ثانى اكسجين الحب

بلقينى
حمد لله ع السلامه
يا ابو اجمل ابتسامه
والله اشتقنالك يامه
فى غيابك شمس المنتدى
كانت عليها قتامه
ولما عدت رجعت
لها العافيه والسلامه
يا عنوان الشهامه
تبعد لكن تعود بالخير
مفيش عليك ملامه
دانت للاخلاص علامه
طول عمرك محترم
ماتعرف فى يوم تلامه
ولاعمرك تعرف فى يوم رخامه
اسد لكن شايل فى صدرك
قلب ارق من قلب الحمامه
جميل فى اخلاقك
وجمال اخلاقك
ازال من الدنيا الدمامه
نبيه وذكى
عمرك ما تلبس عمامه
اى مكان تحضره يكون بستان
حتى لو ملقف لمامه
حبك اكسير
ثانى اكسجين الحب
ومش عايز كمامه
تحس بيه ترتاح
سلس بسيط
وف غايه النعامه
انت انسان مميز
مش زى كثير م العامه
ربى دايما يحفظك
وحمدلله ع السلامه

السلام عليكم ورحمه الله وبركاته

اما بعد

سيدى الشاعر الجميل

انا ممنون لحضرتك وكلماتك رقيقه دوما والله العظيم انا بحبكم فى الله تعالى

لكن مشاكل النت المصرى كالعاده

عمنا الشاعر الجميل

النت فى اوربا زى التلفزيون عندنا فى مصر

معرفشى ليه احنا عندنا النت على راى ابن البلد منيل بستين نيله

واوعى ياشاعرناتسألنى يعنى اه (( نيله )) وطبعا هى معروفه فى الكتب وياله نعتبرها فزوره اليوم

(( ماهى النيله ومشعنا بستين نيله ))

النيله
قله حيله
وظروف ماشيه بالتيله
الناس مش لاقيه نجيله
والناس حيلتها قليله
طبعا نيله وستين نيله
لما ذكرنا النيل
مش لاقى النيله
ولاعارف يزرع
ولا عارف يقلع
والارض عويله
والاشجار ع الشط
ماتت معدتش ظليله
حتى الارض اللى فيها الرمق
صبحت بخيله
مش عارفه تطلع حتى بدنجان
حته تخبيله
طبعا نيله وستين نيله
لما تقوم الثوره تغير
والتغيير ملامحه ضئيله
لما ننام فى الخط نبلط
عايزين هات
والحاج شرف معدوم الحيله
لما الامن يزول
معدش نزول
والليل بيمر
ساعاته طويله
لما قلوب الناس
جحدت معدتش نبيله
وضماير الناس
واخدين تعسيله
طبعا نيله وستين نيله

رائع ومدهش وعجيب لاحرمنا الله من اطلالتك الشعريه والنثريه والبلاغيه وكأن الكلمات طوعت لك سيدى الشاعر والملحن والماستروا الجميل ناقص ليه قالوا ستين وليس سبعين اعتقد لزوم القافيه وانا مقدرش اخشلك قافيه

النيلة يا عزيزي في الاصل هي طمي النيل الناعم جدا و كلما أجود كلما صعب التخلص منه
ومنه انسحبت الكلمة علي اللون الازرق الخام جدا لونه وهو مسحوق اسود وكلما خففته بالماء او خلافة تول الي الازرق تدريجيا ويصب جدا التخلص منه لأنه مركز جدا ً ومنه أيضاً انسحبت الكلمة علي الاخضر نيلة وهو نفس الحال غير أن مسحوقه برتقالي وعندما ياب بالماء او خلافه يتحول الي الاخضر المركز جداً ويصعب ايضا التخلص منه بسهوله

وهكذا عندما تكثر الاشياء التي يصعب التخلص منها او كثر الهموم العظام الصعبة قيل عنها ستين نيلة واذا كثرت مواجع اليوم قيل عنه نفس الكلام وستين اخت سبعين و ستين في سبعين

وأظن لست جازما النيلة اظن انها نوع من الصبغة الزرقاء واظن انها تقال بكثرة في مصر لانهم يعتبرون اللون الازرق رمز للتشائم وهذه عادة ماخوذة من الفراعنة حيث كان اعداء ا لفراعنة من الاوربيين لون اعينهم ازرق فاصبحت عادة للتشائم وتمنى المصائب وستين يمكن ان تكون للمبالغة

شكرا ايها الشاعر الجميل ومش شاعروبس داكمان كيمائى وباحث قد الدنيا

شكرا جزيلا

اسمحلى ان احكى لك حكايه جميله وقعت مشاده بين زوجين بسبب كلمه النيله

الزوجه زوجه محترمه جدا وشيك ورقيقه تزوجت من سعودى ومن طبع السعوديين يقولون

اغسلى الثوب الابيض ونيليه بستين نيله فزعلت الزوجه الرقيقه معتقده انه يهينهها

فحكموا اخوك السابع عشر وكأنى عالم بمواطن الامور والمعلومه ديت بتاع النيله حلت الاشكاليه الثقافه بتنفع احيانا

واحيانا بتودى فى ابو قرش وياريت ما تسأنى ولا تفكرنى بأبو قرش

» فلنربى اولادنا بالحب كلمه حب ونظره حب ولمسه حب ولقمه الحب وضمه الحب وفبله الحب وبسمه الحب وغطاء الحب هذا مردوده الطفل السوى
» الحب/ الحب/ الحب/ من الالف الى الياء الحب والابجديه
» المذله فى الحب تقتله / ترى هل المقوله صحيحه ام خاطئه ولماذا وهل الحب يستحق ان ضحى بكرامتنا من اجله ام ان الكرامه فوق الحب
» كلاكيت ثانى مره مثلث الرعب برمودا عجيبه من عجايب الدنيا
» حكمه اليوم/ ليس الحب ان تبقى مع من تحب/ ولكن الحب ان تثق انك فى قلب من تحب تتفق ام تختلف ولماذا