قالوا ايه رايك فى التعليم

قالوا ايه رايك فى التعليم
خليك معايه
فى البدايه
وقت الحصص دايما قصير
والمناهج لوغاريتمات تحير
ف كل الدنيا المدرس ف السحاب
لكن عندنا قدره صغير
داخل وناوى على دروسه الكتيره
معقوله طفل تاتا تاتا
لسه يا دوبك بيعرف كلام
واقوله اكتب واقوله اقرا
وهو مش عارف اصول
وكل من يفتى فى المناهج يكتب --يقول
ومفيش رقابه من اى مسئول
والجزاءات للاسف ع المخلصين
سيفها مسلول
ارحموا ولادنا يا عالم
احسن خلاص نجمهم يبدا يزول
ومستواهم فى النزول
يا جماعه طفل النهارده بكره يكبر
عجلوا له بالحلول
بلاش لوغاريتمات الكتب
وارجعوا للاصول
وزن--كتب--رسم
فهم--نجح---ابتسم
يا تطوروا بما يرضى الله الكتاب
يا ترجعوا لطريقه الكتاب
وترحموا ولادنا م العذاب
ارجعوا لله يا ناس
يرجع ضميركم اللى غاب
فين المعلم --فين المناهج --فين التعليم
فين الضمير يا خلق هوه فى الوضع الاليم
والله اوضاعنا اليمه
تعليم وصابه عاهه مستديمه
والله صدق مش شتيمه
وسائل تعليميه تافهه وقديمه
ومدرسين قدراتهم عقيمه

والله فعلا شىء يغيظ
لما المدرس يعتمد فى منهجه على ضرب تلميذ
وادارات تصرف تنافق
عشان زياره وزيرهم العزيز
واسره مشغوله ف مشاكل
على كل صنف وكل شاكل
والمدرس من كتافهم شارب وواكل
بحاول اقول عن التعليم
بس بصراحه انا واقع ف حيره
فى الابتدائى المناهج على الاولاد صعبه وعسيره
والوسائل مش وفيره
والضماير فى اجازه
ومفيش اداره مستنيره
والمدرس ناسى ربه
عشان كده ظروفه عسيره
علشان نصلح لازم لنا اوقات كثيره
لو رجعنا لربنا يمكن نكمل المسيره