الى من علمتنى المعنى الحقيقى للحياه والحب / الى زوجتى

إبتديــــت
إبتديـــــــــت ..... بعد ما كنت إنتهيت
ابتدى الإحساس فـ قلبي .... وابتدى يكون لي بيت
يا للي لون الطهر لون عيونك
مستحيل اقدر أخونك
دا انتى نفسي وقلبي كونك
بعشقك صوتك ولونك
بعشق الطهر في عنيكى
والحنان إللى فـ جفونك
عمر مقدر اكفي حبك
مهمى كتبت أو حكيت
إبتديــــت
ابتديت ..... بعد ما كنت انتهيت
ابتديت اشعر بذاتي
أحس إنى أعيش حياتي
ياللى حبك كان لي اكبر امنياتى
دانت عمري كل نفسي واحساساتى
وانتى ايامى اللي فاتت
وانتى عمري اللي أتى
لو بعت يوم أموت
وابكي الألم فـ يوم سكاتى
اعذريني لو بكيت
إبتديــــت
ابتديت ..... بعد ما كنت انتهيت
ابتديت أحس إنى مخلوق يدوبك عشانك
دا أنت احساسى وفني دنيتي نبضت حنانك
اسئلى نظراتي عنك
يحكوا مين حفظك وصانك
دانت أفراح التمني
بعشق الصوت من لسانك
ربنا في بعدك يعنى
أحفظك واعلي شانك
يا ساكنه في قلبي وعيوني
لو كنت نايم أو صحيت
إبتديــــت
ابتديت ..... بعد ما كنت انتهيت

مع تحيات
أ ./ عطية الخضري
بيت ثقافة قلين – محافظة كفر الشيخ