مجموعة من الاغانى الشعبية

ياللى ع الترعة
حوِّد ع المالح
رجلى بتوجعنى من إيه ؟
رجلى بتوجعنى من إيه ؟
من مشى امبارح

ياللى ع الترعة
حوِّد ع المالح
إيدى بتوجعنى من إيه ؟
إيدى بتوجعنى من إيه ؟
من غسيل امبارح
ياللى ع الترعة
حوِّد ع المالح
راسى بتوجعنى من إيه ؟
راسى بتوجعنى من إيه ؟
من لف امبارح
ياللى ع الترعة
حوِّد ع المالح
*****
أه يا ليل يا قمر
والمنجه طابت ع السجر
وطلعت له بصفيحه
ونزلت له بصفيحه
ولقيت حمام حاطت ريحه
أه يا ليل يا قمر
والمنجه طابت ع السجر
وطلعت له بمقشه
ونزلت له بمقشه
ولقيت حمام بيتعشى
أه يا ليل يا قمر
والمنجه طابت ع السجر
حمره يا قوطه
آى آى
وانا طالعه بالطبق
وقع الطبق اتكسر
قالت لى فداكى يا عسل
مش كل الحموات
وحماتى حلوه
وانا طالعه بالقوطه
وقع الطبق م الفوطه
قالت لى فداكى يا قطقوطه
مش كل الحموات
وحماتى حلوه
وأنا بقشر فى البصل
الطبق وقع اتكسر
آى آى
قالت لى فداكى يا عسل
مش كل الحموات
وحماتى حلوه
أيوه أنا
أيوه أنا
بتحب أمك ولا أنا
باحبك أنت يا قطقوطه
والليله آخدك فى الفوطه
وأتف على أمى الـ .....
أيوه أنا
أيوه أنا
بتحب أمك ولا أنا
باحبك أنت يا مراتى
والليلة آخدك فى باطى
وأتف على أمى واخواتى
أيوه أنا
أيوه أنا
بتحب أمك ولا أنا
الراوى : هناء مصطفى – أم عبده

4-
على ورق الليل
مسى لى يا قمر
دى حلاوة الليل
شيكلاته وعين جمل
حط إبره على إبره
وكمانى إبره على إبره
روّح يا ولا هاتى لى الدبله
يا قمر
على ورق الليل
مسى لى يا قمر
حط طوبه على طوبه
وكمانى طوبه على طوبه
روّح يا ولا دا أنا مخطوبه
يا قمر
على ورق الليل
مسى لى يا قمر
دى حلاوة الليل
شيكلاته وعين جمل
حط نخله على نخله
وكمانى نخله على نخله
روّح يا ولا دا أنا مش داخله
يا قمر
على ورق الليل
مسى لى يا قمر
الراوى : هناء مصطفى – أم عبده

5-

يا أمه يا ليلى
يا أمه يا عيونى
يا أمه عطونى للولا أحمد
سبع ليالى واحط لحمر
ابنى يا بنى
ابنى وعلى
واضرب شباكى
بوهيه لامونى
يا أمه يا ليلى
يا أمه يا عيونى
لولا عطونى
للولا صالح
سبع ليالى
واقضى المصالح
ابنى يا بنى
ابنى وعلى
واضرب شباكى
بوهيه لامونى
يا أمه يا ليلى
يا أمه يا عيونى
الراوى : هناء مصطفى – أم عبده

6-
أمك جايه بدرى
شامه اللحم المقلى
أمك جايه لوحديها
جايبه الكلب يسليها
الراوى : هناء مصطفى – أم عبده

7-
يا عود شطاطه يا ولا
يا عود شطاطه
أمك واقفه لى ع السلم
زى الفطاطه
يا عود كبريت يا ولا
يا عود كبريت
أمك واقفه لى ع السلم
زى العفريت
الراوى : هناء مصطفى – أم عبده

8-

قللى يا قللى
وضربنى وكسر قللى
وانا طالعه بالمجور
وانا ناوله بالمجور
ابن الـ .... عمل دكتور
وضربنى وكسر قللى
وانا طالعه بالطاجن
وانا ناوله بالطاجن
ابن الـ .... عمل راجل
وضربنى وكسر قللى
قللى يا قللى
الراوى : هناء مصطفى – أم عبده

9-

حمره يا قوطه
حمره يا قوطه
وانا جايه من بحرى
وحماتى جايه بتردح لى
يا رب خدها وريحنى
حمره يا قوطه
حمره يا قوطه

