صباحك (9)

صباحك (9)

صَبَاحِكْ كَتِبْ لِى وَثِيقِةْ سَفَرْ
وشالْنِى فْ سَفِينِةْ رِضَاهْ لِلْقَمَرْ
وِلَفِّيتْ مَعَاه القُرَى والحَضَرْ
وِدَقِّيتْ بِحُبُّهْ قُلُوبِ البَشَرْ
وِحَبِّتْ غُنَايَا
وِسِهْرِتْ مَعَايَا
فى وَصْفِ الحِكَايَهْ اللى كانِتْ قَدَرْ
وِحَبُّوا الأَمِيرَه بِكُلِّ الصُّوَرْ
صباحك على كل شىء انتصر
**
صباحك صالحنى على اللى مضى
على عمر فات من حياتى قضا
على اللى شقيته
على اللى قاسيته
على اللى بكيته وغسلنى الرضا
وصالح زمان الشقا اللى انقضى
**
صباحك رسم لى خريطة وجود
وحدد معالم وثبت حدود
بيبدأ صباحى بطلة صباحك
وأفضل نهارى آجى لك واعود
وطيفك معايا
كأنه ف مرايه
نخلص حكايه
ونبدى ف حكايه
وبهجة رضايا تبان ع الخدود
وحلم يراودنى بحياة الخلود
ويدخل مسايا
وقلبك معايا
يرفرف منايا
عشان كلمه جايه
فى ساعة العشا شايله صحبة ورود
وتملا حياتى باحلى الوعود
وأفضل فى ليلى
خيالك يجيلى
وأكتب إيميلى
لروح بتادى لى
وأشفى غليلى ف قراية الردود
واقول كل حلمى وازيل السدود
بدا النوم يجينى
أحطك فى عينى
واغمض جفونى
واقول وتلاغينى
واخلص حنينى ونومى يجود
صباحك رسم لى مدينتك حدود
**
صباحك رسم لى حدود الحياه
أنا وانتى عايشين فى نور الإله
خيالك ياخدنى وانا امشى وراه
وفى كل لحظه بفكر معاه
ولا حد عايش معايا سواه
غير اللى جمعنا
وشايف دموعنا
وعارف وجعنا
وما بين ضلوعنا قلوب فى هداه
بتسجد وتشكر نعيمه وعطاه
صباحك بلغ بالمنى منتهاه
**
صباحِكْ وحَشْنٍى
وإلى صباح جديد

د. محمد عبد المطلب جاد
أستاذ سيكولوجيا الإبداع – جامعة طنطا

صباحك سيدى الشاعر الجميل سكر وفل وورد وياسمين
اسعد الله صباحك بكل خير ولاحرمنا من اطلالتك النديه
ريئيس ومدير مملكه الشعر وديوان الفكر وصرح الثقافه[b]

محمد فوزى البلقينى كتب:: صباحك سيدى الشاعر الجميل سكر وفل وورد وياسمين
اسعد الله صباحك بكل خير ولاحرمنا من اطلالتك النديه
ريئيس ومدير مملكه الشعر وديوان الفكر وصرح الثقافه

[b]أسعد الله صباحك سيدى

بارك الله روحك العطرة

دمت ترعاك عين الله

» صباحك (10)
» صباحك(128)
» صباحك(127)
» صباحك سكر
» صباحك (9)