نبتدى منين الـحكاية
اهلا وسهلا بك ضيفا عزيزا على المنتدى ويشرفنا ان تقوم بالتسجيل لتساهم معنا فى بناء صرح ثقافى ينتفع به الجميع
عبد الفتاح غنيم
نبتدى منين الـحكاية
اهلا وسهلا بك ضيفا عزيزا على المنتدى ويشرفنا ان تقوم بالتسجيل لتساهم معنا فى بناء صرح ثقافى ينتفع به الجميع
عبد الفتاح غنيم
نبتدى منين الـحكاية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةالتسجيلدخول
المواضيع الأخيرة
» اخون زوجي مع حبيبي السابق... وأكاد انهار !!!
يلا ندردش شوية مع بعض I_icon_minitimeالأربعاء 14 يوليو 2021 - 17:02 من طرف admin

» مات النبى ومات الصَّحابه
يلا ندردش شوية مع بعض I_icon_minitimeالأربعاء 14 يوليو 2021 - 17:00 من طرف admin

» فضل الأطعمة التى يحتاجها الجسم بعد الانتهاء من ممارسة الرياضة،
يلا ندردش شوية مع بعض I_icon_minitimeالأحد 14 يونيو 2020 - 16:02 من طرف admin

» لازم نرجع ونستغفر لعل الرب يتقبِّل
يلا ندردش شوية مع بعض I_icon_minitimeالجمعة 28 يونيو 2019 - 8:53 من طرف مستر/عطيه الخضرى

» صباحك(127)
يلا ندردش شوية مع بعض I_icon_minitimeالخميس 28 مارس 2019 - 18:30 من طرف د. محمد عبد المطلب جاد

» صباحك(128)
يلا ندردش شوية مع بعض I_icon_minitimeالخميس 28 مارس 2019 - 18:28 من طرف د. محمد عبد المطلب جاد

» يا ايها العام اللى عَدَّه
يلا ندردش شوية مع بعض I_icon_minitimeالثلاثاء 2 يناير 2018 - 5:48 من طرف مستر/عطيه الخضرى

» خذينى إليكِ(7)
يلا ندردش شوية مع بعض I_icon_minitimeالإثنين 11 ديسمبر 2017 - 6:16 من طرف admin

» برج الحمـــــــــــــــــــــــــــــــــــل
يلا ندردش شوية مع بعض I_icon_minitimeالثلاثاء 28 فبراير 2017 - 0:22 من طرف admin

المواضيع الأكثر نشاطاً
أجمل ما قيل فى حب رسول الله
رجل فى غرفة نومى (حلقة الاربعاء26/10/2011)
برنامج (نبتدى منين الحكاية )
احترمه ولا احبه!!! واخونه!!!حلقة 7/76/2010
يوميات اتنين متزوجين
ام زوجى اغتصبت عذريتى حلقة الاربعاء 26/5/2010
زوجى صفر على عشرة فى اختبار الثقة (كيد النسا 1)الاربعاء 7/3/2012
حملت سفاحا واخاف ان يكون الابن شبيها لابيه الحقيقى (الحلقة القادمة )
قلبى يحترق لان امى تقتل حبى(حلقة الاربعاء 22/8/2012)
هل أكون له زوجة ثانيةلانه تستر على ويقول انه يحبنى ؟

 

 يلا ندردش شوية مع بعض

اذهب الى الأسفل 
4 مشترك
كاتب الموضوعرسالة
????
زائر




يلا ندردش شوية مع بعض Empty
مُساهمةموضوع: يلا ندردش شوية مع بعض   يلا ندردش شوية مع بعض I_icon_minitimeالأربعاء 10 أغسطس 2011 - 4:28


