الا رسول الله

[center]
الا رسول الله
يا كل خلق الله
ف الكون ومنتهاه
الا رسول الله الا رسول الله
قربوا منه عشان تعرفوه
اسالوا عنه كل من درسوه
قربوا من سنته
والقران افتحوه إقراؤه
افهموه راح تعرفوا قدر النبى
ازاى كان بسامح كل من ياذوه
اتولد يتيم بعد وفاه ابوه
وعمره ست سنين ماتت امه
وجده وعمه كفلوه
كان صبور
كان طهور
كان على دين الله غيور
كان متسامح- بشوش- مسرور
عمره ما اخطا
ولا يوم ابطا
عن اغاثه لهفان معذور
لما اختاره رب الكون بدا النور
فاحت من كل الكون انسام وعطور
نبتت كل صخور الدنيا زهور
كان من قوته يطعم اللى يشوفه
من انسان او حيوان او حتى طيور
كان متسامح
عمره ما رد العيبه بعيبه
ولا عمره اتعالى ولا كان مغرور
كان متواضع
مش متكبر
كات اخلاقه سطور من نور
كان متسامح مع اللى اذوه
واللى رموه بالالفاظ والاوصاف
عمره ما كل ف يوم ولا خاف
ولاعمره اتعامل غير بالانصاف
كان اصل الحب ونبع الحكمه
منهاج اخلاق كامل الاوصاف
عمره ما صدق يوم كاهن ولا عراف
عمره ما شجع يوم اطراف
عمره ما قال
ان الدين هيكون احلاف
عمره ما كان هماز ولا حلاف
عمره ما عاب ولا كان سافر
عمره ما سب ف يوم ولا كافر
ولا كان من اهل الاديان نافر
كان زى النبع الصافى الوافر
رغم عذابه كان دايما غافر
علشان دينه كان بيعافر
عمره ما اذى حتى دواب الارض
وذوات الاظافر
عمره بدينه ما كان بيتاجر
لجل اذيه كفار مكه سابهم هاجر
عابوا بكل صنوف العيبه
وصنعوا حناجر
وغرسوا ف اتباعه سيوف وخناجر
قالوا دا ساحر
وقالوا دا فاجر
رد عليهم قال مسامحكم
علشان ربى هو الاجر

كانت نفسه كريمه ابيه
كانت روحه طاهره ذكيه
كان نبع الحب والحنيه
رغم اللى الكفار عملوه
من افعال شيطانيه
يوم الفتح قال مسامحكم
انتوا الطلقاء ليكوا الحريه
شوفوا الاخلاق النبويه
العيب من اهل العيب
ميبقاش عيب
دول ناس من اهل جهنم
الشيطان ساكن فيهم وقريب
لكن احنا امه اسلام
ما يطلعش منا العيب
احنا امه محمد اعز حبيب
امه شفيع يوم الحساب
امه الاخلاق والتهذيب
مطلوب منا
نقرب م القران والسنه
نفهم دينا
ونراقب الله ف كل امورنا
علشان دينا نقدر نحميه
ونعرف كل العالم بيه
يوم ما تزيد العيبه
اعرف ان النصر حقيقى وجى
اعرف ان نبينا الحق
ان ما لوش ف العالم زى
مهما تكون العتمه شديده
هييجى الضى
خلى ف بيتك لو حتى كتاب
عن سيره اعز الاحباب
اتكلم مع اولادك اطفال وشباب
حب نبينا امانه
هنتحاسب عليها ف يوم الحساب
بحب نبينا
ف يوم الحشر هتهون الصعاب
وف يوم الشفاعه
راح يعرفوا قدر النبى

[/center]

جزاكم الله خيرا
تسلم الأيادى يارب