعا‏ ‏مثله‏ ‏مثل‏ ‏صوت‏ ‏الرجل‏ ‏تماما‏.. ‏إن‏ ‏لم‏ ‏يكن‏ ‏أعلي‏ ‏في‏ ‏بعض‏ ‏الأحيان‏.. ‏حتي‏ ‏يصبح‏ ‏في‏ ‏النهاية‏ ‏هو‏ ‏الصوت‏ ‏الأعلي‏.. ‏إن‏ ‏لم‏ ‏يكن‏ ‏هو‏ ‏الصوت‏ ‏الوحيد‏!‏

أم‏ ‏أنت‏ ‏في‏ ‏نهاية‏ ‏الأمر‏ ‏قد‏ ‏سلمت‏ ‏كل‏ ‏أمور‏ ‏البيت‏ ‏والغيط‏ ‏والبنين‏ ‏والبنات‏ ‏ومصير‏ ‏الأسرة‏ ‏كلها‏ ‏لزوجتك‏ ‏المصونة‏ ‏والجوهرة‏ ‏المكنونة‏.. ‏تفعل‏ ‏ما‏ ‏تريد‏ ‏ولو‏ ‏حتي‏ ‏جابت‏ ‏عاليها‏ ‏سافلها‏.. ‏وأنت‏ ‏جالس‏ ‏علي‏ ‏كنبة‏ ‏اسطامبولي‏ ‏في‏ ‏وسط‏ ‏الصالة‏ ‏سامع‏ ‏وشايف‏.. ‏ولكنك‏ ‏ودن‏ ‏من‏ ‏طين‏ ‏وودن‏ ‏من‏ ‏عجين‏.. ‏تقرأ‏ ‏صفحات‏ ‏الوفيات‏ ‏في‏ ‏الأهرام‏ ‏لكي‏ ‏تقوم‏ ‏بواجب‏ ‏العزاء‏ ‏فيمن‏ ‏رحل‏ ‏من‏ ‏رفاقك‏ ‏الذين‏ ‏سبقوك‏ ‏إلي‏ ‏عالم‏ ‏أكثر‏ ‏عدلا‏ ‏وأكثر‏ ‏صدقا‏ ‏وأكثر‏ ‏إنصافا‏ ‏لجنس‏ ‏الرجال‏.. ‏وتشرب‏ ‏فنجانا‏ ‏من‏ ‏القهوة‏ ‏السادة‏ ‏صنعتها‏ ‏لك‏ ‏أم‏ ‏خليل‏ ‏جارتكم‏ ‏العجوز‏..

‏لأن‏ ‏الست‏ ‏هانم‏ ‏حرمك‏ ‏المصون‏.. ‏إما‏ ‏مشغولة‏ ‏في‏ ‏شغلها‏ ‏وحسابات‏ ‏رصيدها‏.. ‏أو‏ ‏جالسة‏ ‏في‏ ‏ركن‏ ‏هادئ‏ ‏من‏ ‏الصالون‏ ‏تدبر‏ ‏أمور‏ ‏بيتك‏ ‏وتدير‏ ‏شئون‏ ‏قلعتك‏ ‏كما‏ ‏يصف‏ ‏الإنجليز‏ ‏بيت‏ ‏الرجل‏ ‏بقلعته‏ ‏قبل‏ ‏أن‏ ‏يقتحمها‏ ‏جنس‏ ‏النساء‏ ‏ويستولين‏ ‏عليها‏ ‏ويرفعن‏ ‏أعلامهن‏ ‏الملونة‏ ‏المزوقة‏ ‏وينزلن‏ ‏أعلام‏ ‏الرجال‏ ‏الذين‏ ‏ارتضوا‏ ‏في‏ ‏آخر‏ ‏الزمان‏.. ‏أن‏ ‏يتراجعوا‏ ‏ويتنازلوا‏ ‏ويحلقوا‏ ‏الشنبات‏ ‏ويحملوا‏ ‏في‏ ‏آخر‏ ‏الزمان‏ ‏لقب‏ ‏رجل‏ ‏بركة‏.. ‏ورحمة‏ ‏ونور‏ ‏تنزل‏ ‏عليك‏ ‏ياسي‏ ‏السيد‏ ‏آخر‏ ‏الرجال‏ ‏الحقيقيين‏ ‏في‏ ‏ملحمة‏ ‏نجيب‏ ‏محفوظ‏: ‏بين‏ ‏القصرين‏!‏
---------------------------------------------

