لو ربنا بيحبنى

لو ربنا بيحبنى

لو ربنا بيحبنى
أدْخُلْ فى عقلك واشْغِلُهْ
يفضل فاكرنى كل يوم
اللى بقولُه واعْمِلُه
وابقى معاه فى كل ثانيه
يقول كلامى ويِعْقِلُه
يفضل يكلمنى فى نفسه
وكل مقطع يِرْسِلُه
وانا جوه نفسى احكى معاه
وكل معنى استرسِلُه
وندوق سوا طعم الحنان
يحضن عذابنا ويِغْسِلُه
وننام ونصحى مشغولين
بجرح بعض ونِقْفِلُه
وأضم قلبك كل يوم
ساعة شقايا واسألُه:
هل ياترى هييجى يوم
قلبى اللى ليك هَتْبَدِّلُه؟
هتغيب وتنسى وحدتى
بعدك وقلبى هتقتله ؟
وارجع سجين فى الميتين
واحسب لعمرى واعِدْ لُهْ؟
هل يا ترى القلب اللى توِّجْ
يوم أمير هَيِعْزِلُهْ ؟
هل يا ترى القلب اللى شال
منى العذاب هَيْطَوِّلُهْ؟
هل يا ترى ، إللى بدا
مشوار عطاء هَيْكَمِّلُهْ ؟
محتار يا نور عينى وكل
ما ييجى وَهْم بَأَجِّلُه
والخوف مالينى ف كل لحظة
ساكن فى عقلى مْبَرْجِلُه
وان مَرْ طيف بُعْدِك عليه
بيطيش بِوَعْيُه ويِهْبِلُه
**
لو ربنا بيحبنى
أسكُنْ فى عقلك واشْغِلُه
يِفْضَلْ يِفَكَّرْ فِيِّه زَىِّ
ما كُلِّ ثانيه با حِنْ لُهْ
ويعيش معانى غَزَلْتَهَا
من نُور حنانُه بِمَغْزِلُه
وكل ما يفرغ شريط
يِرَجَّعُه من أِوَّلُه
وكل شىء فِيَّا غلط
يلقى لُه حَلْ وِيِعْدِلُه
يِقْعُدْ ويِنْسِجْ ثوب نعيم
وكل مرَّه يِغْسِلُه
ويعيد حلاوته لأصْلَهَا
وبْنُور بهاؤه يِجَمِّلُه
ويمد عمرى ألف عام
وانا بين إيديه وحياتى لُه
با حْلَمْ بعُمْر ما ينتهيش
اغرف حنينى وحُبِّى لُه
هل يا ترى حلم اليتيم
ممكن فى يوم هَيْحَصَّلُه ؟
**
لو ربنا بيحبنى
يِخَلِّى قلبِكْ نور معايا
املاه حنينى واحْضُنُه
وهوه ده آخر مُنَايَا
واعيش فى عَطْفُه ورَحْمِتُه
وانُول على إيده هَنَايَا
واصُبِّ فيه حِرْمَان سنين
واحكى لُه عن غُلْبِى وشقايا
يِمِسِّنِى بروح عَطْفُه والقَى
فيه دوايا وفيه شفايا
يداوى جرح العمر إللى
هَدِّنِى وحطِّم قُوَايَا
والقى فيه عمرى اللى ضاع
واكتب على إيده النهايه
واغسِلْ الماضى الأليم
فى بحر عَطْفِكْ يا دَوَايَا
معقول يكون بيحبنى
ويبقى دَهْ آخر الروايه؟
ما هُوَّه لو بيحبنى
كان م البدايه .
**
أَدْ أيْه خايف يا عمرى
إنْ فَرْحِةْ عمرى تِجْرِى
وانْ يِخْلَصْ مِنِّى بدرى
حِلْم أفراحِ النهايه
**
أَدْ ايْه خايف يا عمرى
انِّى افوق م الحِلْمِ بدرى
والقى نَفْسِى كُنْتِ باجْرِى
للْعَدَمْ عَنْدِ النهاية
**
أَدْ ايْه خايف ياعمرى
الليالى الحِلْوَه تِجْرِى
والنهاية تْجِيْنِى بدرى
فيها سِجْنِ ملوش نهايه
**
أَدْ ايْه خايف ياعمرى
النَّعِيمِ اللى بِيِسْرِى
جُوَّه رُوحِى يْسِيبْنِى بدرى
واتْرِمِى ف حُفْرِة شَقَايَا
**
أَدْ أيْه خايف حَقِيقِى
الحلاوه اللى فى رِيْقِى
تنتهى ويِرْجَعْ طَرِيقِى
زَىِّ ما كَانْ فى البِدَايَه
**
طَمِّنِينِى وقولى إنِّى
مستحيل هَتْضِيْعِى مِنِّى
هَدِّى خوفى اللى مآلمنى
واكْتِبِى إنْتِى النهايه
**
كُنْتْ فى الماضى بَذَاكِر
فى السَّوَادِ اللى وَرَايَا
واللى دلوقتى مْحَاصِرْنِى
خوفى ما تِبْقِيشْ معايا
طَمِّنِينِى وقُولِى هَفْضَلْ للنهايه
**
د. محمد عبد المطلب جاد
أستاذ سيكولوجيا الإبداع – جامعة طنطا

أبى العزيز
أكيد ربنا بيحب حضرتك
وأكيد أى حد بيعرف حضرتك بيحبك
وأكيد أى حد يعرف حضرتك لازم يفضل للنهاية يحبك
لو ربنا بيحبنى 573-Roses

رائع يادكتور محمد
ونصيحتى عش حياتك كما لو كانت معك
ولكنه ياسيدى احساس قاسى عندما تحلم بحبيب القلب ثم تقتح عينيك ولا تجده بجوارك
احساس مؤلم
احساس قاسي,,,
أن تشتاق اليهم بجنون,,
وتحن الى وجودهم ووجوههم
وأصواتهم بالجنون ذاته
وتزور أطلالهم في الخفاء
وتتمنى أن يعود الزمان ليلة واحدة
كي تتذوق طعم الفرح في حضورهم
لكنك تتراجع كالملسوع بعقارب الحنين
حين تتذكر أن الزمان لن يعود ابدا,,,

احساس مؤلم

عبد الفتاح غنيم كتب:: رائع يادكتور محمد
ونصيحتى عش حياتك كما لو كانت معك
ولكنه ياسيدى احساس قاسى عندما تحلم بحبيب القلب ثم تقتح عينيك ولا تجده بجوارك
احساس مؤلم
احساس قاسي,,,
أن تشتاق اليهم بجنون,,
وتحن الى وجودهم ووجوههم
وأصواتهم بالجنون ذاته
وتزور أطلالهم في الخفاء
وتتمنى أن يعود الزمان ليلة واحدة
كي تتذوق طعم الفرح في حضورهم
لكنك تتراجع كالملسوع بعقارب الحنين
حين تتذكر أن الزمان لن يعود ابدا,,,

احساس مؤلم

**
الله عليك
الله عليك يا نافذ البصيرة
لا أوجع الله لك قلبا

النفس عابرة سبيل كتب:: أبى العزيز
أكيد ربنا بيحب حضرتك
وأكيد أى حد بيعرف حضرتك بيحبك
وأكيد أى حد يعرف حضرتك لازم يفضل للنهاية يحبك

**
لا حرمنى الله منك يا قرة عين أبيك
دمت بخير أبدا يا ابنتى .
عطر الله لسانك يا عابرة القلوب

» ربنا موجود
» ربنا يقويكى يا امه
» دا ربنا واحد
» دا ربنا واحد
» ارحمونا يرحمكم ربنا