دلونى يا اهل الخبره يعنى ايه البلطجى
يمكن يكون قاطع طريق
يمكن حمار بس مش عارف
ازاى هيبدع فى النهيق
يمكن يكون مسطول
ومش قادر يفيق
يمكن يكون عضو حزب
او نبت كذب
فى حكومه نظيف قبل ما يدخل شفيق
يمكن نصاب او حرامى زيهم وبحق وحقيق
لانه بصراحه كل واحد منهم
ادنى من انه يكون عربجى
دلونى يا اهل الخير يعنى ايه البلطجى
يمكن عدوا ويعمل شقيق
يمكن معندهوش مشاعر
وعامل انه انسان رقيق
يمكن يكون انسان وهايف
بيعمل لنفسه صوره بالزعيق
يمكن يكون انسان وسافل
عن دينه غافل
وكل لحظه من ماضيه
الاسود بالدم حافل
يمكن يكون انسان لكن مخه قافل
انفاسه كلها زيف
زفير قبل الشهيق
انسان ضعيف بس عامل عصبجى
دلونى يا اهل الخبره يعنى ايه البلطجى
يمكن يكون وسخ وسمى نفسه نظيف
يمكن يكون مبارك لكنه مش شريف
يمكن يكون صفوت شريف
يمكن يكون ظابط ايقاع
بيعزف على طبله وواد حريف
او وزير طماع
نسى اصله اللى كان م الريف
يمكن يكون مستفز
يمكن بقه كان اسمه عز
يمكن يكون كان شيطان
وكان عامل ملاك اليف
يمكن يكون الرخبص اللى كان عامل
فى نفسه غالى
بمكن قبيح
ابكم لكنه واد فصيح
يمكن تشوفه مش مريح
يمكن يكون واد متيس
وكل الناس شايفاه كويس
دا طبعا عشان ابن ريس
واد كذاب مخادع
كان يعرف يميس
لكن صحيح كان زمبجى
دلونى يا اهل الخبره يعنى ايه العربجى
الأربعاء 14 يوليو 2021 - 17:02 من طرف admin
موضوع: دلونى يا اهل الخبره يعنى ايه البلطجى 
