نبتدى منين الـحكاية
اهلا وسهلا بك ضيفا عزيزا على المنتدى ويشرفنا ان تقوم بالتسجيل لتساهم معنا فى بناء صرح ثقافى ينتفع به الجميع
عبد الفتاح غنيم
نبتدى منين الـحكاية
اهلا وسهلا بك ضيفا عزيزا على المنتدى ويشرفنا ان تقوم بالتسجيل لتساهم معنا فى بناء صرح ثقافى ينتفع به الجميع
عبد الفتاح غنيم
نبتدى منين الـحكاية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةالتسجيلدخول
المواضيع الأخيرة
» اخون زوجي مع حبيبي السابق... وأكاد انهار !!!
يا اخواننا ارجعوا لحضن امك I_icon_minitimeالأربعاء 14 يوليو 2021 - 17:02 من طرف admin

» مات النبى ومات الصَّحابه
يا اخواننا ارجعوا لحضن امك I_icon_minitimeالأربعاء 14 يوليو 2021 - 17:00 من طرف admin

» فضل الأطعمة التى يحتاجها الجسم بعد الانتهاء من ممارسة الرياضة،
يا اخواننا ارجعوا لحضن امك I_icon_minitimeالأحد 14 يونيو 2020 - 16:02 من طرف admin

» لازم نرجع ونستغفر لعل الرب يتقبِّل
يا اخواننا ارجعوا لحضن امك I_icon_minitimeالجمعة 28 يونيو 2019 - 8:53 من طرف مستر/عطيه الخضرى

» صباحك(127)
يا اخواننا ارجعوا لحضن امك I_icon_minitimeالخميس 28 مارس 2019 - 18:30 من طرف د. محمد عبد المطلب جاد

» صباحك(128)
يا اخواننا ارجعوا لحضن امك I_icon_minitimeالخميس 28 مارس 2019 - 18:28 من طرف د. محمد عبد المطلب جاد

» يا ايها العام اللى عَدَّه
يا اخواننا ارجعوا لحضن امك I_icon_minitimeالثلاثاء 2 يناير 2018 - 5:48 من طرف مستر/عطيه الخضرى

» خذينى إليكِ(7)
يا اخواننا ارجعوا لحضن امك I_icon_minitimeالإثنين 11 ديسمبر 2017 - 6:16 من طرف admin

» برج الحمـــــــــــــــــــــــــــــــــــل
يا اخواننا ارجعوا لحضن امك I_icon_minitimeالثلاثاء 28 فبراير 2017 - 0:22 من طرف admin

المواضيع الأكثر نشاطاً
أجمل ما قيل فى حب رسول الله
رجل فى غرفة نومى (حلقة الاربعاء26/10/2011)
برنامج (نبتدى منين الحكاية )
احترمه ولا احبه!!! واخونه!!!حلقة 7/76/2010
يوميات اتنين متزوجين
ام زوجى اغتصبت عذريتى حلقة الاربعاء 26/5/2010
زوجى صفر على عشرة فى اختبار الثقة (كيد النسا 1)الاربعاء 7/3/2012
حملت سفاحا واخاف ان يكون الابن شبيها لابيه الحقيقى (الحلقة القادمة )
قلبى يحترق لان امى تقتل حبى(حلقة الاربعاء 22/8/2012)
هل أكون له زوجة ثانيةلانه تستر على ويقول انه يحبنى ؟

 

 يا اخواننا ارجعوا لحضن امك

اذهب الى الأسفل 
كاتب الموضوعرسالة
مستر/عطيه الخضرى
مشرف منتدى الشعر
مشرف منتدى الشعر
مستر/عطيه الخضرى


ذكر
عدد المساهمات : 951
نقاط : 1866
تاريخ التسجيل : 09/02/2011
العمر : 57
الموقع : http://attia-elkhodary.forumegypt.ne

