نبتدى منين الـحكاية
اهلا وسهلا بك ضيفا عزيزا على المنتدى ويشرفنا ان تقوم بالتسجيل لتساهم معنا فى بناء صرح ثقافى ينتفع به الجميع
عبد الفتاح غنيم


 
الرئيسيةس .و .جالتسجيلدخول
المواضيع الأخيرة
» 2016 شفنا فيكى الذُل
الأحد 18 ديسمبر 2016 - 5:42 من طرف مستر/عطيه الخضرى

» رسالة الى السيد الرئيس
الثلاثاء 5 يوليو 2016 - 14:16 من طرف مستر/عطيه الخضرى

» ياليلة العبد
الخميس 9 يونيو 2016 - 10:17 من طرف الحب الضائع

» الليلة يكتمل القمر فى كبد السماء
الخميس 9 يونيو 2016 - 10:15 من طرف الحب الضائع

» اشتاق قبلة
الخميس 9 يونيو 2016 - 10:11 من طرف الحب الضائع

» قعدت أنادى ع الفضيله
الخميس 2 يونيو 2016 - 18:27 من طرف مستر/عطيه الخضرى

» شىء فظيع ان احلامك تضيع
الإثنين 2 مايو 2016 - 10:35 من طرف مستر/عطيه الخضرى

» منكو لله ياعرب ويا مسلمين
الأحد 1 مايو 2016 - 11:03 من طرف مستر/عطيه الخضرى

» جرى أيه يا ست
الأحد 7 فبراير 2016 - 14:58 من طرف مستر/عطيه الخضرى

المواضيع الأكثر نشاطاً
أجمل ما قيل فى حب رسول الله
رجل فى غرفة نومى (حلقة الاربعاء26/10/2011)
برنامج (نبتدى منين الحكاية )
ام زوجى اغتصبت عذريتى حلقة الاربعاء 26/5/2010
احترمه ولا احبه!!! واخونه!!!حلقة 7/76/2010
يوميات اتنين متزوجين
هل أكون له زوجة ثانيةلانه تستر على ويقول انه يحبنى ؟
قلبى يحترق لان امى تقتل حبى(حلقة الاربعاء 22/8/2012)
حملت سفاحا واخاف ان يكون الابن شبيها لابيه الحقيقى (الحلقة القادمة )
زوجى صفر على عشرة فى اختبار الثقة (كيد النسا 1)الاربعاء 7/3/2012

شاطر | 
 

 كلنا بنفك خط كلنا بنعرف مطالعه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مستر/عطيه الخضرى
مشرف منتدى الشعر
مشرف منتدى الشعر


ذكر
عدد المساهمات : 948
نقاط : 1857
تاريخ التسجيل : 09/02/2011
العمر : 52
الموقع : http://attia-elkhodary.forumegypt.ne

مُساهمةموضوع: كلنا بنفك خط كلنا بنعرف مطالعه   الأربعاء 21 ديسمبر 2011 - 6:05

كلنا بنفك خط
كلنا بنعرف قرايه
كلنا فاهمين مطالعه
كلنا بنعرف بعقل
اللى نازله واللى طالعه
والفيديو ده ريحته طالعه
يعنى ايه يحطوا فيديو
لواحده قالعه
كات جايه قالعه
وايه يخلى جندى واحد مننا
جندى ابننا
وكمان زمايله
يضربوها يوقعوها
يقلعوها
لو صحيح كان اولى بيهم
يمسكوها يحبسوها
او فى حكر لو صحيح
كانوا قلعوها
بتعلقوا ع اللى بيضربوها
واللى قلتوا قلعوها
طاب واللى كانوا بيغطوها
معقوله ده
عشان يفضحوا نفسهم
فى الشارع جابوها
ع المسامع والمشاهد
والكل سامع وكمان مشاهد
وهم بيسحلوها
يا جماعه
بلدكوا ليه بتدبحوها
يا جماعه
مصركوا كفايه ارحموها
لو صحيح الفيديو طاب هى مين
طاب قالت ايه
يطلع جنودنا من طوعهم
ويفجر مشاعرهم مابين ضلوعهم
قالت له ايه
عملت له ايه
الفيديو دا مش فيديو مصرى
الفيديو ده يا متركب يا متركب
يا متصور لناس يهود
بيضربوا فى فلسطينيه
لجل ما تضيع القضيه
الفيديو ده مش لمصريه
ولا صاحبته دى مستحيه
ولا مسلمه ولا مسيحيه
يا خلق هووه دى بلطجيه
لو صحيح يبقى متقريه
بدلاله انها كات جايه متعريه
كات لابسه ع اللحم
وقاصده سوء النيه
ولو صحيح الجنود دى مش جنودنا
ولا دول ولادنا
ولا صلبهم كان صلب عودنا
حرام كده تشوهوا
صوره جنودنا
حرام كده تحرقوا
فى ناس بلدنا
راح تخدوا ايه لما تولعوها
لما تفضل تانى والعه
كلنا بنفك خط
كلنا بنعرف قرايه
كلنا فاهمين مطالعه
كلنا بنعرف بعقل
اللى نازله واللى طالعه
والفيديو ده ريحته طالعه
يعنى ايه يحطوا فيديو
لواحده قالعه
كات جايه قالعه
انا نفسى افهم بس حاجه
من غير ألس
من غير غلاسه او سماجه
ايه يخلى جندى مسلم
او مسيحى
جندى مصرى
يعمل كده دا لو صحيح
ايه يخلى جندى مصرى
زى الهرم فى وسط ريح
ايه يخلى جندى مصرى
عمره ما يعرف قبيح
ايه يخلى جندى مصرى
لعرض اخته يستبيح
واللى يصور
ايده ثابته
مفيش كرامه
واللى ماشى واللى عدى
واللى شايف
كانوا ايه لمامه
فين الشهامه
فين اللى بيموت
عشان اخوه
يرمى نفسه بين الديابه
لو كانو يامه
ليه محدش فيهم قال كفايه
وتقولوا مصرى
وكمان تقوللى البنت مصريه
طاب يا مصريه ياللى هانوكى
ايه عملتيه لو صحيح
عشان يضربوكى
ايه عملتيه
عشان ع الملآ يقلعوكى
وعينى عينك
يضربوا ويخلعوكى
فين كرامه المصريه
المستحيه
متعلمه او شايله زالعه