اخواني اعضاء المنتدي الكرام اخباركم اية يارب تكونو بخير ورمضان كريم عليكم كلكم وعلي استاذ الاعلامين في مصر
تعالو نتكلم شوية علي النجاح والفشل والاصرارهانقول ياترى انت لما فشلت فاكر ولا نسيت ياترى انت حاولت تانى ولما حاولت وفشلت حاولت تالت ورابع ولا قلت كدا حلو كفاية واتعرفت على الفشل وصاحبته وقلت اللى تعرفه احسن من اللى ماتعرفوش
طيب بلاش دا انت حلمك ايه اساسا هدفك ايه طيب ياترى هو هايحققلك السعادة هاتبقى مبسوط لما تحققه ؟
طيب لما هو كدا انت لسه قاعد ليه عاجبك وضعك الحالى انت شايف ان هدفك مايستحقش التعب .
ليه هو مش اللى بيبنى بيت لازم يتعب في سوق الاسمنت السودة ويروح ياخد قرض علشان يجيب اكل للعمال والبنايين ويروح يدور على واسطة علشان يجيب كام سيخ حديد من عند الباشمهندس ربنا ياخدة
اى نعم هو في الاخر الحكاية بتخسر وبيضطر يسيب البيت للعمال في مقابل اجرهم بس بيتعب صح بيتعب ولا لاء
لكن قمة المتعة انك تتعب في سبيل هدف شريف انت ناوى تحققه والسعادة مابتبقاش في تحقيق الهدف بس والوصول ليه دى القمة انما السعادة بتبقى مستمرة طول الطريق اللى موصل للهدف والمعنى دا هاتلاقوه في كتاب_ من حرك قطعة الجبنة بتاعتى_ لما احد ابطال القصة بيفكر انه يتحرك يدور على الجبنة على عكس صديقه اللى قعد يتحسر على الجبنة اللى خلصت لقى صاحبنا اللى بدأ يتحرك انه احس بالسعاةد اثناء بحثه خاصة انه كسر الخوف من التغيير .
وبالنسبة للاصرار كان بيقول دكتور ابراهيم الفقى عن والت ديزنى المشهور انه
تعدى في بحثه عن بنك يمول مشروعه الى 104 بنك وهناك اخرون بيقولوا 203 بنك فا لو الراجل دا كان ياس ماكانش عمل اللى وصله دا.
ابدأ انت كسلت ومليت وزهقت لا خلى املك في الله كبير مادام هدفك شريف ونزيه وجميل ليه تتنازل عنه وانا اخترت كلمة شريف لان ممكن يكون واحد ناوى يسرق محل الدهب ومايصدق يسمع كلامى ويقول فعلا لاتؤجل عمل اليوم الى الغد ولما يتمسك يقولهم انى انا اللى حمسته وهو ماكانش ناوى يسرقوا دلوقتى.
خليك مصر على هدفك شايفه قدامك بتفكر فيه بتكتبه ولو دورت هاتلاقى ان العالم الرائع دكتور زويل كان من صغره في معلق على باب غرفته كلمة دكتور احمد زويل وهو لسه صغير
عمرك ماهتلاقى حد ناجح الا وقد تسرب اليأس الى نفسه لكنه لم يهزمه بل تخطاه وابعده عنه اكيد هايجيلك شك في اى مرحلة وتقول انا هانجح ولا لاء انا قد النجاح انا استاهله .
طبعا بالشكل دا احنا مانتساهلش حاجة بس ربنا يكرم وان شاء الله لما نتوكل على ربنا صح اكيد هايتغير الحال وهانتوقف لفاصل بسيط هانشوف فيه رحلة واحد من اروع من اعطوا دروسا في الاصرار وفي المثابرة وفى التحدى ونتقابل بعد الفاصل.

"توماس اديسون مخترع المصباح الذى ضرب مثلا رائعا في كيفية الاصرار والمثابرة في كيفية التوجه الى الهدف وعدم الملل ولا اليأس.

هو مواليد 1847 في مدينة ميلانو بولاية اوهايو بالولايات المتحدة انا كاتبلكوا العنوان علشان اذا حد حب يشترى مصابيح ولا حاجةاديسون
طلع من المدرسة لان المدرس كان دايما بيوصفوا بالغباء فافصله المدير وقال ان دى مش مدرسة للمعاقين عقليا وطبعا لان امه كانت واثقة فيه راحت للمدرس واتخانقت معاه وقالتله بكل ثقه " لو انك كنت تملك نصف مداركه لكنت حسبت نفسك محظوظا" ادى الامهات ياجماعة مش ام تقولك كل شوية يافاشل ورحمة سيدك ماهتفلح وتذل فى الواحد.
وبدأ تعلمه امه لحد ماحب العلوم وللحالة الفقيرة للاسرة اشتغل بائع جرايد في القطارات زى يوسف شاهين كدا في فيلم باب الحديد
اديسون وهنرى فورد وواحد ماعرفوش