النار يا أمه من الحمى
النار يا أمه من الحمى
وأنا طالعه بالصفيحة
وأنا نازله بالصفيحه
روحى يا حماتى يجيكى .......
وافرح فيكى أنا
والنار يا أمه من الحمى

وانا طالعه بالمقشه
وانا نازله بالمقشه
روى يا حماتى يجيكى حشه
وافرح فيكى أنا
النار يا أمه من الحمى
وانا طالعه بالبابور
وانا نازله بالبابور
روحى يا حماتى يجيكى دكتور
وارح فيكى أنا
النار يا أمه من الحمى

عَلّى اللنده عَلّى
على اللنده بالراحه
أصل حماتى رداحه
بتعد العيش ع المطرحه
عَلّى اللنده عَلىّ
عَلّى اللنده شويه
أصل حماتى غزيه
بتعد العيش ع الطبليه
عَلّى اللنده عَلّى
الراوى : هناء مصطفى – أم عبده

10-

تحت النخله العُلاليه
فات ولا صبح علىّ
حط إيده تحت الخزانه
طلع لى ورقة لبانه
قلت له : بلاش نتانه
دا أنا معاى عشر رجاله
يضربوك تصعب علىّ
تحت النخله العُلاليه
فات ولا صبح علىّ
حط إيده تحت التسريحه
طلع لى صاونه ريحه
قلت له بلاش فضيحه
دا أنا معاى عشر رجاله
يضربوك تصعب علىّ
تحت النخله العُلاليه
فات ولا صبح علىّ
الراوى : هناء مصطفى – أم عبده

11-

روح من ورانا
يا حسوده روحى
روح من ورانا
قلبنا مجروحى
الراوى : هناء مصطفى – أم عبده
12-

صندل يا صنادل
قال لى تخشى العربيه
حلفت ما اخش العريه
ما اخدش العلق أبو قصيه
صندل يا صنادل
قال لى خشى الطيارة
حلفت ا اخش الطيارة
ما اخدش الوحش
أبو سجاره
صندل يا صنادل
الراوى : هناء مصطفى – أم عبده

13-
يا أمه يا هوايا
يا أمه يا هوايا

طالع يناغشها
نازل يناغشها
كسر غوايشها
ع الكحلة والمراية
يا أمه يا هوايا
يا أمه يا هوايا
طالع يناغيها
نازل يناغيها
كسر عناديها
ع الكحلة والمراية
يا أمه يا هوايا
الراوى : هناء مصطفى – أم عبده
14-

الرز ع البابور
قوم عشى عيالك
وأنا راحه بيت أوى
وآنى مش رجعالك

ماشى وراىّ بعجلته
الله الله
ماشى يطوح فى رقبته
الله الله
والنبى يا أمه ما كلمته
صايم رمضان
وأنا فطرته

الرز ع البابور
قوم عشى عيالك
وأنا راحه بيت أوى
وآنى مش رجعالك

ماشى وراىّ بموتيسكله
الله الله
ماشى يطوح فى رجله
الله الله
والنبى يا أمه ما كلمته
صايم رمضان
وأنا فطرته

الرُز ع البابور
قوم عشى عيالك
وأنا راحه بيت أوى
وآنى مش رجعالك

ماشى وراى بعجلته
الله الله
ماشى يطوح فى رقبته
والنبى يا أمه ما كلمته
صايم رمضان
وأنا فطرته

الرُز ع البابور
قوم عشى عيالك
وأنا راحه بيت أوى
وآنى مش رجعالك
الراوى : هناء مصطفى – أم عبده

15-

أه يا سكر الجمعيه
غنى ورد علىَّ
الجمعيه بلاط فى بلاط
ما يخشاهاش إلاّ الظباط
يا عريس دمك شربات
وعيونك عسليه
أه يا سكر الجمعيه
غنى ورد علىَّ
الجمعيه حشيش فى حشيش
ما يخشاهاش إلاّ الدراويش
يا عريس دمك خفيف
وعيونك عسليه
أه يا سكر الجمعيه
غنى ورد علىَّ
الراوى : هناء مصطفى – أم عبده

16-

كرابى يا واد كرابى
عدى البحر يا نارى
عدى البحر بجلاليبه
ولا حدش عجبه
فى بيت سيده
وعجبته آنا يا نارى
نارى يا واد يا نارى
عدى البحر بعجلته
ولا حدش عجبه فى بدنته
وعجبته أنا يا نارى
عدى البحر بجلابيته
ولا حدش عجبه فى بيت سيده
وعجبته أنا يا نارى
نارى يا واد يا نارى
عدى البحر بشاله
ولا حدش عجبه
فى بيت خاله
وعجبته أنا يا نارى
نارى يا واد يا نارى
الراوى : هناء مصطفى – أم عبده