قال‏ ‏لي‏ ‏معلم‏ ‏ـ‏ ‏بكسر‏ ‏الميم‏ ‏وفتح‏ ‏العين‏ ‏ـ‏ ‏في‏ ‏سوق‏ ‏الخضار‏ ‏أيام‏ ‏كان‏ ‏في‏ ‏روض‏ ‏الفرج‏: ‏الراجل‏ ‏يبان‏ ‏ويظهر‏ ‏ويهل‏ ‏هلاله‏ ‏من‏ ‏أول‏ ‏يوم‏ ‏جواز‏.. ‏في‏ ‏ليلة‏ ‏الدخلة‏ ‏لازم‏ ‏يكون‏ ‏غضنفر‏ ‏تعرف‏ ‏يعني‏ ‏ايه‏ ‏غضنفر‏.. ‏يعني‏ ‏راجل‏ ‏يسد‏ ‏ويمد‏..‏
ولما‏ ‏سألته‏: ‏يعني‏ ‏إيه‏ ‏يسد‏ ‏ويمد‏..‏

قال‏: ‏يعني‏ ‏يكفي‏ ‏بيته‏ ‏من‏ ‏مجاميعه‏.. ‏جيبه‏ ‏عمران‏ ‏دايما‏.. ‏مايجيش‏ ‏في‏ ‏يوم‏ ‏يقول‏ ‏للست‏ ‏بتاعته‏: ‏مافيش‏.. ‏أو‏ ‏بكرة‏.. ‏أو‏ ‏لما‏ ‏يفرجها‏ ‏ربنا‏.. ‏الست‏ ‏ماتستناش‏ ‏لبكرة‏.. ‏طيب‏ ‏وتعمل‏ ‏إيه‏ ‏في‏ ‏النهاردة‏.. ‏تجوع‏ ‏أو‏ ‏تتعري‏ ‏أو‏ ‏تمد‏ ‏إيدها‏ ‏للي‏ ‏يسوي‏ ‏واللي‏ ‏مايسواش‏!‏

وكمان‏ ‏الراجل‏ ‏ساعة‏ ‏الحظ‏ ‏والفرفشة‏ ‏والسهر‏ ‏مايكونش‏ ‏غلس‏ ‏كده‏ ‏ومدب‏ ‏ـ‏ ‏بكسر‏ ‏الميم‏ ‏وفتح‏ ‏الدال‏ ‏وسكون‏ ‏الباء‏ ‏ـ‏ ‏يعني‏ ‏يختار‏ ‏الكلام‏ ‏اللي‏ ‏يقوله‏ ‏لمراته‏ ‏بظرف‏ ‏ولطف‏.. ‏واوعي‏ ‏يضربها‏ ‏في‏ ‏يوم‏ ‏من‏ ‏الأيام‏.. ‏لأن‏ ‏ضرب‏ ‏الست‏ ‏إهانة‏ ‏لها‏ ‏ومهانة‏ ‏لكرامتها‏.. ‏خصوصا‏ ‏لو‏ ‏كانت‏ ‏ست‏ ‏بنت‏ ‏ناس‏ ‏وبتسمع‏ ‏الكلام‏ ‏وتحفظ‏ ‏المقام‏!‏

