قدامنا لسه كتير لازم نعمله

قدامنا لسه كتير لازم نعمله

وحلمنا لازم نكمله
مهما كان صغير
مش لازم نهمله
اى صعب عنيد
لابد نسهله
اى خطا هنعد له
ومعدش ظلم تانى هنتحمله
اىخير للناس لابد نعجله
وكل حلم صغير
نشده ونستعجله
مشوارنا لسه ف اوله
كل واحد ايده ف ايد اخوه
يحوطه ويظلله
واى فساد يا نزيله يا نقلله
مستقبلنا فارد ذراعه
يالا بسرعه نمد له
اى شيطان نمسكه هنبهدله
واى مخطىء ف حقنا
لابد له
من عقاب ينحط له
اى مقصر لازم نساله
واللى يعمل خير فى اهله
عمرنا ما نجهله
يا حبيبتى يا مصر
ما اصعب الفراق
عند الاشتياق
وحشتينى يا امى طوقينى بالعناق
الحمد لله يا امى
ابنك معدش ينساق
معدش حد يقدر
يضيق عليه الخناق
خلاص يامى قلبى فاق
معدش ينفع تانى يامه
الظلم فاق
80 مليون ميدان
جوه قلب كل واحد فينا معدش ينفع زقاق
مبروك يا امى حلمك اتحقق
الحمد لله يا امى اهى ارزاق
سنين بناكل ف الفتات
عايشين حياتنا من سكات
عايشين بنشرب مشكلات
عايشين عابيدهم وهم السادات
رجعوا لنا المليارات
وفروا لنا الحاجات والمحتاجات
عايزين شقق مش فلل ولا عمارات
عايزين وظاف
للولاد وللبنات
عايزين كرامه لكل واحد
من غير وساطه ولا محسوبيات
عايزين كرامه للوطن حق وحقيق
مش يفط ولا شعارات
رجعوا لنا كل شىء وننسى اللى فات
رجعوا فلوسنا يا ولاد الذوات
معدش ينفع معانا بلطجيه ولا فتوات
عايزين مرتبات كريمه
مش منح ولا علاوات
احنا اصحاب البلد
احنا اللى اسمنا البشوات
احرار ولاد احرار
محنش ولاد نزوات
اللى غلط يتحاسب
لو حتى كات هفوات
واللى قتل ينقل
لو حتى م الاخوات
الظلم ايه اخرته
غير ندم وعياط
بندعى يا ربنا يا رافع السموات
اللهم استجب صادق الدعوات
واجعل اللهم كيدهم فى نحرهم
اللهم فرق جمعهم ومزق الشتات
واحفظ لنا مصر
عزيزه فوق العزيزات
واجعلها امنا امانا فى مجمل الاوقات