للمتذوقين وسريعى البديهه

غنت صباح لفؤاد المهندس اغنيه الراجل ده هيجننى
المطلوب هو ساب الاكل كله ومسك طبق الفول
مضبوط
المائده العامره كان عليها اه من الطعام بالترتيب

ياله اتفضل قولوا كان اه صباح طبخاه
[b]

الراجل دة حيجنني .. حيجنني
طير مفاتيح عقلي مني .. حيجنني
يجي رمضان .. وخناقه يزيد .. عايز طباخة سكة حديد
اللحمة 3 أشكال .. و طيور بجنيه و ريال
ويوماتي رز ومكرونة .. وكنافة باللوز وعلب تونة
غير السلطات .. والمحشيات .. والمشويات .. والحلويات
وإن قلت ياخويا الأكل كتير .. الاكل كتير
وبلاش بعزقة و بلاش تبذير .. وبلاش تبذير
يصرخ و يقول:

ياخواتي صايم و راجل شقيان
و مراتي عايزة تجوعني حتى في رمضان
دي مصيبة إيه دي؟

يا عالم فهموه رمضان ماعمروش قال كده
رمضان قال إحمدوه والحمد مش بالشكل ده
الراجل دة حيجنني

---

يجي من العصر للمغرب و حريقة تطير
و يخش المطبخ و يقوم زعابيب قمشير

عملينلنا وزة بالخلطة و بفتيك و صينية مكرونة بس!!!
وخضار صنفين و كباب حلة و ضرمة باللحمة المفرومة بس!!!
طب فين اللحمة المشوية و الفتة فين و التقلية؟؟
والسمك البوري اللي أنا جايبه راح فين و الشوربة فين هي؟؟

وإن قلت ياخويا الأكل كتير .. الاكل كتير
وبلاش بعزقة و بلاش تبذير .. وبلاش تبذير
يصرخ و يقول:

ياخواتي صايم و راجل شقيان
و مراتي عايزة تجوعني حتى في رمضان
دي مصيبة إيه دي؟

يا عالم فهموه رمضان ماعمروش قال كده
رمضان قال إحمدوه والحمد مش بالشكل ده
الراجل دة هيجنني

---

ونرص الأكل على السفرة أشكال و ألوان
والفول أبو زيت أصلي بحبه في فطور رمضان
يسيب الأكل كله و يمسك طبق الفول
ولقمة تجر لقمة يشبع و يقوم على طول
والأكل بحاله ينشال و الحال تاني يوم هو الحال

وإن قلت ياخويا الأكل كتير .. الاكل كتير
وبلاش بعزقة و بلاش تبذير .. وبلاش تبذير
يصرخ و يقول:

ياخواتي صايم و راجل شقيان
و مراتي عايزة تجوعني حتى في رمضان
تعاليلي ياما
يا عالم فهموه رمضان ماعمروش قال كده
رمضان قال إحمدوه والحمد مش بالشكل ده
الراجل دة هيجنني



جمال الروح

اهداء لكل الرجاله خفوا شويه عن ستاتكم
دول بيحبوكم[b]

انظر الى اسعار الطيور بجنيه وكمان ريال[b]