لكن بالرغم من دا عمل معمل ليه في عربية البضائع بتاعت القطر وبدأ يفكر لحد ماقامت الحرب الاهلية فافكر انه يشترى طابعة صغيرة في القطر يطبع فيها الورق مستعين بالاخبار اللى بتيجى للمحطات وفعلا حصل ووزع منها مايفوق 200 نسخة يوميا لكن حصل ان في احدى الايام اهتزت عربة القطار فاتكسر المعمل واطرد من السكة الحديد بعد ما ادوله الترييحة اللى هي.

ولكن بعد كدا اشتغل بالتلغراف وكان عمره 15 او 16 سنة ولان كان مشغول
بالاختراعات بتاعته فكان دا مسببله مشكلة لانه لازم يرد على التغرافات ويستقبلها فا قال اشغل مخى المطوا بتاعتنا لكن الفلوس مش بتعاتنا
طبعا هو ماعملش كدا هو اخترع جهاز اسمه المكرر الالى يرد بالنيابة عنه زى المسجل كدا ومش بس كدا دا علشان يكبر مخه من استقبال الاشارات اخترع جهاز يسجل الاشارات كتابتا وباعه بعد كدا بمبلغ 40.000 وقد كمان يخلى الخط الواحد يستقبل اكتر من رسالة في نفس الوقت بعد ماكانش بيستقبل الا رسالة واحد بس وبالفلوس دى عمل مصنع وبدا في رحلته اللى هانكملها المرة الجاية"
ايه اللى اتعلمناه من الرغى دا كلوا:
1- خلى هدفك قدام عينيك ماتحودش عنه ركز على تحقيقه ولو فشلت كرر المحاولة مرة تانى وتالت لحد ماتوصله بيقول تشرشل " ان الجهد المتواصل وليس الذكاء او القوة هو مفتاح اطلاق قدراتنا الكامنة
- بيقول برايان تريسى صاحب كتاب علم نفس النجاح ان هناك قانون اسمه التدريب وهو علشان تحل عادة ايجابية محل اخرى سلبية عليك ان تفكر فيها كثيرا حتى تصبح عادة لان الناجحين لا يفكرون في النجاح انها اصحبت عادة
ودا زى ماتكون متعود انك تمشى 2 كيلو وكل يوم بتزود عليها كام متر لحد ماتوصل انك ممكن تمشى كل شهر اكتر من اللى قبله وهكذا
3-الاصرار والتوكل هما اساس النجاح ولو بصيتوا لتوماس اديسون هاتلاقوا انه بالرغم من انه اطرد من المدرسة الا انه اطلع وقرا واشتغل في الجرايد وبالرغم من انه اطرد من السكة الحديد الا انه اشتغل بالتلغرافات وابتكر فيها ولسه هانشوف ياما وياما من اصرار اديسون العبقرى

4-خليك واثق انك تستاهل النجاح وليه لاء هما الناجحين يختلفوا عنك في ايه ولا هاتستنى لما تلاقى حلمك بيستمتع بيه واحد غيرك والبيت اللى كان نفسك فيه ساكن فيه واحد تانى.

5-هاتفشل ودا وضع طبيعى وكان اينشتين بيقول من لم يفشل لم يجرب شيئا في حياته لكن المهم بعد الفشل وكان فى واحد بيقول مش ان الناجح مش هو اللى مابيفشلش ولكن هو اللى يقدر يقوم تانى بعد الفشل
توقيع
فيلسوف الحياة
الرجوع الى أعلى الصفحة اذهب الى الأسفل
MahMoud ヅ

MahMoud ヅ


ذكر
عدد المساهمات : 4
نقاط : 6
تاريخ التسجيل : 03/08/2011

يلا ندردش شوية مع بعض Empty
مُساهمةموضوع: رد: يلا ندردش شوية مع بعض   يلا ندردش شوية مع بعض I_icon_minitimeالأربعاء 10 أغسطس 2011 - 8:08

