كُلنا بنمد أيد نبدأ العهد الجديد

يا كل واحد كان بعيد
يا كل واحد كان عنيد
كُلنا بنمد أيد
نبدأ العهد الجديد
اختلفنا
بس النهارده
نتفق
كلنا نفس الوطن
نفس العلم
نفس النشيد
قربونا نلم بعض
التحزب مش مفيد
اسلامنا قال اتوحدوا
مش نبعدوا
والرسول صلى
رب الكون عليه
قال ف الحديث
والمعنى ليه
كلنا زى الجسد
والاختلاف راح نحتويه
لو يوم تعب حد فينا
هنحس بيه
هنداويه
لجل نعلا كلنا
انته وأنا
والخير يزيد
سينا م الاشخاص يا ناس
الوطن هو الوحيد
اللى فاضل بس لينا
بيحتوينا
اتجمعوا
لجل ما تسير السفينه
وتمشى بينا
ازرعوا ف القلب حُب
احذفوا كل الضغينه
أبدأوا بعزم الحديد
خلاص بقه
ايه لازمته أنك تِصِر
تحرق وتهدم
باسم دين
يا خلق هوه
أسلامنا بِر
تفضل تعاند
تفضل تقاوح
ودا شىء يِعِر
ياللا بقه
علشان نحاول نستمر
ودا أمر واقع
بيه كُلنا لازم نِقِر
مصر بينا هتبقى اقوى
ومن غيرنا كمان
راح تستمِر
الدُّنيا عرفت كُلَّها
كُلّ الخطط
مبقتش سِر
لحد أمته من ضميرك
تهرب تِفِر
والاجل ماهوش بعيد
يا كل واحد كان بعيد
يا كل واحد كان عنيد
كُلنا بنمد أيد
نبدأ العهد الجديد
----------
مستر/عطيه الخضرى
قلين – كفر الشيخ

» هل تعلمون سياسه هز الكتاكيت / الملك وولى العهد/رؤيه
» فلنجدد العهد دائما ودوما مع الله سبحانه وتعالى اصدقائى ممن تصفحت واعجبنى
» الكورس التدريبى الجديد
» الدســـــــــتور الجديد ( نَقرأ -- نَسْتَفِيد)
» والان مبروك شكل الماوس الجديد