كل عيد (2)

كل عيد (2)
كل عيد وانتى حبيبة قلبى أكتر
كل عيد وانتى عبير عمرى يا سكر
كل عيد وانتى فى قلبى ونن عينى
وف حبيبة عمرى ليل ونهار افكر
**
كل عيد وانتى الأمل أدام عينيا
كل عيد وانتى الحنان حاضن عليا
كل عيد وانتى يا نور عينى اللى ليا
قلب ضاممنى وعايش حبه فيا
**
كل عيد وانتى مدد روحى يا أمى
كل عيد وانتى أمانى وشايله همى
كل عيد وانتى نغم سارى فى دمى
وافضل آجى وانام على حجرك يا امى
**
كل عيد وانتى أحن الناس عليا
كل عيد وانتى فى كربى بتدعى ليا
كل عيد وانتى غلاوة تزيد شويه
يا دوا روحى وشفايا م اللى بيا
**
كل عيد وانتى الحنان يمسح دموعى
كل عيد وانتى فى قلبى وبين ضلوعى
وانتى سترى كل ما يحاصرنى جوعى
وانتى رفة راسى فى لحظة خضوعى
**
كل عيد وانتى أحن وارق قلب
كل عيد وانتى الدعا اللى يجيبه رب
كل عيد وانتى عطا وحنان وحب
وانتى الدفا يا أعز ما ربى وهب
**
كل عيد وانتى فى عينى وبين جفونى
كل عيد وانتى حياتى ونور عيونى
كل عيد وانتى عيونك يحضنونى
كل عيد وانتى فى تجوالى وسكونى
**
كل عيد وانتى فى بحر الكون سفينتى
كل عيد وانتى المناره أين ما كونتى
جوا قلبى وبين ضلوع صدرى سكنتى
ياااااه يا أمى ازاى حنييييينى لو عرفتى
**
كل عيد وانتى أمل ما لوش حدود
وانتى ماليا يا منى عينى الوجود
وانتى حبى للأبد وانتى الخلود
وانتى تاج راسى اللى أعطاه الودود
**
د. محمد عبد المطلب جاد
أستاذ سيكولوجيا الإبداع – جامعة طنطا

الله
لا حرمنا الله من صدق نبضك الدافى يا أبى
بجد
أنا مش عارفة ألاقى كلام يعبر عن ما أكنه بداخلى
ولكن لا يسعنى إلا أن أقول
ربنا يخليك لينا ولا يحرمنا من حضرتك أبدا
وربنا يعزك ويبارك فيك ويكرمك بكل خير
كل عيد (2) 1241992553

كل عيد وحضرتك بخير وسلامة
ماشاء الله
مشاعر فياضة ، وعاطفة جياشة ، وحب بلاحدود
بارك الله فيك ياأبت وفى قلبك الرقيق المحب الصادق
اسمح لى أن اسجل فائق إعجابى ، وخالص احترامى لقلمك الراقى

ابنتك
منتهى أملى

كل عيد (2) 2804.imgcache

[center]كل عيد وانتى أمل ما لوش حدود
وانتى ماليا يا منى عينى الوجود
وانتى حبى للأبد وانتى الخلود
وانتى تاج راسى اللى أعطاه الودود
****************

تهنئه جميله للدكتور الجميل بالعيد السعيد
سؤال ياسيدى
ايهما افضل ان يكون الامل غايه وهدف ام انه يكون بلا حدود؟
الامل بلا حدود هو سراب ودرب من الخيال
ولكن الامل الذى له حدود ومعالم هو هدف واقعى نسعى اليه والوصول اليه هو نهاية الرحلة
واجمل من الوصول الى الهدف هو رحلة السعى للوصول الى الهدف
لانها غالبا ماتكون صعبة ومحفوفة بالمخاطر والالام والافضل الاستمتع بالالم فى رحلة الوصول للامل
الفرق كبير مع ان الحروف هى نفس الحروف
ولكن الامل اجمل وزمان كوكب الشرق غنت وقالت
الامل لولاه عليه
مجرد مداعبة شكرا على هذا الابداع[/center]

شكرا ياسيدى وتقبل مرورى

أيه الجمال ده كله

ربنا ما يحرمنا من لمتنا

ربنا ما يفرق صحبتنا

قرة عين بابا ( النفس عابرة )
لا حرمنى الله منك يا ابنتى ، كلماتك تنزل على قلبى ندى

قرة عين بابا ( منتهى أملى )
دمت لأبيك فرحة عمر ، كلماتك ندية كروحك

أخى وحبيبى وسيدى وصاحب الفضل على ( أ. عبد الفتاح ) المعلم والرائد والأستاذ القدير لمدرسة تتلمذت من الإعلاميين ، حيرتنى يا رجل بين المحدود واللا محدود ، أنا أرى أنك لى غير محدود ، وليتنى أعرف لحبك لى حدود ، المحدود ينتهى ومجرد تصور الانتهاء فناء ، فكيف إن كان أملا ، أليس متجددا ، وهل للتجدد نهاية ؟

أخى الحبيب محمد عمار شرفت بمرورك الجميل ، دمت سعيدا .