بسم الله الرحمن الرحيم
اهداء الى كل من شارك فى ثورة الغضب ثورة 25 يناير
كنا شباب مساكين
مظلومين من الدنيا وحيرانين
والاعلام بيقول علينا تافهين
جيل صايع وشباب مجانين
قلنا لازم نقول للدنيا لا
ونثبت للناس اننا على حق
واننا كنا ضحية ظلم وتخريب
وناس همها السلطه وشغاله فينا تعذيب
وحكومة فرعون كلها اكاذيب
بتوعد مبتوفيش
وبتاخد ولا تعطيش
والى يعلى صوته علطول تقفيش
وقانون طوارئ وعلى السجن يا شاويش
قلنا لازم نصحى ضمير البشريه
ونخلى الخلق الغلابه تبئا قويه
ونزل الناس المستئويه
مهو احنا مصريين والناس هيه هيه
على مر السنين ثورات على الظلم وبعزيمه قويه
مبنسكتش على الظلم لو طال بيه العمر ونقول له الحريه جايه جايه
قلنا لازم ننزل فى يوم ونخليه يوم الحريه
يوم العزه والكرامه الانسانيه
نقف فى وش فرعون وجنوده ونقول له بره بره
تلاتين سنه سايبينك وساكتين
اتولدنا فى عهدك وشفنا اشد جلادين
فلوسنا اديتها لحاشيتك واتمتعوا بالملايين
والناس مكنتش لاقيه تاكل وكتير تعبانين
اخيرا قررنا ننزل على الميادين
ونقول احنا اهو شباب معتصمين
يا تمشى انت وحاشيتك يا اما مش مروحين
والناس لبت النداء ومن كل مكان جايين
ينضمو لينا ويقولو احنا معاكم يا محررين
صحيتو جوانا الامل من بعد نوم وسكات على الظالمين
كنا عايشين ومش قادرين نتكلم وشايلين الهم وراضيين
بس دلوقتى مبقاش ينفع نسكت واحنا متهانين
ده الى كنا بنقول عليهم تافهين قامو وخلونا بنيأدمين
خلاص يا مبارك لم عيالك وروح على الصين
اشمعنى الصين بلاش الصين خليها فلسطين
شوف حبايبك بيعملو فيهم ازاى وانت وكلابك ساكتين
خد جمالك واموالك وغور ده احنا مش تاقصين
مش كفايه خليتها عزبة عز وخليت عنده ملايين
خلاص يا مبارك معدش ينفع نطلع من الميادين
ارحل قبل ما نجيلك على دارك ونقول لكم بره يا ملاعين
ارحلو يا افاقين
اهداء الى شباب ثورة 25 يناير
المصدر " قــــــلـــــمـــى "[b]
الأربعاء 14 يوليو 2021 - 17:02 من طرف admin
موضوع: من جميل تصفحى اليوم منقول قلمى ***** تحيه لكل من شاركفى(ثوره الغضب) 
