دقت ساعه العمل الثورى ونبتدى منين الحكايه اليوم

دقت ساعة العمل الثوري في كفاح الاحرار
تعلن زحف الوطن العربي في طريقه الجبار
الثوار هما الشعب والاحرار هما الشعب
عارفين المشوار

هي ارادة شــعب اتحرر يوم تلاتة وعشرين
طلع الفجر عليه كان عارف هو طريقه منين
راح للماضي بعزم جبابرة خلي عبيد الارض اســـــياد
مية سنة واكتر خلصوا في عشرة لارجعية ولا استعباد
من اول مشوار

ومشي الركب يواصل سيره يحارب الاستعمار
في ألوان الذل وطارد شـــــــبحه في كل جدار
طلعوا علينا بعدوان فاشــــل قمنا نرد النار بنار
ظهر الحق ورجع الباطل لاحرية مع استعمار
وماكملش المشوار

وفضل ماشـــي العربي الاسمر يعلن فجر جديد
اشتراكية وفردت نورها ويوم عن يوم بيزيد
عهد رســــول الله الهادي نادي بيها من اجيال
خدنا العهد وقمنا ننادي لا انتهازية ولا استغلال

سبق الشعب كفاحه وزحفه وراح يبني له مكان
بميثاق يحمي مصيره ومجده وحياته كانســـــان
من ماضينا من حاضرنا للمســــتقبل حققناه
للمجتمع الحر اللي احنا احنا الشعب اللي طلبناه
وهانمشي المشوار

لما نادي الشعب لبطله بطل الثورة جمال
لما مشينا نغني ناصر وســــــبقنا الاجيال
كنا بنحمي مبادئ ستة عارفينها مشاويرها طوال
واليوم واحنا في وسط السكة بنجدد عهدك ياجمال
لبقية المشوار



تاريخ: [b]

فلنستبدل 23 ب25 وجمال عبد الناصر وائل غنيم ومؤقتا انها الثورات تنبع من معين واحد[b]