كلنا بنفك خط
كلنا بنعرف قرايه
كلنا فاهمين مطالعه
كلنا بنعرف بعقل
اللى نازله واللى طالعه
والفيديو ده ريحته طالعه
يعنى ايه يحطوا فيديو
لواحده قالعه
كات جايه قالعه
الفيديو دا كان غرضه ايه
عشان يشتت انتباهنا
ع الحرايق والخساير
والمحاكمه
والفلول تبقى حاكمه
ويبوظوا فى الانتخاب
ويقولوا تهنا
مهما يعملوا فاهمين
متعلمين وفلاحين
مسلمين ومسيحيين
راح نفضلوا ثابتين
عشان حاجه واحده
ان احنا مصريين
دمنا نيلها
ولحمنا من ارضها والطين
كلنا متوحدين
ومسيرنا ناخد حقنا
مستنيين
م البلطجيه والزمبجيه
والنصابين والحراميه
واللى اغتالوا الصبيه
واللى من ضميرهم معدومين
ومسيرهم بكره يعرفوا
المصرى ده يبقى مين
وياما مصر ف بطنها
شاربه وبالعه
كلنا بنفك خط
كلنا بنعرف قرايه
كلنا فاهمين مطالعه
كلنا بنعرف بعقل
اللى نازله واللى طالعه
والفيديو ده ريحته طالعه
يعنى ايه يحطوا فيديو
لواحده قالعه
كات جايه قالعه
-------------------
عطيه الخضرى عطيه
01280334314
قلين --كفر الشيخ


_________________
عطيه خضرى عطيه
قلين / كفر الشيخ



عدل سابقا من قبل عطيه خضرى عطيه في الأربعاء 21 ديسمبر 2011 - 6:17 عدل 1 مرات
الرجوع الى أعلى الصفحة اذهب الى الأسفل
محمد فوزى البلقينى
المشرف العام لمنتدى عالم بلا حدود
المشرف العام لمنتدى عالم بلا حدود


ذكر
عدد المساهمات : 17663
نقاط : 34131
تاريخ التسجيل : 03/10/2009
العمر : 65

مُساهمةموضوع: رد: كلنا بنفك خط كلنا بنعرف مطالعه   الأربعاء 21 ديسمبر 2011 - 6:14

شكرا جزيلا لمن يتفهم الوضع والحكايه تماما

سيدى هذه سقطه للعسكر ونحن لانختلف مع الجيش العظيم ولكن نختاف مع القياده فقط[b]

_________________
المشرف العام لمنتدى عالم بلا حدود
الرجوع الى أعلى الصفحة اذهب الى الأسفل
admin
Admin
Admin


ذكر
عدد المساهمات : 2239
نقاط : 4025
تاريخ التسجيل : 14/05/2009
الموقع : تنمية مهارات العمل الاعلامى

مُساهمةموضوع: رد: كلنا بنفك خط كلنا بنعرف مطالعه   السبت 24 ديسمبر 2011 - 5:09





رائع يا استاذ عطية
يييييييي

_________________
الرجوع الى أعلى الصفحة اذهب الى الأسفل
http://www.facebook.com/group.php?gid=134822936560981
 
كلنا بنفك خط كلنا بنعرف مطالعه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نبتدى منين الـحكاية :: منتدى الشاعر عطيه الخضرى عطيه-
انتقل الى: