اللهى ينتنقم منك
ومن اخوان وسلفيين
وبلاك لوك
مع الانقاذ وزفت الطين
ومن كل اللى مش فاهمين
ولا بالفقراء مهتمين
ايه ذنبها العالم تجوع
ولافيه غاز
ولافيه عيش
هنشكى لمين
ونحكى لمين
نروح نشحت ونتسلِّف
نعيش ع الدِّين
بقه مصر اللى فيها قناة
ونهر النيل هبه م الله
واهرامها وبترولها
معادنها
وكمان دينها
مزاريعها وجناينها
وناس فقرا وحبينها
ولاهمك وبتهينها
ولا بتحوش ف يوم عنها
وبتفرق كنايسها
جوامعها وماذنها
وكل الدنيا بصَّلها
وبتقطع فى اوصالها
ومتعمد ف اذلالها
بقه بالله
عليك يا اخى
مفيش حلوه تشيلهالها
ولاحلوة هتعملها
بتتقطَّع وتهملها
وبتكتَّر دماميلها
تبيع خوفو
تبيع خفر
كمان عاوز تبيع نيلها
ماكات عايشه
وكات راضيه
وبقليلها
وقلنا امانه هتشيلها
لكن قاصد تميِّلها
تنيلها
على المساكين
اللهى ينتنقم منك
ومن اخوان وسلفيين
وبلاك لوك
مع الانقاذ وزفت الطين
ومن كل اللى مش فاهمين
ولا بالفقراء مهتمين
كان امبارح ف منصوره
وكان قبله فى بور سعيد
وفى السويس بقلب حديد
واسماعيليه كنت معاها بالتهديد
اكيد بكرة
فى كفر الشيخ
ودا امر معدش بعيد
وفى اسوان
وفى النوبه
هتكرر
وتتمرر
ومش هتكون اخر نوبه
حرام ياشيخ
متتحرك عشان الدنيا مقلوبه
عشان مصر اللى مسلوبه
دى فرصتك
هتكون وحيده للتوبه
ما تتحرك وتتصرف
بدال متعيش ف غيبوبه
بتتعجرف لصالح مين
اللهى ينتنقم منك
ومن اخوان وسلفيين
وبلاك لوك
مع الانقاذ وزفت الطين
ومن كل اللى مش فاهمين
ولا بالفقراء مهتمين
\\\\\\\\\\\
الأربعاء 14 يوليو 2021 - 17:02 من طرف admin
موضوع: اللهى ينتنقم منك يا يا عديم الدين 
