كان حكم قاسى رافضه تكتبه الطابعه

م الساعه سابعه
كات المتابعه
والمشاعر
جوه قلب الام نابعه
جات العصابيه وسط التعزيزات
والكل نازل تخمينات
ينطق بسجن
اعدام بجد
كلها هتبان
كلها يمكن دقايق او ساعات
او كلها لحظات
يمكن يقولوا حتى مات
ويتنسج فيها حكايات
كلنا كنا ف شتات
والجرايد والصحف
ومراسلى القنوات
كانوا فى انتظار
طياره جات
ينزل زعيم العصابه
منشال مُرابعه
م الساعه سابعه
كات المتابعه
والمشاعر
جوه قلب الام نابعه
لما تلى القاضى البيان
كان باين هيغلط
وكان كلامه يغنى عن البيان
لما بدا يغلط
فى نطق ايه م القران
وبعد التمهيد والاطاله
نطق اللسان
مؤبد لحسنى
ومؤبد اعدلى
والافراج
لمن استحل
يقتل الغلبان
والحجه واهيه
مفيش دليل
كان عايز شهيد يصور
او جريح يسجل
وهو لسه متعور
اما الدليل
كان ناقص الاركان
كان حكم قاسى
رافضه تكتبه الطابعه
م الساعه سابعه
كات المتابعه
والمشاعر
جوه قلب الام نابعه
هنقولوا ايه
ونعيدوا ايه
والقاضى تاريخه المشرف
بيقول نزيه
بيقول ضميره بيعمل بيه
واكد كل ده
فى البيان اللى كان يتليه
هل ياترى معذور
ولا بصحيح مجبور
والجكم فيه تضاد
ويمكن فيه قصور
ازاى يدين
راس النظام
والمسئولين يتبرؤا
برغم القتل والفجور
ربه اللى اعمل بيه
اعلم بكل ما يخفيه
كل هيبان م المتابعه

م الساعه سابعه
كات المتابعه
والمشاعر
جوه قلب الام نابعه
دا المشهد الاول
فى الفصل الاخير
والدايره لساها بتدور
وفيه طعون
من شعبنا المطعون
لكسر كل مغرور
وللى قتل
شباب الثوره
فى عمر الزهور
برغم العتمه والضلمه
هييجى النور
والبراءه يعنى
هتضيع فلوسنا
يعنى كل حاكم بعدها
يقدر يدوسنا
يعنى مش لاقيين
حتى خبزنا وكمان غموسنا
يعنى للدول وللبنوك
تنذل من تانى نفوسناه
واحسن نسكن فى القبور
معدش يقول مصر عاشت
او مصر شابعه

م الساعه سابعه
كات المتابعه
والمشاعر
جوه قلب الام نابعه

فعلا
القاضى
قد اخطأ
فى
نطق الايه الكريمه
نسى ويعز من يشاء
الا ان الحكم
بدايه ازلال واعتقد ان هذا الرجل سيمون فى ليمان طره
شكرا وحبا لشاعرنا الجميل ولماذا لايشاركنا فى باقى الاطروحات كرجل مثقف ثقافه راقيه نريد ان نراك كاتبا ومفكرا ومثقفا راقيا