يا اخواننا ارجعوا لحضن امك Empty
مُساهمةموضوع: يا اخواننا ارجعوا لحضن امك   يا اخواننا ارجعوا لحضن امك I_icon_minitimeالجمعة 18 نوفمبر 2011 - 5:35


صَحـــــــــــــــــصَح وفــــــــوق
لصالح مين التفرق يا خلق هووه
خمسين مرشح
وكلهم افاضل
واحنا اللى هنفاضل
بس اللى فاضل
ان الغلطان فهموه
وضحوله فين صالحنا وفهمووه
علشان نجمع اصوات بلدنا
وحلمنا نقدر نحققوه
يا جماعه الغلطان عرفوه
يا جماعه حلمنا بيتوه
يا نتوحد ونحققوه
يا اما بلاش نحلموه
وكلنا اصحاب بلد
وكلنا اخلاق وذوق
صَحـــــــــــــــــصَح وفــــــــوق
ياجماعه بلدنا متنكده
لما بتشوفكم
متشتتين كده
بتشمتوا فينا العدا
يا جماعه اسمعوا صوت الندا
وحدتنا هى الخلاص
وبيها الفرصه متأكده
بالله عليكم مش كده
ليه قلوبنا جاحده
ليه نسيب المشاكل
فوق صدورنا ممدده
الوحده يا خلق هووه
بيها الطريق متمهده
لو افترفنا يبقى ضعنا
ولازم لنا معدده
لسه يا قلين حلمك فى بلدى
وكلنا ليكى فدا
حبك بيجرى فى العروق
صَحـــــــــــــــــصَح وفــــــــوق
خليفه اهه
ما نجربه راح نخسر ايه
ياللى مش حابب خليفه عمل لك ايه
دا الحب فى الله
واللى يحب اخوه ربنا يرضى عليه
ياعم سين
يا خالى صاد
ليه العناد قولوا للبيه
ياللى تفرق
وعايز تغرق
ذنبه ايه حلمنا تجنى عليه
ياجماعه الفرقه ليه
يرضيكوا صفنا المشقوق
صَحـــــــــــــــــصَح وفــــــــوق
يا اخواننا ارجعوا لحضن امكم
كلنا بنخصكم
حلمنا هو نفسه حلمكم
يا جماعه خليفه منكم
يا جماعه بلدنا محتاجه نظره
تعالوا اتجمعوا نعمل مناظره
تتجمعوا فيها كلكم
يرضيكم يفضل حلمنا مسروق
صَحـــــــــــــــــصَح وفــــــــوق
ايه اللى كان عايزه خليفه
سنين يحاول
كان قدامه يحط جون
وجابها فاول
هل خليفه ف يوم
على حد منكوا اتطاول
هل خليفه فى يوم
هد لكم جدار
بفاس او بالمعاول
ما كان رئيس مدينه فى كام بلد
وكان يزاول
فى كل حته ساب بصمته
وللجميع كان بيدى الخير يناول

ما كان رئيس الابنيه
مسرقش ليه
وتحت ايدة كام مقاول
بتكرهوه علشان شريف
ولا عشان هيموت عشان يعملكم مصلحه
نفسه يشوف قلين عفيه متصلحه
نفسه يشوف الناس
من بعد ضيق عايشين فى بحبحه
يا جماعه لصالح مين نتفرقوا
والفرقه عمرها ما كانت راحه
وكلنا امانات
والامانه مسيرها مروحه
ياجماعه لازم نفوق
محتاجين الصحصحه
لو فضلنا متفرقين
راح تطلع التعابين من تحت الارض
وم الشقوق
صَحـــــــــــــــــصَح وفــــــــوق
دى البــــــلد بلـــــدنا
وخـــــيرها لاولادنـــــــــــا
مستنيين ايه
لصالح مين قعادنا
ما كفايه 30 سنه
عن بعضنا بعدنا
كارهين ليه نتوحد لما عدنا
كنا زمان كسبانين وسدنا
لما اتوحدنا سوا واتجمعت اسودنا
يا جماعه الوحده بس تقوى عودنا
يا خلق هوووه
الفرقه هتزود لنا دودنا
زرعت الخير تلاقى الخير
زى المحيط ومش محدود
زرعت الفرقه
جدار حلمك اكيد مهدود
والطبخه جاهزه
واللى يطــــــــــــــبخ لازم يدوق
صَحـــــــــــــــــصَح وفــــــــوق

