حبيبتى يا غاليه
فاكره يامصر
لما كنت العصر
بتمسكى ايدى
واحط التانيه حوالين الخصر
وكنا نمشى جنب النيل
واغنيلك كدا مواويل
واقولك يا امه نفسى النيل
يكون كام نيل
ونزرع صحرتك يامه
بورد جميل
بقطن زمان قالوا
عليه متين وطويل
خلاص يا امه معدش النيل
بقه متلوث بطين ونجيل
نيلك اللى كانت ميته
قران وانجيل
معدش نيل
بقه ماشى يا امى ذليل
بقه ماشى فى مجرى عليل
ولا فاكره يوم ما قلتى نتفسح
دلوقت يامه الهرم واقع
وابو الهول بقه مكسح
ابو الهول اللى كان يجرى
ونجرى وراه
وكان دايما بيتفسح
معدش منك بيتنصح
ولادك يا مه بيقطعوا فيه
وابو الهول واقف
مانيش قادر امشيه
فينك يا امى تصحصحى فيه
فينك يا امى تاخدى بايده وترفعيه
قبل الزمن يا غاليه ما يكفيه
ولا يبقى الهرم ولا شىء
تفتخرى بيه
ربنا يا امه يكون فى عونك
تخلصى من فرعون
يطلع لك من تانى فرعونك
مش لاحقه يا امه تمسحى الدمع ف عيونك
يارب يحفظك يا امه ويصونك
الأربعاء 14 يوليو 2021 - 17:02 من طرف admin
موضوع: فاكره يامصر 
