صباحك (9)

صباحك (9)

صَبَاحِكْ كَتِبْ لِى وَثِيقِةْ سَفَرْ
وشالْنِى فْ سَفِينِةْ رِضَاهْ لِلْقَمَرْ
وِلَفِّيتْ مَعَاه القُرَى والحَضَرْ
وِدَقِّيتْ بِحُبُّهْ قُلُوبِ البَشَرْ
وِحَبِّتْ غُنَايَا
وِسِهْرِتْ مَعَايَا
فى وَصْفِ الحِكَايَهْ اللى كانِتْ قَدَرْ
وِحَبُّوا الأَمِيرَه بِكُلِّ الصُّوَرْ
صباحك على كل شىء انتصر
**
صباحك صالحنى على اللى مضى
على عمر فات من حياتى قضا
على الللى شقيته
على اللى قاسيته
على اللى بكيته وغسلنى الرضا
وصالح زمان الشقا اللى انقضى
**
صباحك رسم لى خريطة وجود
وحدد معالم وثبت حدود
بيبدأ صباحى بطلة صباحك
وافضل نهارى آجى لك واعود
وطيفك معايا
كأنه ف مرايه
نخلص حكايه
ونبدى ف حكايه
وبهجة رضايا تبان ع الخدود
وحلم يراودنى بحياة الخلود
ويدخل مسايا
وقلبك معايا
يرفرف منايا
عشان كلمه جايه
فى ساعة العشا شايله صحبة ورود
وتملا حياتى باحلى الوعود
وافضل فى ليلى
خيالك يجيلى
وأكتب إيميلى
لروح بتادى لى
وأشفى غليلى ف قراية الردود
واقول كل حلمى وازيل السدود
بدا النوم يجينى
أحطك فى عينى
واغمض جفونى
واقول وتلاغينى
واخلص حنينى ونومى يجود
صباحك رسم لى مدينتك حدود
**
صباحك رسم لى حدود الحياه
أنا وانتى عايشين فى نور الإله
خيالك ياخدنى وانا امشى وراه
وفى كل لحظه بفكر معاه
ولا حد عايش معايا سواه
غير اللى جمعنا
وشايف دموعنا
وعارف وجعنا
وما بين ضلوعنا قلوب فى هداه
بتسجد وتشكر نعيمه وعطاه
صباحك بلغ بالمنى منتهاه
**
د. محمد عبد المطلب جاد
أستاذ سيكولوجيا الإبداع – جامعة طنطا

أبى العزيز
قرأتها مرة واثنين وثلاثة
قرأتها مرارا وتكرار
وفى كل مرة كلماتها تبكينى
من روعتها وسحر كلامها
أعجبتنى بشده
أعجبتنى كثيرا
ياله من حنان وفيير
بل نبع حنان لا ينضب
أبى

***كنت بين نثر قلمك و وجدت نفسي معك ****
جذبتني كلماتك
ووجدت نفسي بين حروفك..

قلم راائع وإحساس جميل..
بارك الله فيكِ..

صباحك (9) B21-3260_c

دمت لأبيك كما كنت دائما
لا حرمنى الله من قلبك الطيب
ولسانك العطر

ترعاك عين الله يا قرة عين أبيك

» صباحك (9)
» صباحك (10)
» صباحك(128)
» صباحك(127)
» صباحك سكر