عار عليكم يا عرب
دى امكم سايبينها ليه
نفسه يكتب القلم
لكننى غاصب عليه
نفسه يكتب القلم
لكن هيكتب ايه
معلش قومى يا امه
ربنا موجود
صاحب الكرم والجود
اتوضى يا امه وياللا صلى
واسجدى لربك وادعيه
فضفضى
اغمسى ايدك ف نيلك
وارفعيها اتمضمضى
يا شيخه قولى
اتكلمى وبلاش تترددى
صحصحى واتنشطى
معدش تانى ترقدى
يأسانه ليه
وانتى طول عمرك
مؤمنه بتوحدى
ليه يامه نايمه ومستكينه
وانته عمرك ما كنتى يا امه بتمرضى
ويامه مر عليكى الفرعون والرضى
وكنت تانى تقومى
تسمنى وتعرضى
وكان جمالك كلنا
بنفخر بيه
عار عليكم يا عرب
دى امكم سايبينها ليه
نفسه يكتب القلم
لكننى غاصب عليه
نفسه يكتب القلم
لكن هيكتب ايه
معلش قومى يا امه
ربنا موجود
صاحب الكرم والجود
اتوضى يا امه وياللا صلى
واسجدى لربك وادعيه
كنت اعرف انك عفيه
ابويه وجدى
كانوا يحكوا ليه
شوف يا عطيه
مصر مهما ضعفت
بترجع من تانى عفيه
مصر يا ابنى
دايما كريمه وابيه
عمرها يا ابنى
دايما قويه
بص يا ابنى
يامه خانها خواتها
ويامه قطع جلدها عماتها
ويامه نهش من عضمها خالتها
لكنها كات تانى ترجع تلملم شتاتها
وتعوض كل شىء فاتها
طول عمرها رأيها من ذاتها
طول عمرها يابنى خدامه لخواتها
اصل الكبار دايما كده
ميدوروش على نفسهم
ولاحد غير خواتهم همهم
بيضحوا عشان خواتهم
بكل شىء حتى بنبض قلبهم
وبدمهم
وانت الكبيره والاميره
اللى يامه
كات بتضمهم
زى امهم
انتى امهم
ويفضل دا دورك
تفضلى تأديه
عار عليكم يا عرب
دى امكم سايبينها ليه
نفسه يكتب القلم
لكننى غاصب عليه
نفسه يكتب القلم
لكن هيكتب ايه
معلش قومى يا امه
ربنا موجود
صاحب الكرم والجود
اتوضى يا امه وياللا صلى
واسجدى لربك وادعيه
دلوقتى سايبينك خواتك
جرى ايه يا ليبيا
جرى ايه يا تونس
مش دى امكم
فين الكويت وفين قطر
فين بحرينك يامى
فين اردنك وفين عمانك
الكل خانك
محدش فكر يمد ايده عشانك
وانتى يامه اديتى الكل
من حنانك
حتى محدش فكر
بكلمه حب
يهمس بيها فوق ودانك
معلش يامه
ربنا هيعلى شانك
وبكره يا امه
من تانى يرتفع بنيانك
وحدى الله يامه
لجل ما يعطر لسانك
استغفريه
عار عليكم يا عرب
دى امكم سايبينها ليه
نفسه يكتب القلم
لكننى غاصب عليه
نفسه يكتب القلم
لكن هيكتب ايه
معلش قومى يا امه
ربنا موجود
صاحب الكرم والجود
اتوضى يا امه وياللا صلى
واسجدى لربك وادعيه
اللى ف ايده يساعدك
من خواتك لازم يقوم
انا مش بخص حد
لكن كلامى ع العموم
مش هى مصر
اللى يامه شالت فى الهموم
مش هى مصر
اللى شالتكم على اكتافها
وفى المحيط كانت تعوم
مش هى مصر
اللى خيرها ع الجميع
كان يدوم
مش هى مصر
اللى كنت بتقصدوها ف وقت اللزوم
اللى كات بتدى
ولا تضايق ولا كانت تزوم
دلوقتى مش عارفينها
وهى مش ستراها الهدوم
مش لازمها منكوا حاجه
هى لازم منكم تشحت
مش حقها دايما عليكم
تقدموا ليها بايديكم
من غير ما تطلب منكوا يوم
خلاص كده كله بطر
كلك شافوكى يا امه
وانتى قلبك عليهم
كان ينفطر
ايه يا سعوديه
دى برضه مصر
مش هفيه
ولا خلاص الدم اصبح ميه
ولا الغباوه اصبحت
عايشه فيه
عار عليكم يا عرب
دى امكم سايبينها ليه
نفسه يكتب القلم
لكننى غاصب عليه
نفسه يكتب القلم
لكن هيكتب ايه
معلش قومى يا امه
ربنا موجود
صاحب الكرم والجود
اتوضى يا امه وياللا صلى
واسجدى لربك وادعيه
يارب مصر جنتك
اسبل عليها نعمتك
واسترها بسترك
بحق كن كلمتك
يارب قويها من قوتك
وارحمها يارب برحمتك
الأربعاء 14 يوليو 2021 - 17:02 من طرف admin
موضوع: عار عليكم يا عرب 
