أأأأ كلمات ترقص أأأأأأ حسك عينك مما راق لى وليرد عليه شاعر الربابه

حسك عينك

٢٦/ ٥/ ٢٠١١
حسك عينك ترجع تانى وتفضى ميدان التحرير

حسك عينك حد يقولك بكرة هانبدأ التغيير

التغيير مش كرسى الريس ولا دستور مكتوب وكويس

ولا أموال ترجع لأصحابها بعد ما بددها الخنازير

التغيير مش ممكن ينفع قبل ما نبدأ بالتطهير

لازم الجرح الأول ينضف لازم ينزل دم كتير

لازم نرمى الدم الفاسد لازم نرمى الورم الزايد

لازم نمسك مشرط حامى وياريت نستعمل سواطير

زى ما ماتت ناس فى الثورة وكانت عايشة لحلم كبير

زى ما صابوا الناس ف عنيهم وجريوا وراهم بالجنازير

لازم اللى قتلنا يموت بعد ما نضربه بالنبوت

ونخلى فضيحته بجلاجل ونجرسه على ضهر حمير

كل شهيد اعدم لى قصاده ألف حرامى أو ألفين

كل جريح اسجن لى قصاده ألف منافق وبوشين

علشان إحنا صبرنا كتير فى زمان الخوف والتزوير

وصبرنا على حاكم ظالم عايز يحكم ليوم الدين

حسك عينك ترجع بيتك قبل ما تدفن ألف حرامى

وكون متغسل بالجاز وتقول لازم أشوفه قدامى

متعلق والنار حواليه وبتحرق فى إيديه وعنيه

زى ما خزق عين أولادنا وسخر من نصحى وكلامى

سيد أحمد الهمشرى

[b]