شوف يا مشير ربنا موجود وهو الحق
هتشهد بكره
بنستحلفك بالله تقول الحق
عشان كل مصرى يكون له حق
وراس كل حيه لازم تندق
شهادتك امانه
وبلدك امانه
لازم تصدق
انسان محترم
قلب حديد
متخفش من قول الحق
انسان ومؤمن ومخلص
ولاعمر قلبك لباطل رق
لا تظلمه
ولاتظلم خواتك
وعمرك متاخد شىء من حياتك
غير عملك وغير حسناتك
يا اما لاقدر الله سيئاتك
بنتمنى تفضل دايما نضيف
وتكون قوى فى الحق
شهادتك امانه
وبلدك امانه
وحياتنا اللى ماشيه بزق
ومصر خست خسعت
وتوبها وسع
اصبح عليها يتلق
من بعد 30 سنه
يمص فيها البق
تستحلفك تصدق
امك اتعرت
وتوبها خلاص انشق
عايزين نرجع حقوقها
من بعد طول النق
ونحاسب المفسد
وكل تعبان
نسد عليه الشق
قلب امك خلاص اهو طق
نستحلفك بالله
لازم تقول الحق
======
عايزين على ايدك
نشوف الربيع باسم
عايزين نشوف الامل فى كل وقت
مش بس ف مواسم
عايزين نجمع خواتنا
ونصالح اللى مخاصم
شهادتك امانه
اللى يكتمها
عند ربه مذنب واثم
انت رب البيت وقدوته
لابد تبقى حاسم
عشان نشيل الالم
30 سنه
على صدر كل مصرى جاسم
فرح قلوبنا بكلمه حق
يكتبها التاريخ
ويقول انته اللى راسم
شهادتك
يا ابيض يا اسود
معدش ينفع طلاسم
زهور بلادك عمرها متفتح
لو مكنش للزهور مياسم
شهادتك امانه
ارفع راس مصرنا بين العواصم
واللى يزور شهادته
ربنا هو المنتقم والقاصم
واللى يقول الحق ميخفش
ربنا هو الحافظ العاصم
الأربعاء 14 يوليو 2021 - 17:02 من طرف admin
موضوع: يا مشير شهادتك امانه 
