بحلم كل مصرى يكون علم

بحلم فى كل مصلحه اشوف علم
اشوف بنى ادم محترم
اشوف مصرى بصحيح
بحلم محدش يقصف قلم
بحلم محدش يحس بألم
بحلم كل مصرى يكون علم
بحلم بمسئول يكون همه مصلحه
مش مسئول يفكر لنفسه ف مصلحه
بحلم اشوف نفوس متصلحه
بحلم بكل الارض جوه مصر متفلحه
مزروعه خضره ومصحصحه
مش ارض ميته زى القلوب ومكسحه
ولا ارض مشققه ومجرحه
بحلم باللى يعاتب اخوه يكلمه
مش يموته بسياره متصفحه
بحلم بموظفه تراعى الله فى عملها
مش تمضى وتقول مروحه
بحلم اجيب لى مروحه
عشان اطرى لما تشتد الحراره
وتبدا الشمس فى الصحصحه
نفسى فى كرسى ويكون سليم
اتهز بيه واحس بمرجحه

بحلم بحبه مال
مش كتير
لكن يادوب يمشوا الحال
بحلم اجيب حته لحمه للعيال
واكسى العيال
بحلم اكون مستور
عشان اكيد العزال
بحلم باردب قمح
من سلات الغلال
بحلم بقرشين حلال
لكنه باين شىء محال
والحلم يا رب استحال
وربنا هو الكفيل بيه وبالعيال
قادر ربنا يسترنى ويغنينى عن السؤال
قادر يقوى عزمى لو يوم عزمى مال

كان هذا الحلم قبل الثوره قهل ياترى سيتحقق هذا الحلم بعد الثوره ندعوا الله ان يتحقق حلم كل مصرى

ليت الذى بعدى يكتب هنا احلامه للمحروسه بأذن ربها شكرا على الاحلام الجميله الورديه والوطنيه[b]

بحلم بفته
بحلم بفرخه او حتى حته
تكون كبيره شويه تكفى سته
بحلم بلبس جديد للعيال
بعد ما صاب لبسهم عته
بحلم اغير جذمتى اللى شاحته
بحلم اسدد ديون
من ناس كتير واختها
بحلم ببسكلته
جوايه احلام كتير
جوه قلبى حاططه
بس النفس اللى تحلم
اهم حلم تخلص مصر من غفوتها
وتعرف محطتها
وتبدا مسيرتها

» دا يبقى مصرى مصرى ايه مصرى ليه
» متى يكون الكر والفر حلا للمشكله ومتى يكون الانسحاب خير وسيله للهجوم
» (( البحث عن شاعر جميل )) اسمه مستر عطيه ياترى راح فين سوق عكاظ احتمال واحتمال يكون فى مملكه الشعراء احتمال واحتمال يكون فى ميدان التحرير احتمال واحتمال يكون فى واحه الرومانسيه احتمال ياترى فين شاعرنا الجميل
» لن ينصلح حال الازهر الا اذا كان شيخ الازهر بالانتخاب وليس بالتعين وان يكون له ميزانياته الخاصه به وداعى ان يكون موظفا وعاملا عند الحاكم
» (((( منين نبتدى الحكايه)))) لابد ولازم وحتما ان يكون لنا كل واحد استخرج بطاقه قوميه ان يكون لناايضا بطاقه انتخابيه وهذا هو اول سلاح فى المعركه القادمه تتفق ام تختلف ولماذا