اطالب مستر عطيه محاكمه الطغاه فى محاكمه شعريه ترى ماذا ستكتب انامله الذهبيه

[b]

المكان ارض الوطن
الحضور كل واحد لحقه فهم او فطن
كل واحد فى ارضها سكن او قطن
كل من ظهر على ارضها او بطن
مجموعه من شباب المسلمين
مجموعه كمان مسيحيين
وناس من كل شكل متلونين
مثقفين وفلاحين
صنايعيه ونجارين
فنانين ورسامين
وناس كنت تشوفهم تمللى
وناس كنت تشوفهم كل حين وحين
والمظلومين
والمجروحين
والمكلومين
والمهمومين
والعطشانين
والجوعانين
واسر المسجونين
واسر المعتقلين
والتعبانين
والزهقانين
واللى من سنين
مدفونين
والقاضى محمد فوزى بلقينى
والدفوع مفيش دفوع
ولا قابض ولا مدفوع
ولا موهوم ولا مخدوع
الكل فاهم الموضوع
دوله سنين بتنسرق
وكل ضى فيها بينحرق
دوله ناسها مظلومين
حتى مظلوم الورق
وكل قلم صوته انخنق
وكل حلم فيها انشنق
ولما الحرامى ينزنق
يلطم ويندب بالدموع
كنت فين لما مصر
كانت بتبكى عشان عيالها من غير دموع
لازم تتحاسب مفيش رجوع
قال الحاجب محكمه
سكت الجميع عن الكلام
والقاضى بلقينى بدا يحدد معالم الكلام
ويسرد بحكمته كل انواع الاتهام
والكل قاعد يسمع باهتمام
والقاضى بلقينى صعبان عليه
يكون حكم ما بين خواته
حبس حزنه جواه ولملم شتاته
وشاور اخواته
عشان يحدد قراراته
اصل التهم كانت كتيره
يصعب عليها الحصر
دخلت المحكمه ست وفى غايه الجمال
بتقول كفايه
قال القاضى
مين معايه
قالت له مصر
قام الجميع ينحنى على يدها
ويبوسوا ايدها ورجلها
طبطبت على كل الحضور
وجمعت كل الولاد ف حضنها
يرفع ولادها ايديهم للسما
يارب احفظ عزها
يا رب ا جمع شملها
يارب رجع لها
اللى سرقوه منها
واحفظها واحفظ ارضها
بكت العزيزه الغاليه
نزلت دموع على خدها
وبصت للقاضى وقالت
يا ابنى يا مه دموعى سالت
عشان عيالى اللى كان عيارهم فالت
خارت قواها ومالت
وقف عيالها تحت ايدها يرفعوها
معلش يا امه الغمه زالت
وقفت تلملم نفسها
كلمتيين حبت تقولهم من نفسها
يا اولادى اعذرونى دول ولادى
اعذرونى يا اولادى ياللى عارفين طعم الضنا
لو كان فيهم حد سىء
برضه كان فيهم اللى شفنا على ايدهم هنا
30 سنه
اللىسرق احبسوه
من على ارضى اطردوه
اللى مربهوش ابوه
خواته يربوه
ويادبوه ويعلموه
عشان تادبوه
واللى قتل ف يوم اخوه
لازم تقتلوه
العين بالعين
ومفيش اخ عندى اعز من اخوه
نطق بلقين
وهو بيمسح دمعته
اللى امرتى بيه يا امى هنعملوه

حبايبى دمكم غالى
الفين سلامه يا اعز الناس
الفين سلامه يا تاج
على رؤوسنا من الماس
والله اغلى من ماس
ياللى زرعتوا فينا الامل
من بعد بلاده الاحساس
من بعدكم ولا الشهد يحلالى
حبايبى دمكم غالى
يا اطيب دم فى التحرير
واطهر دم للتغيير
تضحياتكوا شىء كبير
خليتوا بلدكوا عزيزه
وغاليه لابسه الحرير
تضحيه النبلاء
مش محتاجه نفسير
ولا محتاجه تبرير
تضحياتكوا عشان
امل لكل طفل صغير
وانتوا عزوتى ومالى
حبايبى دمكم غالى
عمر حقكم ما يضيع
ياللى زرعتوا ف قلبى
ثمانين مليون ربيع
يا حته من قلب امكم
يا حلمنا الهادى الوديع
ياللى علمتى الامانه
لكل انسان وضيع
فلت عياره وكان بيسرق وكان يبيع
فرحانه بيكم وبفتخر ما بين عيالى
حبايبى دمكم غالى
اقل شىء هو القصاص
مفيش مناص
اللى قتلكم بالرصاص
لابد لازم ينقتل برضه برصاص
كفايه رجعتوا الامل
عرفتونا حد للخلاص
من قلبى بادعى لكم باخلاص
من قلبى لربى دعواتى وابتهالى
حبايبى دمكم غالى

موقع متفرد
يخلوا من السوس والدود
موقع قريب زمانه
ينتشر ويسود
هو عالم ممتع
هو عالم بلا حدود
فيه تكتب ماتريد
من غير القيود
ان دخلته ورشفت منه
تدمن الدخول والورود
بوركتم جميعا
وحفظتم بحفظ ربنا المعبود
وحفظ الله الموقع والعاملين عليه
من شر عين الحسود

ان اردت ان تعرف من هو بلقينى
اسال عنه شاعر قلينى
هو من ان خاطبته
وشكوت له بحب يحتوينى
ومن اذا قرا لى يرقينى
احترمته دون سابق معرفه به
واصبح شخصا عزيزا على قلبى وعينى
ولو كان الامر بيدى
لكتبت اليه بسائل الدم
الذى يجرى بشرايينى
وشرف والله لى ان اكون من محبينه
وشرف والله لى ان يكون من محبينى
وشرفت والله بك
استاذى الكريم محمد فوزى بلقيينى