المراة التى غلبت ابليس

المرة شافت إبليس وهو عمّا يولِّع فى البلد , قامت قالت له : ابليس انت عاتعمل إيه .. ؟ قال لها : عما أولع فى البلد قالت له : انت عما تقدر تولع فيها طب وتقدر تطفيها .. ؟ قال لها : ازاى .. ؟ قالت له : انا اقدر اولع فيها واطفيها قال لها : طب ورينى إزى .. ؟ بص كده لقى جماعة مرصصين العيش بتاعهم وجماعه تانين رابطين عجل راح رايح إبليس مخلخل المربط بتاع العجل راح انطلق العجل ودخل على العيش ، النسوان مسكت العجل والبلد كلها قالت فى بعضيها ، وقف ابليس بص للمره وقالها : شُفتِ انا عملت فى البلد ايه ؟ قالت له : طب طفيها وقف ابليس محتار ومقدرش يطفيها راحت المره قايله له: انا ها اورى لك ازاى اخليها تولع وبعدين إزاى اطفيها وفعلن راحت رايحه تنفذ اللى قالت له عليه سمعت من الناس ان بت كبير الناحيه الشرقيه فاتها القطر ومتجوزتش لحد دلوقت وعرفت ان واد القطيه بتاع الناحية التانيه واخد بالك ولد عم احمد , ابوه تاجر المواشى راحت رايحه له هىّ عرفت ان واحد من كبار البلد دى هيتجوز منها راحت تدور عليه لقيته تاجر منى فاتوره قماش قعدت جنبه وعملت نفسها ست كبيره ومقدراش تمشى قال لها: اتفضلى يا خاله قالت له : أتفضل ازاى يا ولدى دا انا مستعجله قوى دا أنا ولدى مغلب حالى وكاوينى ومبهدلنى وعما يحب واحده والواحده دى باين عليها بنت ناس كبرات ودى وسلباه وناحله وبره وهوه مندار عليَّ ومنشف ريقى خلانى بعت الغالى والرخيص فى البيت علشان يجيب لها هدايا وانا دلوقت عايزه اشترى لها حتة قماش كويسه راحت معاه ونقت حتة قماش , قال لها : خلى , قالت له: ماخليش انتَ راجل مافيش زيَّك رجاله ودامت تدور وتدور فى الكلام والحديد لحد معرفت منه مكان بيته راحت رايحه ووقفت قدام الباب ، قربت وخبطت فتحت لها مرت التاجر وقالت لها : اتفضلى يا خاله قالت لها معلهش يا بتى ادينى شوية ميه اشربهم اصلى المشوار بعيد قوى وعطشت , قامت قعدتها وجابت لها لقمه تاكلها وبعد كده سوت لها الشاى شربته ، فى الوقت ده قامت المره حطت القمشات اللى جابتهم تحت الكنبه اللى كانت قاعده عليها وبعد ما قعدت قعديتها سلمت وطلعت وسبتهم , هيَّ روَّحت لبيتها والتاجر روَّح لبيته قعد مع مرته وقال لها : والله دا النهارده حصل معاى موقف ولسه عما يكلمل لها ويحكى لها بص بعنيه لقى القمشات اللى كانت واخداها المره راح قايل لها: يخرب بيت ابوكى ، روحى على بيت ابوكى انتى طالق لسه هتسأل له : ليه وحصل ايه ؟ إداها العلقه اللى هيَّ وظعطها على بيت ابوها لما راحت بيت ابوها وشافوها اهلها وناسها بالحال ده , شدت الشده بين العيلتين والبلد خلاص كادت تولع فيها النار ميَّلت على ابليس وقالت له ، شُفت إزاى .. أهم نصهم واقفين هناك ونصهم واقفين هنا والبلد أهه مولعه , قال لها ابليس : طب قولى لى هاتطفيها ازاى , قالت له: الامر بسيط خالص ، راحت رايحه تانى يوم للتاجر , راحت سلمت عليه وقالت له: اسكت يا حج دا أنا من لهوتى , انت مش اديتنى قماش دا فيه واحده , الله يكرمها , بنت اصول بنت ناس محترمه شافتنى تعبانه, نادمت عليَّ وضايفتنى وأكَّلتنى وشرَّبتنى ونسيت عندها الخلقات حتى يا ولدى انا معرفاش البيت شكله ايه, وراحت مادا له قرشين وقالت له : ادينى غيرهم قالها :يا ست خللى فلوسك معاكى , خدى الهدوم اللى انت عايزاها ببلاش , وتعالى معاى , راح واخدها ورايح على نسايبه اللى كانوا شايطين وقايمة القومة , اعتزرلهم ولما حكى الحكاية والمره شهدت عليها ,هديت النار جواهم وقدَّروا الظروف ورجعت مرته معاه , وبكده تبقى عملت المرة اللى ما قدرش يعمله ابليس "

» فى الكيد يقولون اذا كان ابليس استاذ الرجل فهو تلميذ المراه تتفق ام تخلف ولماذا
» المراة والحب
» قصة ريم التى أبكتنى
» علامات حب المراة وحب الرجل
» ماذا تريد المراة؟