17-
هشك آبيكا
نايلو
ع المزيكا
نايلو
أنا عندى بت وربتها
واحسن مدارس وديتها
طلعت رقاصه
يخرب بيتها
هشك آبيكا
نايلو
ع المزيكا
نايلو
أنا عندى واد ربيته
أحسن مدارس وديته
طلع شمام
يخرب بيته
هشك آبيكا
نايلو
ع المزيكا
الراوى : هناء مصطفى – أم عبده

18-

وتعالى لاعبنى
ع العشره
وإوعك تغلبنى
ع العشره
قدام باب الكليه
والواد ركبنى العربيه
واطلعى يا حكومه يا مصديه
وتعالى لاعبنى
ع العشره

قدام باب المدرسه
والولا علمنى الهندسه
واطلعى يا حكومه يا ....
وتعالى لاعبنى
ع العشره
الراوى : هناء مصطفى – أم عبده

19-
بطيخه بعشره
بطيخه بعشره

قدام يت العمده
بطيخه بعشره
بطيخه بعشره
وقعدت أشرخ فيها ماسكونى الغفره
ماسكونى الغفره
أحكم يا حاكم أحكم
حكم بتلات سنين
بس العمر الطويل
بس العمر الطويل
الراوى : هناء مصطفى – أم عبده

20-

فين دولاب العروسه
فرجونى عليه
واللى خطب العروسه
الله ينور عليه
فين دولاب العريس
فرجونى عليه
واللى خطب العروسه
الله ينور عليه
الراوى : هناء مصطفى – أم عبده

21-
يا ابو اللابايش يا قصب
عندنا الفرح واتنصب
نقى الفستان على كديها
ترمح تورى عمها
حابوا الفستان على كدها
نزلت تورى عمها
نط العريس وقال لها
تسلم عيون اللى اتخطب
يا ابو اللابايش يا قصب
الراوى : هناء مصطفى – أم عبده

22-
ولا
إيه
ولا
إيه
شفت العروسه بتقول العريس إيه ؟

ما اعرفش أدق الكسبره
إلا بقميص المندره
ما اعرفش أدق التوم
إلا بقميص النوم
ولا
إيه
ولا
إيه
شفت العروسه بتقول العريس إيه ؟
البت لابسه الجيبه
والطرحه والتحجيبه
ماشيتها ماشيه غريبه
ويلى ويلى ويلى
من أيامنا يا شوق
الراوى : هناء مصطفى – أم عبده

23-
تحت السلم مغناطيس
أمك تعجن
آنا أخبز
وأنت ف باطى بالقميص

تحت السلم مكرونه
أمك تخبز
وآنا أعجن
وأنت ف باطى فى البلاكونه
الراوى : هناء مصطفى – أم عبده
24-
الله إيه ؟
الله إيه ؟
السلك لمس
والا إيه ؟
أنا قاعدة أحمى المية
وأنت ف ....
بتعمل
الله إيه ؟
الله إيه ؟
السلك لمس
والا إيه ؟
......................
الراوى : هناء مصطفى – أم عبده
25-
اتكحرت واجرى
يا رُمان
وتعالى على حجرى
يا رمان
دا أنا حجرى حنين
يا رمان
ياخدك ويميِّل
يا رمان

حلو يا رمان بلدنا
ماسخ يا رمان بعيد
كل ما آجيبك ع المخده
تتكحرت وتروح بعيد

حلو يا رمان بلدنا
ماسخ يا رمان بعيد
كل ما آحطك ع المخده
تتكحرت وتروح بعيد
الراوى : هناء مصطفى – أم عبده

26-
يا أمه حيات
يا أمه حيات
اسم الله عليكى
يا أمه حيات
شفتوش أبو إحمد يا بنات
راح يتجوز يا أمه حيات
رجل اتكسرت يا بنات
اسم الله عليكى
يا أمه حيات

أبو العيال هملنى وفات
يا أمه حيات
يا أمه حيات
ساب فى رقبتى
سبع بنات
اسم الله عليكى
يا أمه حيات
الراوى : هناء مصطفى – أم عبده
27-
ولا يا ولا يا عرباوى
عرباوى
أنا عايز خد أحمر
يا ولا
ومنين أجيب له خد أحمر
يا ولا
عايز عروسته تحط أحمر
يا ولا