بلدنا مكسوره
الاصل والصوره
بـِوحــــــدِتنا نبنيهـــــــا
ونحــــوش عنـــها الفـــــتن
ونكيد اعاديها
لو خليف غلط يوم فى حد
لازم يعديها
الوحده يا جماعه لبلدنا نهديها
والفرقه لو دامت
بلدنا نتوه فيها
يارب تحفظ مصرنا
وبالستر تكسيها
يارب بحق اسمك الاعظم
بالخير تعديها
يارب رجع لنا بلدنا
علشان نعيش فيها
يارب احفظ لنا قلين
م الفرقه تكفيها
يارب رجع لنا اولادنا
والعاصيه تهديها
يارب تحفظ سفينتنا
وتعود لمينتنا
وترجع مراسيها
وحسبى الله ونعم الوكيل
فى اللى عايز يقطع فيها
وربنا يوفق
اللى نفسه من قلبه بصدق يديها
1بلا فرقه بلا احزاب
من غير خلاف وفـُـــــــــرُوق
صَحـــــــــــــــــصَح وفــــــــوق
اخوانى او سلفى كلنا واحد
مُسلم مع مَسيحِى، كل واحد
وربنا واحد
وحلمنا واحد
وهدفنا كان واحد
نتفرقوا ليه
وقدامنا نتواحد
القسمه خسرانه
على اكتر من الواحد
لكنها عادله
لو كانت على الواحد
قادر ربنا الواحد
يجمعنا على الواحد
يجمعنا على الحب
ويمزق الجاحد
بلدنا ليهاعليـــنا حــــقوق
صَحـــــــــــــــــصَح وفــــــــوق
عقلنا فين يا جماعه
30 سنه عايشين مجاعه
وشفنا الذل كل ساعه
ليه التراخى واللكاعه
الدايره واسعه
اصواتنا لو متجمعتش
اصوات مضاعه
الفرقه ليه
واتحادنا فى الاستطاعه
قادرين نفوز
وعندنا مليون افاعه
عايزين واحد نتحد دايما عليه
وكنزنا يبقى القناعه
الفرصه حانت يا جماعه
فرصتنا جات
وانتهى زمن الاشاعه
فرصتنا جات
عايزين نبين البراعه
معدتش حجه
ولاعادت لنا شماعه
عايزين نتحد علشان نصلح
فى كل شىء
من صناعه او زراعه
عايزين نتحد
دا الفرقه خداعه
صوتنا امانه
اوعاك تفرط فيه
صوتك ماهوش سلعه ولا بضاعه
بلدنا بتنادى لبوا الندا
بلدنا تأمر وعلينا بس الطاعه
واجباتها علينا
زى مالينا الحقوق
صحصح وفوق
دا بلدنا بتقول
معدش ظلم تانى
معدش فينا انانى
معدش حد يعانى
كلنا واحد
حلمنا انسانى
عايزينى اتفرق
مستحيل انسانى
كلكم اولادى وزهور ف بستانى
واللى يفرق بينكم
انا هاكله بسنانى
اتوحدوا يا ولادى
ورجعوا فستانى
اتجمعوا يا ولادى وغنوا الحانى
صدر امكم حانى
لو امكم تاهت مش راجعه من تانى
ويجف الدم فى العروق
صَحــــــــــــــصح وفــــــــوقـــَ

_________________
عطيه خضرى عطيه
قلين / كفر الشيخ

الرجوع الى أعلى الصفحة اذهب الى الأسفل
 
يا اخواننا ارجعوا لحضن امك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نبتدى منين الـحكاية :: منتدى الشاعر عطيه الخضرى عطيه-
انتقل الى: