أنواع الأحلام

[b]أنواع الأحلام

حلمٌ يُنَال
وآخرٌ سراً يقال
وثالثٌ صعب المنال
ورابعٌ شبه محال
وخامسٌ يرجو الزوال
وسادسٌ أن لا يكون
لديك فى الدنيا عيال
وسابعٌ هو أن تعيش
بلا رفيق فى الجبال
وثامنٌ أن تملك العمر المديد
لتحمل الهمم الثقال
وتاسعٌ أن لا تكون
بمركز هم يدعون بأنه صنع المحال
وحول الكابوس فرحة محبط بلغ المنال
وعاشرٌ أن لا نعيش بغير ذكرك يا جمال
انسخ وقل حفظا ليوم قد يكون له مقالْ
**

على الكيبورد بكتب لك
ولا عارف لأمتى هعيش
أألف شعر وارمى كلام
لناس دراويش
لا لاقيين بيت ولا رغيف عيش
ولا حتى حداهم حلم يملاهم
وعاوزين كل يوم يمشى
ولابيمشيش
**
صباح الخير
صباح جايز يكون رحله مع التكدير
وشايل فوقه هم كبير
موش انت قلت" أنواع الدموع عشرة"
اقول لك أيه؟ لاهم عشره ولا عشرين
دول اكتر واسأل العارفين
ما قلتش دمعة البايت
على سكينة من صاحبه
ولا دمعة واحد ملقاش
سرير فى عنبر المجانين

وصاحبتنا
ماجستيرها كَتْ امبارح
وعشرين شهر تاخد دكتوراه وتهيص
زمن تخليص
لا حد بيقرا ولا يكتب
ولا حتى ف كلامه حريص
عليك باثنين
من الملاعين
يقولوا انك
مفيش منك
فريد عصرك
وتستاهل شهادة نوبل الكبرى
ويعطوا حضرتك ترخيص

كده الدنيا ف بلادنا دى
ولو ممعاكش إعدادى
وحتى ان كنت حدادى
هتبقى "بس بالتنصيص"
شهاده وهيص

وسوق الدنيا أدامك
وقول كل اللى يحلى لك
معاك ترخيص

عشان تفتى على المنبر
تلاقى كلامك الهايف بقى سكر
وناس عماله تستنظر
سيادتك تطلع المنبر
وتخطب خطبتك عصماء
وكاميرا هناك بتصور
سيادتك لو بتفتى رخيص

معاك رخصة
وحق الفتوى
بالتلبيص
بلد عايشه على التخليص
**
انا الوقتى مزاجى "طين":
ليلاتى حزين
على بلدى
اللى كانت شمعة للتايهين
على بلدى
اللى كانت قبلة للراكعين
على بلدى اللى هدوها
وفوق التل حَطُّوها
جسد ميت مفيهش انين
والف وادور على بلدى
أقول الحلوة راحت فين
أقول الصابرة راحت فين
أقول العزة راحت فين
وبسمتها مين اللى خطفها
ورماها مع المجانين

صباحك فل يا "أيمن"
بقول نسكت بقى أحسن
نعيش ذى الخلايق دى
ما هم عايشين
تشوف لك بردو سبوبه
عشان أكل العيال غالى
بلا مكه بلا حطين
لا هنعيد الزمن تانى
ولا هنعقل المجانين
ولا هنعالج المكسور
ولا بغداد ولا فلسطين
صباح الذل ع الغافلين
**
د. محمد عبد المطلب جاد
أستاذ سيكولوجيا الإبداع - جامعة طنطا
[/b]

فى حوار على الماسينجر مع " أيمن " أحد أبنائى بالدراسات العليا تخصص تكنولوجيا التعليم

كتبت هذا النص مبشرة وقد انقطع عن الكتابة ليترك لى المجال أكتب حتى تفرغ شحنتى الانفعالية

كان ذلك فى مارس 2009 وهو اليوم يستعد لمناقشة الماجستير

كان وقتها طالبا بالدبلوم الخاصة

اولا اهلا وسهلا ومرحبا بالاب الروحى للمنتدى
والله العظيم لك وحشه كبيره استاذناومعلمنا وشاعرنا ومفكرنا الجميل
اعتقد ان كل ماكتب يقولون عنه بلغه الصحافه والمجلات والصحف
خربشات المواطن نقد / وافكر تعجبه وافكارك لاتعجبه
وتعبيرا وسخريه وتقد هادف ونفد معبرونقد هدام
وكا اناء ينضح بمافيه
نورت سيدتى منتدانا الاحلى بتواجد حضرتك وسموك
لاحرمنا الله من اطلالتك النديه والمثمره

بارك الله فيك اخى الحبيب

تخجلنى دائما بما تضفيه على من اطراء

لك خالص حبى وتقديرى

ايه ده ياعم الدكتور
دابيرم صحى بجد اييه الروعة دى
النقد والتهكم والسخرية والمقلب الدرامى الاسلوب المميز لبيرم وانمت تفوقت ياسيدى
هات يا باشا ومتعنا الحاجات المستخبية انا عاوز التانيه اللى حضرتك قلتها يوم ما فطرتنى قرصه وكوباية شاى قدام البوفيه بتاع الراجل الفراش اللى كنت بتقعدنى قدامه ده فى اخر الكليه القصيده اياها حطها وانا المسئول

تامرنى يا صاحب الدار

على عينى يا حبة عينى

اجيبهالك هوا

ماتغيبش علينا تانى
كنت حاسس باليتم وانت غايب
محتاج نتقابل علشان ننفذ المنتدى الكورس اللى الثورة عطلته
تنمية مهارات العمل الاعلامى

أمد الله فى عمرك

على عينى

إن شاء الله

دكتور وشاعر
505050

يا بختك يا بلد
ياما قال فيكى الولد
على حلم راح وحلم لسه بيتولد

رائعون ومنتمونومخلصونورب الكعبه[b]

مشاء الله وصف تشريحى لكل ألا بيصل مع غالبية البشر فى مصر

** لكن سيدى لسه فيه ناس تدعوا لتفاؤل

** زى حضرتك ** وأسلوبك الساخر الأعتراضى على كل المساؤ فيه ناس بتعترض وتقول لالالالا

** ومثل شباب 25 يناير

تحياتى لك أستاذنا الشاعر الكبير لك ولأناملك التى تسطر كل ما بداخلك من أنتفضه ومشاعر

أنواع الأحلام 1822574568

جزاكم الله عنى الخير كله

وبارك بنعمته وفضله صحبتكم

وبارك لكم فى اعماركم وكل ما تمسه ايديكم

الحمد لله طلعت احلام مشروعة
تقبل مرورى

» بائع الأحلام
» كل عام وأنتى بخير يا دنيا الأحلام
» أنواع القلوب
» أنواع الإجهاض
» أنواع الأصدقاء