ولا يا ولا يا عرباوى
عرباوى

عرباوى عايز مشمشه
ومنين أجيب له مشمشه
يا ولا
عايز عروسته مفرفشه
يا عرباوى
ولا يا ولا يا عرباوى
عرباوى
عرباوى عايز رش أخضر
وأجيب له منين قرش أخضر
عايز عروسته تحط أخضر
يا عرباوى
ولا يا ولا يا عرباوى
الراوى : هناء مصطفى – أم عبده

28-
صلى ع النبى
وأنا نايلون خالص
صلى ع النبى
وأنا نايلون خالص

الجلابيه نار على نار
والقميص نار على نار
دخل الأوضه وعقله فار
صلى ع النبى
وأنا نايلون خالص
الجلابيه بوروشت
والقميص بوروشت
دخل الأوضه وعقله شت

.. صلى ع النبى
وأنا نايلون خالص

الجلابيه نار على نار
والقميص نار على نار
دخل الأوضه وعقله فار
صلى ع النبى
وأنا نايلون خالص
الراوى : هناء مصطفى – أم عبده

29-

وديسكو ديسكو
ديسكو
حبيبى وأنا أعكسو
ديسكو
دخل الجنينه
ودخلت وراه
خطف التفاحه
وخطفت معاه
أمه فلاحه
ما اقعدش معاه
وديسكو ديسكو
ديسكو
حبيبى وأنا أعكسو
ديسكو

دخل الجنينه
ودخلت وراه
خطف اللمونه
وخطفت معاه
دى أمه مجنونه
ما اقعدش معاه

وديسكو ديسكو
ديسكو
حبيبى وأنا أعكسو
ديسكو
الراوى : هناء مصطفى – أم عبده
30-
يا بنت عدى الحصاله
يا بت أخواتك رجاله
يا بت عدى الجيناهات
يا بت اخواتك بشوات
الراوى : هناء مصطفى – أم عبده
31-
يا ديك يا ابو شوشيه
يا و شوشيه
أنا عندى ديك إسمه صلاح
إسمه صلاح
يمشى وراى بالسلاح
بالسلاح
وووى يدلعنى
وووى يزغزغنى
والناس متكاده ومهريه
يا ديك يا ابو شوشيه

أنا عندى ديك إسمه كمال
إسمه كمال
يمشى وراى بالنبوت
بالنبوت
وووى يدلعنى
وووى يزغزغنى
والناس متكاده ومهريه
يا ديك يا ابو شوشيه
الراوى : هناء مصطفى – أم عبده
32-
دوسى ع السجادة
دوسى ع السجادة
ياما ناس فرحانه فرحنا
وياما ناس متكاده
دوسى ع السجاده

دوسى ع الحصيره
دوسى ع الحصيره
ياما ناس فرحانه الليله
وياما ناس حزينه

دوسى ع المشمع
دوسى ع المشمع
ياما ناس فرحانه فرحنا
وياما ناس حا تولع
الراوى : هناء مصطفى – أم عبده
33-
ياجنيه ياجنيه
يا ابو مروحه
عروستنا الحلوه مروحه

ياجنيه ياجنيه
يا ابو شمسيه
عروستنا حلوه وعسليه

إيه العسل ده
عقبال كده لما يغنوا فى فرحك ويقولوا:
اه يا صبايا ياإحنا ولا حدش زيينا
د و ل لفو ا كل ناحيه ما ليقيوش العينه

حلوة قوى الاغانى الشعبيةفيها الفخر بالنسب والشرف
وفيهاالحث على تزويج البكر لعفتها وصونها
وكمان فيها الحث والتشجيع للشباب على الاقدام على الزواج
وده اكيد فيه حمايه المجتمع من الانحلال والقضاء على ظاهرة أولاد الشوارع
وشكرا مع تحياتى

» @@ الاغانى مشاعر@@ ظلمنا الحب @@ الكلثومه@@ومساؤكم سكر معطر بالورد البلدى
» هل تسمع الاغانى القديمه بأذن جميله اسكتش ليلى مراد اللى يقدر على قلبى
» بمناسبه ذكرى المطرب الجميل محمد فوزى هانحن مازلنا نتمع بهذه الاغانى
» من منظار محمد فوزى السابع عشر/ غنوا لمصر المحروسه زى منتوا عايزين بس ياريت تكون الاغانى مشروعات ايجابيه ومثمره
» مجموعة من غرف السفرة