الى روح الشهيد/ احمد بسيونى
الف رحمه ونور عليك
اااااااااااااااااااه يا احمد يا بسيونى
مكنتش عمرى اتصور
...لانسان عمره ما اتضايق ولا اتهور
لانسان تحس ابداعه لما بيصور
لانسان بيرتب ف ابداعه وبيطور
على كل منظر صادق كان يبحث وبيدور
كان زى شمس تزيل الضلمه وتنور
ولما الوضع يتطور
يموت لو حد يتعور
تشوفه تحس زكاوه ف عيونه
ملامحه سمره قلوبنا من لونه
تعامله مره تعشقه
تصدقه ولا يوم تخونه
سلاحه كاميرا بفلاشه
ف اخلاقه كان بيه وكان باشا
مكنش يعرف غلاسه
مكنش يعرف وحاشه
مكنش يعرف غير البشاشه
كان اسد عنيد ف الحق
كان برىء زى الفراشه
تلات ايام يروح ويرجع الى التحرير
وضى الثوره ف عنيه
شايل امله على صدره
وكاميرته ماسكه ف ايديه
ويوم الجمعه راح المسجد
لفرض الله بيقضيه
وجهز نفسه للرحله
وابنه ادم فارد ذراعيه
ماسك بساقيه
خدنى معاك يابابا يرد عليه
ادم انا رايح عشان خاطرك عشان جيلك
عشان الخير ف كل الدنيا هيجيلك
انا رايح اجيب النور عشان ليلك
عشان ياادهم تاخد حقك --تقول الحق وتغنى مواويلك
اوعاك مره عن الحق تكون ساكت --تعصى ربنا ياويلك
ايام وتكبر ف حريه وكل الدنيا لكل الحب تهديلك
تاكل من زرعنا ف ارضك وتشرب صدق من نيلك
يا ادم ايوه دا نيلك ---انا سايبك وبدعيلك
تعالى ف حضنى يا سلمى
هجيب لك قمره للضلمه
واخلى د نيتك حالمه
تعيشى غانمه و سالمه
ولا تكونى ف يوم ظالمه
يا ابو ادم خليك جنبنا شويه
خلاص يا حبيبتى انا مسافر--اجيب الحلم بايديه
خلى بالك من ادم ومن سلمى --ايام صعبه باذن الله معديه
خليكى عارفه يا غاليه --حلمنا لو مات مالوش ديه
انا رايح اجيب الحلم لاولادى --وكفنى على ايديه
عشان مصرنا تعلى اقدم روحى لها هديه
طالع احمد لمشواره صادق النيه
سلامه يا به
حتوحشنى وهشتاق لك قوى يا امه
تعالوا ف حضنى اخد منكم ضمه
حبكم يقوينى
عشان اقدر اصور الغمه
وصيتكوا مراتى واولادى
حلمنا يا امه كبير ومش عادى
سلام يا به سلام يا امه
ادعوا اجيب الحلم لاولادى
انا مسافر معى ربى
ايمانى بربنا زادى
جايلك يا مصر احقق حلمك النادى
وبدعى ربنا دايما ميرحش الجهد ع الفاضى
وبدعى ربنا دايما يعوضنا عن الماضى
مليون سلامه احبابى انا ماضى
وصل احمد ميدان الامل
جهز الكاميرا وبدا ف العمل
وجهز نفسه لكل شىء كان محتمل
مجروحه يا بلدى وجرحك مسيره يندمل
لما وصل وكان اقرب
وقف مذهول ومستغرب
معقوله الشرطه تقاتلنا
تكون عدونا وقاتلنا
نقول الحق تقتلنا
ترمى علينا قنابلنا
وتشيل الضى من ليلنا
شىء لايمكن يتوصف
مظلوم مش قادر يتنصف
مظلوم ينقتل ويتنسف
مش قادر اكتب
بصراحه قلمى انكسف
قلمى اللى كان تمللى ينقصف
بالفعل شىء مخجل وللاسف
خليكى شاهده يا بلدى --على كل خسيس واطى
خليكى شاهده
ولادك بيحاربوا اولادك برصاصهم المطاطى
لكن سلاحى انا كاميرا وعمرى يا امه ما طاطى
ياخد روحنا ربنا الامر له ويدينا سبحانه ربنا العاطى
مفيش مناص
لازم نحررك باخلاص
وامسك كاميرته يصور موقع القناص
حبيبى يا احمد يعجله القناص
بوابل من رصاص
وقع العزيز وسط الميدان وهو بيدعى يارب الخلاص
سلامه يا اعز الناس
الكلام مستمر ومش قادر ابطل كتابه لكننى اثرت الوقوف حدادا على روحه الطاهره واكتفيت غاصبا على قلمى ان يتوقف.
الأربعاء 14 يوليو 2021 - 17:02 من طرف admin
موضوع: الى روح الشهيد/ احمد بسيونى 