النجاح ده حاجه جميلة جداا حتا لو الواحد حس انة نجح ف حاجه صغيره بالنسبة للناس حاجه ليست ذات قيمة ولكن بالنسبالك بتكون حاجه كبير .. بصراحة الواحد الفتره دى كل ما ينظره نظره للمستقبل بيحس ان قدامة طريق مظلم عشان يمشى فية لازم قبل ما يمشى يدور ع كشاف ينور بية الطريق
وللآسف ان معظم شبابنا مش لاقى الكشاف ده .. انا من الناس اللى لحد دلوقتى مش عارفة هية عايزه تنجح ف اية .. انا بشتغل وبتعلم واتمنى أنى أنجح ف حاجه انا لسة مش عرفها

الرجوع الى أعلى الصفحة اذهب الى الأسفل
????
زائر




يلا ندردش شوية مع بعض Empty
مُساهمةموضوع: رد: يلا ندردش شوية مع بعض   يلا ندردش شوية مع بعض I_icon_minitimeالأربعاء 10 أغسطس 2011 - 17:48

سيدي الجميل مرحبا بك في منتدانا الساحر عضوا جديدا ودما ستكون متألقا معنا
أولا في مملكتك الانسانية والذاتية التي يرئسها أنت لابد من وضع خارطة طريق
او بلاحرا وضع أهدف من نوعين أهداف قصيرة المدي واهداف بعيدة المدي
والاهداف ضعها في ورقة في جيبك الخاص بك ورتبها حسب أولويتها وأمسك الهدف الاول
وشوف أقصر الطرق الشرعية لتحقيقة شوف هو عشان سيتحقق محتاج اية عزيمة وأصرار مع شوية أمل وصبر مع قليل من التفائل مع ايمانك بالنجاح باذن اللة وعازك تفشل في تحقيق اول هدف لان كدة بتكون قريب من النجاح
انا عارف ان الانسان منا عندما يفشبل تتحطم جسور الامل بداخلة بس دة مع الانسان العادي لكن انتة مش عادي علشان عاوز تنجح وععشان لقيت البطارية بس مش لاقي الكشاف وعشان علق علي الموضوع دة يبق عاوز تنجح وعشان داخلك بذرة يبقي لازم ترويها علشان تكبر وتصل لعنان السماء
الرجوع الى أعلى الصفحة اذهب الى الأسفل
محمد فوزى البلقينى
المشرف العام لمنتدى عالم بلا حدود
المشرف العام لمنتدى عالم بلا حدود
محمد فوزى البلقينى


ذكر
عدد المساهمات : 17662
نقاط : 34130
تاريخ التسجيل : 03/10/2009
العمر : 70

يلا ندردش شوية مع بعض Empty
مُساهمةموضوع: رد: يلا ندردش شوية مع بعض   يلا ندردش شوية مع بعض I_icon_minitimeالأربعاء 10 أغسطس 2011 - 19:35



اكثر من رائع وده الشغل المضبوط ربنا مايحرمنا من حضرتك كل سنه وانت طيب ياراجل ياطيب
******************************************************************
وكأن سيدى الفيلسوف الجميل يقول الفشل بدايه النجاح
*****************************************************************
وسنحاول وسنحاول ويكفينا شرف المحاوله انا سعيد بيكم جميعا وسعيد بالمحاضر الجميل
****************************************************************
الجميل محمد عبد القادر وسعيد بالجميل محمود وبأسعد اكثر بكل من يجدد فى احلى منتدى ويطور[b]

_________________
المشرف العام لمنتدى عالم بلا حدود
الرجوع الى أعلى الصفحة اذهب الى الأسفل
????
زائر




يلا ندردش شوية مع بعض Empty
مُساهمةموضوع: رد: يلا ندردش شوية مع بعض   يلا ندردش شوية مع بعض I_icon_minitimeالخميس 11 أغسطس 2011 - 3:01

مشكور معلمي البلقيني علي ما خطت بة أناملك
الرجوع الى أعلى الصفحة اذهب الى الأسفل
النفس عابرة سبيل
مدير المنتــدى الاســلامى
مدير المنتــدى الاســلامى
النفس عابرة سبيل