‏ ‏وقال‏ ‏لي‏ ‏ظريف‏ ‏أفندي‏ ‏وهو‏ ‏موظف‏ ‏حكومة‏ ‏يعمل‏ ‏في‏ ‏السكة‏ ‏الحديد‏: ‏مافيش‏ ‏حاجة‏ ‏في‏ ‏البيت‏ ‏اسمها‏ ‏ديك‏ ‏وفرخة‏.. ‏ومين‏ ‏هو‏ ‏الديك‏ ‏ومين‏ ‏هي‏ ‏الفرخة‏.. ‏لأنه‏ ‏لا‏ ‏يمكن‏ ‏أبدا‏ ‏أن‏ ‏تأخذ‏ ‏الدجاجة‏ ‏مكان‏ ‏الديك‏ ‏أو‏ ‏يتنازل‏ ‏الديك‏ ‏عن‏ ‏اسمه‏ ‏وشرفه‏ ‏ونوعه‏ ‏للدجاجة‏ ‏بتاعته‏ ‏اللي‏ ‏هي‏ ‏مراته‏ ‏التي‏ ‏تحمل‏ ‏اسمه‏ ‏بوصفها‏ ‏حرم‏ ‏ظريف‏ ‏أفندي‏ ‏علي‏ ‏سن‏ ‏ورمح‏!‏
طيب‏ ‏لو‏ ‏الديك‏ ‏تنازل‏ ‏عن‏ ‏دوره‏.. ‏مين‏ ‏يحمي‏ ‏داره‏.. ‏مين‏ ‏يدافع‏ ‏عن‏ ‏صغاره‏.. ‏مين‏ ‏يحمي‏ ‏شرفه‏ ‏وعرضه؟

أنا‏ ‏والست‏ ‏وداد‏ ‏مراتي‏ ‏وهي‏ ‏مدرسة‏ ‏في‏ ‏مدرسة‏ ‏الراهبات‏. ‏أول‏ ‏الشهر‏ ‏نحط‏ ‏مرتباتنا‏ ‏علي‏ ‏بعض‏ ‏في‏ ‏الدولاب‏ ‏اللي‏ ‏في‏ ‏حجرة‏ ‏النوم‏.. ‏وكل‏ ‏واحد‏ ‏ياخذ‏ ‏اللي‏ ‏يحتاجه‏ ‏موش‏ ‏اللي‏ ‏هو‏ ‏عاوزه‏.. ‏واهي‏ ‏ماشية‏.. ‏ولما‏ ‏نقف‏ ‏عند‏ ‏مشكلة‏ ‏أو‏ ‏أزمة‏.. ‏نتشاور‏ ‏في‏ ‏هدوء‏ ‏والرأي‏ ‏الصواب‏ ‏هو‏ ‏اللي‏ ‏يمشي‏!‏

قلت‏ ‏لأخونا‏ ‏ظريف‏: ‏تعرف‏ ‏أنا‏ ‏سألت‏ ‏أمي‏.. ‏إزاي‏ ‏بتتفاهمي‏ ‏مع‏ ‏الراجل‏ ‏الكشر‏ ‏ده‏ ‏أبو‏ ‏صوت‏ ‏عالي‏ ‏دائما‏.. ‏وإزاي‏ ‏عاشرتيه‏ ‏علي‏ ‏الحال‏ ‏ده‏ ‏أكثر‏ ‏من‏ ‏خمسة‏ ‏وأربعين‏ ‏سنة؟
قالت‏: ‏حاجة‏ ‏بسيطة‏ ‏جدا‏.. ‏لما‏ ‏يسألني‏ ‏عن‏ ‏رأيي‏ ‏في‏ ‏حاجة‏ ‏أقوله‏.. ‏يسكت‏ ‏وثاني‏ ‏يوم‏ ‏يقولي‏ ‏اعملي‏ ‏كذا‏ ‏وهو‏ ‏نفس‏ ‏رأيي‏ ‏اللي‏ ‏قلتهوله‏ ‏لسة‏ ‏امبارح‏.. ‏لكن‏ ‏علي‏ ‏لسانه‏ ‏هو‏.. ‏الراجل‏ ‏يابني‏ ‏مهما‏ ‏كبر‏ ‏وشاخ‏ ‏برضه‏ ‏لسه‏ ‏زي‏ ‏الطفل‏ ‏الصغير‏ ‏عاوز‏ ‏كلامه‏ ‏هو‏ ‏اللي‏ ‏يمشي‏.. ‏أبوك‏ ‏يابني‏ ‏زي‏ ‏براد‏ ‏الشاي‏ ‏يغلي‏ ‏ويفور‏ ‏وفي‏ ‏الآخر‏ ‏ينزل‏ ‏علي‏ ‏مافيش‏!‏
---------------------------------

