هل البنت زى الولد؟(4)

طبعا الله يرحمها سعاد حسنى هى اللى غنت الاغنية دى ....بس انا ممكن اثبتلكم ان البنت مش زى الولد ...خليكو معايا

المثل بيقول (الواد لخاله والبنت لعمتها)يعنى الواد يشبه خاله والبنت تشبه عمتهها فلو مافيش فرق بين الواد والبنت تبقى مصيبة لان الواد هيشبه عمته والبنت هتشبه خالها.

المثل بيقول (اعز الولد ,,ولد الولد )ومسمعناش مثل بيقول اعز الولد بنت البنت.

البنت لما تتعاكس فى الشارع تبص للولد وتقوله هو انت معندكش اخوات بنات ياكابتن ،ومع ذلك لما بنت تعاكس ولد مينفعش يقولها هو انتى معندكيش اخوات ولاد يا موزة.

الولد ممكن يقعد عند الميكانيكى ويصطبح بكباية شاى,البنت ماينفعش تقعد عند الميكانيكى.

الولد لو مسافر خمس ايام كل اللى محتاجه معاه بنظلون جينز وتى شيرتين وجيل وفرشة اسنان يرميهم فى الشنطة اللى على كتفه وخلصنا ،البنت لو مسافرة خمس ايام تاخد معاها شنطتين من بتوع واحد مسافر الكويت.

الولد ممكن يفك الانبوبه وينزل يغيرها وكمان يركب الانبوبة الجديدة ،البنت بالكتير اوى ممكن تصرخ وهيا فى المطبخ ...يامااااااااااااماااااااؠ ?ا الانبوبة خلصت.

لو فيه موسيقى شغالة صعب ان فيه حد يقول للولد قوم ارقص شوية.

الولد ممكن يقلع جزمته فى الشارع ويديها للراجل بتاع الورنيش عشان يلمعها ،مستحيل البنت تعمل كده.

الولد ممكن يرقص فى الشارع فى زفة ابن عمه،البنت اخرها تقف تسقف وتزغرد وتحترم نفسها.

البنت لما تحط مكياج تبقى احلى ،الولد لو حط مكياج يبقى بلياتشو.

دايما فى المترو او الاتوبيس او الميكروباص الولد هو اللى بيقوم عشان يقعد البنت لو واقفة ،عمرنا ماشفنا بنت بتقوم وتقعد ولد.

الولد مش مضطر يمشى بشنطة .

لو البنت زى الولد ،يبقى انا زى بنت خالتى ،واليسا بقت زى عصام الحضرى ،والهام شاهين زى يوسف شعبان.

لو البنت زى الولد،ماكنوش عملوا فى البطاقة خانة اسمها النوع ولازم تكتب قدامها بوضوح ذكر او انثى.

بعد كل ده والست سعاد حسنى بتقولك البنت زى الولد ......

الولد والبنت
-بالنسبة للفتاة لو مر من امامها ولد وكانت معجبة به فانها تلقي عليه نصف نظرة من تحت لتحت حتى لا يفضح امرها
- أما بالنسبة للولد يا لطيف : يدير عنقه 360 درجة كالصقر وتجد نصف سكان الحي قد كشفوا امره من خلال تلك النظرة البلهاء

المقارنة الثانيه

* حين نجد بطل أفلام الرعب لدى الفتيات ( صرصارا )
- حين تجد فتاة صرصارا بالليل تصرخ كأنها بتعزف السمفونية الأخيرة لبتهوفن
ثم تستجمع شجاعتها وتحضر المبيد وترشه وهي تقول حتموت يعني حتموت والله لأموتك والصرصار بيضحك على خفة دمها لحد مينزل عليه أبوها بالقبقاب
- أما بالنسبة لأخينا فانه حين يجد صرصار ينتابه جنون العظمة فيعتقد انه هتلر ويضحك ضحكة حتى تبرز جميع ضروسه المخفية ثم يمسك الصرصار ويبدأ بعملية التعذيب فينزع له الرجل الاولى ويسأله : بابا فين
الرجل الثانية : ماما فين
الثالثة : اخواتك فين
الرابعة : ساكن فين
الى ان تنتهي أرجل الصرصار
ويتركه حيا حتى يكون عبرة لكل صرصار حاول أن يتجرأ ويظهر له وهو موجود

المقارنه الاخيره

* خناقة بين اثنين من بني جنسهم
- بالنسبة لفتاتين بيتخانقوا أنت لا تسمع سوى :
انت حمارة
لأ انت للي ستين حمارة
- اما بالنسبة للصراع بين الجبابرة ( الرجالة يعني )
فكل الكلام .. تحت الحزام

يا خبر**إيه ده كله
زى ما يكون حضرتك دخلت بيوت مصر كلها
طبعا الولد ولد **والبنت بنت
والحياه محتاجه الاثنين لتكتمل
مع تحياتى/

» هل البنت زى الولد؟
» هل البنت زى الولد؟ ( 2)
» هل البنت زى الولد؟ ( 3)
» هل البنت زى الولد؟ (5 )
» هل البنت زى الولد؟ (6 )