انثى
عدد المساهمات : 2684
نقاط : 4123
تاريخ التسجيل : 01/08/2009
العمر : 32

يلا ندردش شوية مع بعض Empty
مُساهمةموضوع: رد: يلا ندردش شوية مع بعض   يلا ندردش شوية مع بعض I_icon_minitimeالخميس 11 أغسطس 2011 - 14:46

حوار رائع كالعادة طبعا
أعزكم الله
حلوة الدردشة... أعتقد كلنا محتاجينها
بداية من اللى نجح بالفعل مرورا باللى فى وسط الطريق ونهاية بألف باء خطوات التفكير فى النجاح أصلا
أنا عن نفسى
وأنا صغيرة قررت إنى دائما لازم أطلع الأولى
وأصريت وبالفعل كنت كدا
جئت فى مرحلة الثانوية العامة وكان حلم حياتى أن أكون طبيبة
وبالفعل كتبت على كل مذكراتى العامة والشخصية
الدكتورة.... وماجستير فى كذا
وظللت أحلم بها وكنت على يقين أنى أستحق حلم عمرى وكنت على يقين أكثر بالله
ولكن شاءت الأقدار وحدثت بعض الظروف وعاقتنى من تحقيق حلمى
ولكنى بفضل الله لأنى كنت على كامل الثقة بالله وأعلم جيدا أن الله يريد بعباده دائما الخير
ويسبب الأسباب فى هذا
لم أيأس ..واكتشفت أن إذا كان قدرى أن أكون طبيبة لأصبحت أفشل طبيبة فى الوجود لأنى إلى الآن لم أستطع رؤية الد ولا مسك الابرة .. باختصار مرهفة الحس الى حد لم يجعلنى اصبح طبيبة ناجحة
حمدت ربى أولا على اختياره لى وثانيا على انه كان لدى القدرة على الحلم
وعندما دخلت جامعتى التى أنا فيها الآن...أصررت وبشدة أن أحصل فى كل سنة على الأقل تقدير جيد جدا
وبفضل الله أستطيع تحقيق ما أصريت
بس دعوات حضراتكم معايا فى نتيجة السنة لأن هى اتأخرت جدا وأنا هاموت من رعبى ..ههه
اللى أنا عاوزة أقوله .. وباعتذر طبعا على اطالة... بس العنوان هو اللى شجعنى ..ياللا ندردش مع بعض...ههه
اللى انا عاوزة اقولة بقى اسمحلى استاذ فيلسوف الحياة إضافة لدردرشة حضرتك الأكثر من رائعة
إن بجد بجد الايمان بالله والثقة العمياء فيه واليقين الكامل بأن الله لا يضيع أجر من أحسن عملا وأن الله لايترك عبده إذا كان العبد مع الله
كن مع الله ..يكن كل شيئ معك
وكمان نتذكر أنه يجب علينا أن نكون أفضل ما يمكن أن نكون
لأننا وببساطة أفضل خلق الله
عذرا مرة تانية على الاطالة
شكرا جزيلا

_________________
يلا ندردش شوية مع بعض Hijab0
الرجوع الى أعلى الصفحة اذهب الى الأسفل
????
زائر




يلا ندردش شوية مع بعض Empty
مُساهمةموضوع: رد: يلا ندردش شوية مع بعض   يلا ندردش شوية مع بعض I_icon_minitimeالخميس 11 أغسطس 2011 - 18:45

مشكورة عابرة علي دردشتك الشيقة ومشكورة علي فضفتك الجميلة ذات الروح الندية
ويارب تكوني الاولي دائما في المقدمة في حياتك العملية والعلمية والحياتية والانسانية
واتمني من اللة ان يوفقك في تحقيق احلامك
واعدكم بدردشة يوميا باذن اللة
الرجوع الى أعلى الصفحة اذهب الى الأسفل
مستر/عطيه الخضرى
مشرف منتدى الشعر
مشرف منتدى الشعر
مستر/عطيه الخضرى


