جالك رمضان
هديه ربك للانسان
يعنى ايه هتصوم
ولا تاكل شىء ولا تشرب شىء
من عند طلوع الشمس
لحد ما تسمع للمغرب اذان
تحافظ ع الفروض فى المسجد
تركع تسجد وتقرا القران
رطب لسانك بذكر الله
والتسبيح لرب الاكوان
غرضك م الصيام هو رضى الرحمن
تحس بالفقير والمسكين
وتحس بالجوعان
الصيام مش تصوم
عن بس اكل او بس شرب
الصيام عن اللغو باللسان
واكل لحم اخوك بين السنان
الصيام يا غفلان
انك تزكى وتتصدق
وتزود الاحسان
تود اهلك
تزور قرايبك
وترجع الود بتاع زمان
انك متكدبش
متغتبش
انك متسبش
نفسك للشيطان
الصيام للجوارح
ولا ايد بتبطش
ولاعين بتزنى
ولا قلب خالى م الايمان
الصيام جنه
وللصايم فرحتان
فرحه عند افطاره
وفرحه اذا بصومه قابل الرحمن
لو كلت وانته ناسى تم صيامك
لاقضاء ولا كفاره
اخبرنا رسول الله
ان الله وضع عن امتى الخطأ والنسيان
لو غلبك قىء معلكش قضاء
لو متعمد صيامك بطلان
لازم تنوى لما تصوم
لان النيه من الاركان
اما الواجب
عبادات قوليه
وكمان فعليه
بتأديها بأطمئنان
صلى جماعه ويكون ف المسجد
اوعاك تتهاون
مهما يكون ليك من سلطان
اوعى تنم ولا تغتاب
اياك والزور ويا البهتان
عجل بالفطر ولازم تتسحر
ف اخر الليل زى ما اوصى العدنان
سبح وادعى واذكر ربك كل اذان
دعواك لله مقبوله بأذنه
ادعى يا مؤمن كل اوان
ايقظ نفسك من غفلاتك
كفر ذنبك بأستغفار وحسن ايمان
املآآ قلبك بحب الله تعيش ف امان
جات لك فرصه سارع خدها
والنيه اعقدها
قابل نفسك وعاهدها
امسك ايدها
يوم ما هيغفر ربك
هيكون عيدها
لا اله الا الله
محمد رسول الله
قولها وعيدها
سارع بيها عمرك فان
عملك باق
مش راح تاخد حاجه معاك
مالها جيوب الاكفان
الأربعاء 14 يوليو 2021 - 17:02 من طرف admin
موضوع: جالك رمضان هديه ربك للانسان 
