وعد من قلبى السنادى

وعد من قلبى السنادى
أعود لربى
وأقوم أصلِّى فى كل وقت فيه ينادى
راح التزم
فى قول وفعل
وهخلِّى طعم التقوى زادى
هلتزم وأأدِّى عملى
لجل أرفع يوم بلادى
مش هزوَّغ م العمل
هخدم خواتى ف كل وقت
معدش ينفع يوم قُعادى
مش هنفعل
على حد يوم
وراح ابقه هادى
هحب زوجتى بأحترام
وكمان ولادى
مش هخرِّب يوم ف بلدى
مش راح أخدم
يوم أعادى
أى حد يسىء لبلدى
بقول وفعل
ليه هعادى
من النهارده يابلدنا
أنا شخص سوبر
مش شخص عادى
هبدأ بنفسى
وأكسر عِنادى
وهخلى حبى للعمل
ويا الأمل يبقى أعتيادى
والميلاد مش للسنه
لكن الميلاد هيكون ميلادى
هحط أيدى فى كل يد يوم بتخدم
وللى يهدم ليه هعادى
أيدى ف أيد كل مخلص للبلد
ورا كل جندى حصن ليه
ومرحبا بيوم أستشهادى
مش هنافق أى حد
وهقول بجد
وهنجمع وهنبقى سد
لما الهموم ف يوم تشتد
وأى مفسد هيلاقى رد
هنقوم ونبنى ف كل حته
صحراء ووادى
=======
مستر/عطيه الخضرىِ

» النسيم السنادى نسيم بحريه
» أكمل البيت الشعرى ... (دعوة لمشاركة الجميع )
» يا نبض قلبى قلها
» رأيت ربى بعين قلبى
» فوقى ياامه يا قلبى يا امه