اخى الحبيب محمد
يا ابو الكرم والجود
اطمئن اخوك موجود
بس فى طريق مسدود
متسلسل بالقيود
والله طول عمرى صابر
وصبرى ماهوش محدود
مجتش غير منك
ومن غيرك مفيش مردود
بدعى ربنا يسترك
ودايما تكون مسعود
ويحرصك م العين
ومن شر كل حسود
اصلك جدع واصيل
زى بخور العود
بس اللى تاعبنى
انى مسيرى اموت
واسيب ديون لعيالى
وانا ياكلنى الدود
لكنى واثق م الفرج
من ربنا المعبود
ومسيرها تتعدل
وربنا موجود
كان عشمى فى حد
يشيل عنى الحمول ويذود
ويخف عنى الحمل
لكن الجميع مقيود
وان شاء الله تتعدل
وفرجه تانى يعود
_________________
عطيه خضرى عطيه
قلين / كفر الشيخ