ذكر
عدد المساهمات : 951
نقاط : 1866
تاريخ التسجيل : 09/02/2011
العمر : 57
الموقع : http://attia-elkhodary.forumegypt.ne

يلا ندردش شوية مع بعض Empty
مُساهمةموضوع: رد: يلا ندردش شوية مع بعض   يلا ندردش شوية مع بعض I_icon_minitimeالجمعة 12 أغسطس 2011 - 9:36

الاصرار على النجاح

الفشل ينبغي أن يكون معلماً لنا وليس مقبرة لطموحاتنا، والفشل ما هو إلا حالة تأخير وليس هزيمة، إنه تحول مؤقت عن الوصول إلى الهدف وليس نهاية مميتة، وهو شيء يمكننا تجنبه فقط بأن نقول أو نفعل أو نكون شيئاً.
فالحياة عبارة عن سلسلة من التجارب والخبرات، بعضها جيد والآخر سيئ، وكل واحدة من هذه الخبرات تجعلك أكثر قوة على الرغم من أنه غالباً ما تغفل عن إدراك ذلك! فكما يقول المثل "الضربات التي لا تقصم الظهر تزيده قوه".
لذا تعلم بأن الإحباط والمعاناة الذين تتحملهما يساعدانك دائماً على التقدم للأمام متى اتعظت منهما، فهذا العالم الذي نعيش فيه ما هو في الحقيقة إلا فرصة لك لتطور شخصيتك، لذا ينبغي أن تبقى وسط أحداث الحياة ونشاطاتها، فالحياة عبارة عن فصل دراسي تتعرض فيه للاختبار ويتوقع منك أن تحقق تقدماً هاماً خلال فترة زمنية معقولة، وإن لم تستفد في فصل الحياة، فإنها ستعيد لك الدرس تلو الآخر حتى تتعلم وتنجح، وهذا يشبه إلى حدٍ كبير الفصول الدراسية فمتى ما رسب الشخص فإنه إما أن يعيد الفصل حتى ينجح أو ينسحب ويسقط!
فانظر عزيزي القارئ هل كنت تنظر لحالات الفشل
بأنها فشل كلي، أم كنت تنظر لها بأنها فشل
للمحاولة ذاتها والتي قد قمت بها؟ إذ أن هناك فرقاً كبيراً ما بين الاثنين، فإن كنت تعتقد بأنك شخصياً قد فشلت فهذا من شأنه أن يثنيك
عن عمل أو أداء محاولات أخرى؛ لأنك تكون بذلك قد قللت من شأنك، ومن قدراتك الشخصية، وغالباً ما يكون هذا نتيجة لقلة أو انعدام ثقتك بنفسك، أما إن كنت تعتقد أن محاولتك كانت فاشلة، فهذا من شأنه أن يجعلك تقوم بدراسة
سبب فشل محاولتك الأولى لتقوم بتجنب مسبباتها
وعلى أية حال لا يوجد هناك فشل حقيقي، فما ندعي بأنه فشل ما هو إلا خبرة قد اكتسبناها من واقع تجاربنا في الحياة، إذ أن الشخص الفاشل هو الذي لا يتعظ من تجاربه، ويعتبر أن
الأمر منتهياً من حيث فشله!!!
إخواني وأخواتي يا من تقرؤون هذه المقالة... هل تعتبرون محاولاتكم السابقة حالات تجارب وخبرات تكتسبونهامن خلال تعاملكم مع متقلبات الحياة؟ أم تنظرون لها بأنها حالات فشل لكم؟
أنتم أفضل من يجيب على هذه الأسئلة...
واتمنى أن تكون إجاباتكم بأنكم تعتبرون
محاولاتكم السابقة بأنها تجارب وخبرات تكتسبونها
لأنكم بذلك لن تتوقفوا من المضي قُدماً في تكرار محاولاتكم لتحقيق النجاح مع تغيير في الأسلوب المتبع حتى تصلوا لمبتغاكم.


_________________
عطيه خضرى عطيه
قلين / كفر الشيخ

الرجوع الى أعلى الصفحة اذهب الى الأسفل
 
يلا ندردش شوية مع بعض
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نبتدى منين الـحكاية :: موضوعات التنمية البشرية-
انتقل الى: