لملمى نفسك يا امى

لملمى نفسك
لملمى نفسك يا امى واسترى العوره
وارفعى راسك يا غاليه ولادك اشعلوا الثوره
قومى يا امه بحلف بميه نيلك الصافى
لتقومى من جديد سانده على اكتافى
لملمى جروحك يا امى
واسالى ربك الشافى
تلتئم كل الجروح واصمدى ولا تخافى
الظلم يا امه خلاص صبح كافى
هقوم يا امه من تانى
لو حتى مش لاقى الهدوم او ماشى حافى
على عيونك يا امى مليون عوافى
نادرين على ازرعك وردى وصفصافى
وغضبى يا امه فى وش الفساد
مش هيكون تانى كلام او مناوره
لملمى نفسك يا امى واستر العوره
ارفعى راسك ياغاليه ولادك يا امه اشعلوا الثوره
بحلف بعمرك يا امى يا ساكنه قلبى وعيونى
بحلف برحمه عمرو واسلام وكريم وبسيونى
بحلف برحمه سمير ومبروك وكل من احيونى
بحلف بعمرك ياغاليه لازيل الفساد
واحاسب كل من سرقونى
بحلف بعمرك يا امى تانى متهونى
معدش ينفع خداع ولا مناوره
لملمى نفسك يا امى واسترى العوره
ارفعى راسك ياغاليه ولادك اشعلو الثوره
يارب يا من تذل ومن تعز
فوضت الامر ليك فى عصابه عز
اللى سرقوا الحياه من بلد المعز
اللى حطونا بشماته فى كل وضع مستفز
المشنقه مستنياهم والمقصله علشان تجز
فرحان قوى ارقص --وهز
اللى اكلتوا بط بط
هيطلع من عيونكم وز وز
والله يا جماعه الحياه من غير كرامه عمرها متلذ
مصر
يا فيس
يا من على يديك انطلقت شراره حريتى
ايرضيك يا فيس ما يفعل بى ذريتى
انا مصر العزيزه يا فيس لم تنحنى يوما هامتى
ايرضيك يا فيس ان يكبحوا جماح ثورتى
انا اليوم يا فيس كليمه وتنخنق سعادتى
اولادى يقطعون اوصالى
ولا يطاوعنى قلبى ان ادعوا عليهم دعوتى
هنت عليهم يا فيس فاحرقوا فرحتى
كنت السجينه يا فيس لا افارق دمعتى
كسروا قيودى حتى علت عزتى
جائت على يدهم فى النور بدايتى
لكنهم يحرقون الحلم الذى لم يفارق يوما ليلتى
يارب فرج كربتى واجمع شتات احبتى
لاتجعل اللهم على ايدى اولادى نهايتى
يارب اشهدك انى سامحتهم
فاغفر لهم يارب عظيم الذله
فانت الغفور القريب مجيب الدعوه
وابعد اللهم عنهم شياطين الانس والجنه
واحفظهم بحفظك واسترهم بسترك
وقوهم على ماهم فيه يا صاحب القوه
واجمع اللهم شتاتى حتى اقوم من عثرتى
يااااااااااااااااه كان هم وراح
والكلاب بطلت اكل ونواح
وعمرك يا مصر ما تحملى تانى بسفاح
ولا يحكمك لئيم سفاح
اهراماتك يا مصر اتكلمت
وفرعونك ولى وراح
وابو الهول اللى كان مكتوم ف بطنه
فى ميدان التحرير بيرقص ف البراح
اضحكى يا مصر ليلك اترفع عنه الوشاح
اضحكى يامصر شعبك استراح
اعذرينى غصب عنى لا انا شاعر ولا مداح
عطيه الخضرى عطيه 0180334314