د. محمد عبد المطلب جاد
عدد المساهمات : 473
نقاط : 702
تاريخ التسجيل : 02/07/2009
العمر : 71
الموقع : odabasham.net
 |  موضوع: لحظة هروب ( 20)  الأحد 18 أكتوبر 2009 - 0:24 | |
| لحظة هروب (20)
يا بحر ليه جرَّحتنى وبكَّيتنى ليه؟
هوه يا بحر اللى هجر ، كان فاتنا ليه؟
اللى نسى ، اللى قسى
من غير ما حتى اصعب عليه
اللى لا عشره هزته
ولا يوم وداد ساب بصمه فيه
اللى على كتفى كبر
لما قدر يطعنَّى فيه
اللى شرب حبى كاسات
واما فرغ كاسى نِسِيْهْ
اللى فى حضن جناحى نام
لما انتهى الريش اللى فيه
دور على جناحه العَفِى
واللى خِفِى اتْهَنْتَرْ عليه
هوه يا بحر اللى هجر كان فاتنا ليه ؟
ليه بس تنبش جرح روحى اللى ناسيه
ماشى مداريه
**
يا بحر كنت فى يوم أمير
كان عندى م العشاق كتير
كان لِيَّا جاه ، با زرع حياه
كان لى عطاء وافى وفير
كان فىَّ قلب ، يضخ حب
ورِجْل عند الباب تِدِبْ
وكان جميع اللى وجب
بيزيد وكنت عليه قدير
وَلَّى الزمن ، قلبى سكن
خانِّى البدن ، أمرى عسير
طعمى اللى كان حلو المذاق
أصبح على الأحباب مرير
واللى عيونه كان بيسحر
لحظها أصبح ضرير
مين بس ناوى ع السفر
وهينتظر يركب حِمِير
يا بحر لازم ينعذر
اللى كسر بابى الكبير
اللى خرج يملا رئاته
م الهوا عنده زفير
عاوز شهيق، عاوز صديق
صدره فى ضيق عايش فى بير
ليه اللى كان فى يوم أمير
عاوز يكون دايما أمير
**
يا بحر هِيَّه الدنيا أيه غير خُدْ وهات؟
معقول تعيش تِدِّى ولا تاخد حاجات؟
لما تلاقى الزرع شاخ والعمر فات
أيه اللى ممكن تعمله م المعجزات
غير انتظار يوم الحصاد يوم الممات؟
وانت يا صاحب الزرع بتخلَّق نبات
ترعاه وتكمل رحلته زى اللى فات
ليه بس هعتب ع اللى مَلِّ من الفُتَاتْ
**
يا بحر لو كان اللى فات قلبى ظلم
علشانه شاف حقه يا بحرى بينهضم
علشانه مَلِّ من التَّصَبُّرْ والألم
يبقى أنا الظالم وغيرى ما ظلم
**
يا بحر لو كان اللى فات قلبى وهجر
أنا هاحسبه مَيِّتْ وقلبه من حجر
علشانه كان عايش فى جوع مهما انتظر
علشانه شاف البير فرغ باقى كدر
علشانه فيه عافيه وشاف صاحبه انكسر
يبقى أنا الجانى ولا ابقى من البشر
**
يا بحر هوه فيه صحيح منا ملاك؟
إحنا بشر فينا اللى ما منوش فِكَاكْ
للتضحيات بردو حدود راجع وراك
تلقى البشر كانوا بشر حب امتلاك
حب اغتنام حب التهام حب انتهاك
حب التنعم فى الحياه ، ناسى شَقَاك
ليه بس نفرض إن فيه بينا ملاك؟!
