صباح العيد (3)

صباح العيد (4)

يا نسمتى الفجر ابتدى
والعيد بحزن الغربه عاد
واللى هجر قام بالسفر
وعلى الجناح كل الولاد
وأنا نهارى هيبتدى
واسرح فى أفكار السواد
اللى بتهجم فى نهار
العيد وتفضل تستعاد
يا نسمتى : أيه العمل
ضاقت بنا كل البلاد
مهما يدور وشى يلاقى
الغدر وهدوم الحداد
والقى البشر غير البشر
واللى انحكى غير المراد
حتى الطبيعه اتغيرت
والقسوه حلت فى الرماد
والبحر من غيظه انفجر
وحتى جوف الأرض قاد
والخضره نشفت م الذنوب
اللى انغمس فيها العباد

**
يا نسمتى فجرى ابتدا
والحزن زى عوايده عاد
قايم أصلى العيد واعود
لفرشتى ف نفس الرقاد

فين يا زمان الحب راحت
فرحة العيد فى الفؤاد
فين الدفا ، فين الوفا
فين الصفا ، فين الوداد
رغم العرا ، ورغم الحفا
كان الفرح قوه وعتاد
دلوقتى فككنا الطمع
والكره زاد ، والشر زاد

**
يا نسمتى يسعد صباحك
قربى وهاتى سعادْ :

" بانتْ سعادْ " أتذكرين
معلقةْ " بانتْ سعادْ"
عُدْ يا رسولَ الله صارَ
الناسُ فى شرِّ اضطهادْ
جاروا على أبْعاضِهِمْ
ونسوا لمَنْ يجبُ الجهادْ
يا ويلَ قومٍ صارتْ الدنيا
نَوَالَهُمُ المُرَادْ
وتفرقوا شِيَعاً وصالَ
الغَدْرُ فيهم واستفاضْ

**
يا نسمتى يسعد صباح
العطف هالل م البعاد
يطوى الصحارى والجبال
فارد إيديه من غير معاد
شايل حنين كل السنين
يحيى اللى كان قلبه جماد
ويرد روح ، يشفى الجروح
والروح تبوح غدر وسهاد
ويفيض حنان ، ينشر أمان
ويعيد زمان كان فيه وداد
**
يا نسمتى عاد الزمن
ولقيتنى فاكرانى سعاد
إزاى اقول " بانت سعاد "
وانا لما عيدى الصبح عاد
النسمه مدت كفها
وفرشت جناينها الجُداد
لفَّتْ فى طرحة حضنها
قلبى وطارتْ فى البلاد
**
د. محمد عبد المطلب جاد
أستاذ سيكولوجيا الإبداع – جامعة طنطا

أستاذى رغم السهاد رغم البعاد برغم حزن السفر والحداد

ورغم ألا أتحكا مش هوه المراد رغم جور الناس على بعضهم ونسيوا لمين الجهاد

طول ما فيه ناس زى حضرتك * نسمة الزمان هتعود والفرحه فى عيون الولاد

ونسمة الزمان هتعود وهتيج شيلها سعاد

يارب عيد سعيد عليك أستاذى وعلى أسرتك وعلى المسلمين فكل بقاع الأرض

تحياتى لبلاغة وقوة شعرك ولروعة المضمون بارك الله فيك أستاذى

عيـــــــــــــــــــــــــــد سعيـــــــــــــــــــــــد

وشاعرنا الجميل يتخيل الطبيعه تتفاعل من شجنه وحزنه واعتراضه
وكأن الطبيعه جزء من تكوينه حتى البحار انفجرت ايضا دلاله على
سوء الحياه ويتحسرعلى الايام الخوالى شكرا على الامتاع والابداع
سيدى الشاعر الجميل وكل سنه وحضرتك فى بحور السعاده والفرحه
والبهجه كل سنه وحضرتك طيب ايها الرجل الطيب الجميل[b]

مدام امينه كتب:: أستاذى رغم السهاد رغم البعاد برغم حزن السفر والحداد

ورغم ألا أتحكا مش هوه المراد رغم جور الناس على بعضهم ونسيوا لمين الجهاد

طول ما فيه ناس زى حضرتك * نسمة الزمان هتعود والفرحه فى عيون الولاد

ونسمة الزمان هتعود وهتيج شيلها سعاد

يارب عيد سعيد عليك أستاذى وعلى أسرتك وعلى المسلمين فكل بقاع الأرض

تحياتى لبلاغة وقوة شعرك ولروعة المضمون بارك الله فيك أستاذى

عيـــــــــــــــــــــــــــد سعيـــــــــــــــــــــــد

**
الله يجبر خاطرك

الله يسعد قلبك

الله يفرج كربك ويسهل لك أمرك

شكرا جزيلا لمرورك الطيب

بوركت يا ذات القلب الكبير

محمد فوزى البلقينى كتب:: وشاعرنا الجميل يتخيل الطبيعه تتفاعل من شجنه وحزنه واعتراضه
وكأن الطبيعه جزء من تكوينه حتى البحار انفجرت ايضا دلاله على
سوء الحياه ويتحسرعلى الايام الخوالى شكرا على الامتاع والابداع
سيدى الشاعر الجميل وكل سنه وحضرتك فى بحور السعاده والفرحه
والبهجه كل سنه وحضرتك طيب ايها الرجل الطيب الجميل

[b]
**
شرفت بك سيدى

دائما أجدك إلى جوار قلبى وعقلى

عيدك سعيد

أعاده الله عليك وعلى من تحب وعلى أمة المصطفى يمنا وبركة

ترعاك عين الله

انا نحبك فى الله ايها الرجل الجميل كل عام وفخامتكم بكل خير سيدى الشاعر والمفكر والمسلم الجميل000000000000000000000000000000000000000000000000000000000000000[b]

محمد فوزى البلقينى كتب:: انا نحبك فى الله ايها الرجل الجميل كل عام وفخامتكم بكل خير سيدى الشاعر والمفكر والمسلم الجميل000000000000000000000000000000000000000000000000000000000000000[b]

أعزك الله سيدى ورعاك

**
يا نسمتى يسعد صباح
العطف هالل م البعاد
يطوى الصحارى والجبال
فارد إيديه من غير معاد
شايل حنين كل السنين
يحيى اللى كان قلبه جماد
ويرد روح ، يشفى الجروح
والروح تبوح غدر وسهاد
ويفيض حنان ، ينشر أمان
ويعيد زمان كان فيه وداد
**
يا نسمتى عاد الزمن
ولقيتنى فاكرانى سعاد
إزاى اقول " بانت سعاد "
وانا لما عيدى الصبح عاد
النسمه مدت كفها
وفرشت جناينها الجُداد
لفَّتْ فى طرحة حضنها
قلبى وطارتْ فى البلاد
**
أسعد الله صباحك وكل أوقاتك ياأبى
كل عيد وأنت بخير
أعاده الله عليك بيمن البركة وخير القبول
وسعادة الدنيا والآخرة

الله يجبر خاطرك يا بنتى

الله يسعد أيامك

الله يكتب لك خير الدنيا والآخره

بارك الله روحك العطره وقلبك الطيب

رعاك الله يا قرة العين

» صباح العيد (1)
» صباح الصبر يا عزة
» صباح الامل
» صباح الحنين (14)
» صباح الحنين (15)