وقالت‏ ‏لي‏ ‏زوجة‏ ‏تسكن‏ ‏في‏ ‏الجوار‏: ‏يا‏ ‏عم‏ ‏قول‏ ‏يا‏ ‏باسط‏.. ‏فرخة‏ ‏إيه‏ ‏وديك‏ ‏إيه‏ ‏وهو‏ ‏بسلامته‏ ‏إسماعيل‏ ‏جوزي‏ ‏مجرش‏ ‏في‏ ‏البيت‏ ‏بقاله‏ ‏تسع‏ ‏شهور‏ ‏لا‏ ‏شغلة‏ ‏ولا‏ ‏مشغلة‏ ‏بعد‏ ‏ماخرجوه‏ ‏ولاد‏ ‏الأبالسة‏ ‏في‏ ‏شركة‏ ‏قطاع‏ ‏عام‏ ‏باعها‏ ‏الحرامية‏.. ‏علي‏ ‏معاش‏ ‏مبكر‏.. ‏وأنا‏ ‏اللي‏ ‏بصرف‏ ‏علي‏ ‏البيت‏ ‏كله‏ ‏وعليه‏ ‏كمان‏.. ‏تقولي‏ ‏فرخة‏ ‏وديك‏.. ‏بذمتك‏ ‏أنا‏ ‏قدامك‏ ‏ديك‏ ‏واللا‏ ‏فرخة؟
أنظر‏ ‏إلي‏ ‏امرأة‏ ‏مازالت‏ ‏تحتفظ‏ ‏بآخر‏ ‏أوراق‏ ‏شجرة‏ ‏شبابها‏ ‏وجمالها‏ ‏وأقول‏ ‏لها‏: ‏فرخة‏ ‏ونص‏ ‏وبلدي‏ ‏كمان‏!‏

وقال‏ ‏لي‏ ‏زوجان‏ ‏شابان‏ ‏يعملان‏ ‏في‏ ‏أحد‏ ‏البنوك‏ ‏الأجنبية‏: ‏احنا‏ ‏الاثنين‏ ‏زي‏ ‏بعض‏ ‏تمام‏.. ‏اللي‏ ‏بيفرق‏ ‏بيننا‏ ‏هو‏ ‏بطاقة‏ ‏الرقم‏ ‏القومي‏ ‏ده‏ ‏راجل‏ ‏ودي‏ ‏ست‏.. ‏مافيش‏ ‏حد‏ ‏صوته‏ ‏يعلي‏ ‏علي‏ ‏التاني‏.. ‏ومافيش‏ ‏ديك‏ ‏وفرخة‏.. ‏فيه‏ ‏حاجة‏ ‏نساها‏ ‏الناس‏ ‏الأيام‏ ‏دي‏ ‏اسمها‏ ‏الحب‏ ‏والتفاهم‏.. ‏والاحترام‏.. ‏لو‏ ‏فيه‏ ‏الثلاثة‏ ‏دول‏.. ‏يبقي‏ ‏مافيش‏ ‏لا‏ ‏فرخة‏ ‏ولا‏ ‏ديك‏.. ‏فيه‏ ‏اثنين‏ ‏بني‏ ‏آدمين‏ ‏بيحبوا‏ ‏بعض‏ ‏وبس‏!‏
صفقت‏ ‏للحب‏ ‏والتفاهم‏ ‏ويحيا‏ ‏الشباب‏!‏

شكرا للشخصيه التصوريه ووصل المعنى والمغذى شكرا لجميلتنا وغاليتنا