احنا بشر ليه بس تنكر مبتداك
**
د. محمد عبد المطلب جاد
أستاذ سيكولوجيا الإبداع - جامعة طنطا | |
|
admin
Admin
عدد المساهمات : 2245
نقاط : 4031
تاريخ التسجيل : 14/05/2009
الموقع : تنمية مهارات العمل الاعلامى
| | موضوع: رد: لحظة هروب ( 20) الثلاثاء 5 يناير 2010 - 19:01 | |
| ياااااااااااااااااااااااااااااااااااااااااااااااااااه
انا وجدت حالى هنا
وساسكن هنا
سابيت هنا
دكتور محمد كل بيت من هذه البيات بل كل شطرة اجد نى فيها اسكن واعيش واتنفس بين حروفها
شكرا يا دكتور محمد
بارك الله فيك | |
|
د. محمد عبد المطلب جاد
عدد المساهمات : 473
نقاط : 702
تاريخ التسجيل : 02/07/2009
العمر : 71
الموقع : odabasham.net
| | موضوع: رد: لحظة هروب ( 20) الثلاثاء 5 يناير 2010 - 22:32 | |
| - عبد الفتاح غنيم كتب:
ياااااااااااااااااااااااااااااااااااااااااااااااااااه
انا وجدت حالى هنا
وساسكن هنا
سابيت هنا
دكتور محمد كل بيت من هذه البيات بل كل شطرة اجد نى فيها اسكن واعيش واتنفس بين حروفها
شكرا يا دكتور محمد
بارك الله فيك والله وحشتنى | |
|
نور الهدى
مشرف منتدى مناقشة الموضوعات العامة
عدد المساهمات : 337
نقاط : 478
تاريخ التسجيل : 27/06/2009
| | موضوع: رد: لحظة هروب ( 20) الثلاثاء 26 يناير 2010 - 13:17 | |
| يا بحر هوه فيه صحيح منا ملاك؟
إحنا بشر فينا اللى ما منوش فِكَاكْ
للتضحيات بردو حدود راجع وراك
تلقى البشر كانوا بشر حب امتلاك
حب اغتنام حب التهام حب انتهاك
حب التنعم فى الحياه ، ناسى شَقَاك
ليه بس نفرض إن فيه بينا ملاك؟!
احنا بشر ليه بس تنكر مبتداك
دى حكم واخشى ان يكون هذا رايك فى الاخرين
تقبل مرورى | |
|
د. محمد عبد المطلب جاد
عدد المساهمات : 473
نقاط : 702
تاريخ التسجيل : 02/07/2009
العمر : 71
الموقع : odabasham.net
| | موضوع: رد: لحظة هروب ( 20) الإثنين 8 فبراير 2010 - 17:33 | |
| - نور الهدى كتب:
يا بحر هوه فيه صحيح منا ملاك؟
إحنا بشر فينا اللى ما منوش فِكَاكْ
للتضحيات بردو حدود راجع وراك
تلقى البشر كانوا بشر حب امتلاك
حب اغتنام حب التهام حب انتهاك
حب التنعم فى الحياه ، ناسى شَقَاك
ليه بس نفرض إن فيه بينا ملاك؟!
احنا بشر ليه بس تنكر مبتداك
دى حكم واخشى ان يكون هذا رايك فى الاخرين
تقبل مرورى
شرفت بك القصيدة يا نور
رعاك الله يا ابنتى
| |
|
منتهى أملي
مشرف منتدى الشعر والهمسات الرومنسية
عدد المساهمات : 680
نقاط : 906
تاريخ التسجيل : 31/07/2009
العمر : 34
| | موضوع: رد: لحظة هروب ( 20) الإثنين 15 فبراير 2010 - 14:12 | |
| | |
|
د. محمد عبد المطلب جاد
عدد المساهمات : 473
نقاط : 702
تاريخ التسجيل : 02/07/2009
العمر : 71
الموقع : odabasham.net
| | موضوع: رد: لحظة هروب ( 20) الإثنين 15 فبراير 2010 - 16:13 | |
| - منتهى أملى كتب:
يا بحر ليه جرَّحتنى وبكَّيتنى ليه؟
هوه يا بحر اللى هجر ، كان فاتنا ليه؟ الله الله ياأبى كنت بشوق إلى هذه السلسلة فكل كلمة منها بل كل حرف يلامس شغاف قلبىفالصفاء والنقاء وطهارة القلب
والصدق وكل هذا الحب والعطاء الذى نطق به كل حرف من حروفك يكفى لتسكن هذه الكلمات أعماق قلوبنا بل وتزيد قارئها حبا لك ولقلبك الطيب  أبى الحبيب كلماتك جعلتنى أشعر بما تشعر به لاتحزن أبدا ياأبى فمهما طال الغدر ، ومهما زاد الجفاء فلابد يوما ان يزولالله تعالى سيعطيك الأفضل ، وبإذن الله تجد الوفاء والإخلاص حولك ( ولسوف يعطيك ربك فترضى ) أبى الحبيب آسفة جدا على الإطالة تقبل مرورى وأجمل تحياتى ابنتك منتـــ أملى ــهى  لا حرمنى الله منك يا قرة عين أبيك نعم نعم ولسوف يعطيك ربك فترضى كان لها معى تاريخ ومازلت أكرهها عندما تشتد الظلمة صدق الله العظيم | |
|
