كل عيد 1

كل عيد
كل عيد وانتى قمر ما يختفيش
واقدر آجى أوشوشه ولا اختشيش
يا قمر لو سيبتنى ما اقدرش اعيش
**
كل عيد وانتى أميره
مالكه أرواح الجزيره
ما تناميش إلا ان جاوبتى
نفس عايشه فى بحر حيره
**
كل عيد وانتى فراشه
طايره من ورده لورده
ما تشيليش هم اللى جايبه
بكره ولا هم اللى عَدَّا
ما تناميش حاضنه ورودك
غير قلوب الناس ما تِهْدَى
**
كل عيد وانتى جناح مفرود علينا
كل عيد وانتى الأمان اللى مالينا
ما تسيبيش ولا قلب مشغول
دمعته بايته حزينه
**
كل عيد وانتى أمل مالى القلوب
كل عيد وانتى حنان يشفى الكروب
كل عيد وانتى مسامحه فى اللى عَدَّا
أَىِّ ذلات أو خطايا أو ذنوب
**
كل عيد وانتى يا أمى حضن دافى
حضن رحمه، حضن عطف بلمس شافى
حضن احط فى بحره همى
واللى شايله فوق كتافى
**
كل عيد وانتى يا أمى عايشه جنبى
كل عيد وانتى الهنا اللى يخش قلبى
كل عيد وانتى بحنان متحملانى
لما ترسى مركبى ع المستخبى
**
كل عيد وانتى يا أمى ساتره دارى
كل عيد وانتى النسيم ساعة العصارى
كل عيد وانتى الشفا ساعة رقادى
باللى طافى شمعتى ولا حد دارى
**
كل عيد وانتى سفينتى كل ما اغرق
كل عيد وانتى الفرج فى لحظة تِخْنُقْ
كل عيد ودعاكى تفريجه لهمومى
لما حبل الظلم يتحكم ويِشْنُقْ
**
كل عيد وانتى معايا وساكنه عينى
كل ثانيه فى عينى اشوفك وتشوفينى
أصحى من نومى على صورتك فى نِنِّى
وافضل اليوم اشتكى وانتى تواسينى
**
كل عيد وانتى اللى عايشه روحى ليكى
كل عيد وانا عينى من النسمة تراعيكى
كل عيد وانتى مناره فى ليل شقايا
كل ما هَمِّى يزيد أنده عليكى
**
كل عيد وانا ليَّه أم تخاف عليَّه
كل عيد وانا ليَّه قلب يحس بيَّه
كل عيد وانا ليَّه فى الدنيا أمل
ليَّه نور فى الدنيا بتشوف بيه عنيه
**
كل عيد وانتى قمر ما يختفيش
كل عيد وانتى صباح ما يعدينيش
كل عيد وانتى نسيم يلمس خدودى
كل يوم فى حرقتى ولا ينسانيش
كل عيد وانتى الهوا اللى يخش صدرى
اللى اقوم له كل يوم الصبح بدرى
**
كل عيد وانتى الحنان
يدق على باب اليتيم
كل عيد وانتى العطا
والعطف والقلب الرحيم
كل عيد وانتى الأمل
بيوم شفا لجرحى الأليم
كل عيد وانتى المنى
والرحمة من فيض الكريم
**
كل عيد وانتى الشفا وانتى الدفا
وانتى الصفا وانتى الوفا
لأمانى عايشه مكتفه
لدموع حبيسه من الخجل مِتْعَفِّفَه
**
كل عيد وانتى فى ساعة الضيق فرج
وانتى أمل مالى السجين اللى خرج
اللى على جناحك لشمس الكون عَرَجْ
وانتى السند اللى محى عنه الحرج
**
كل عيد وانتى الدفا وقت المطر
وانتى الأمان وانتى الحِمَى ساعة الخطر
وانتى القمر اللى فى ليل كربى ظهر
وانتى الحنان والزاد على طول السفر
**
كل عيد وانتى الدُّعا بيسمع له رب
وانتى الكرامة تنصف اللى ما لوهش ذنب
وانتى النجاه فى غرقتى برحمه وحب
وانتى اللى خرجتى اللى كان عايش فى جب
**
كل عيد وانتى قمر ما يختفيش
اشتكى له من عذابى ولا اختشيش
وان بِعِدْ عنى فى يوم ما اعرفش اعيش
هوه لو ساب دنيتى أنا ليه هعيش ؟!
**
د, محمد عبد المطلب جاد
أستاذ سيكولوجيا الإبداع المساعد – جامعة طنطا

لا استطيع ان اعلق بكلمات
سكن الصمت شفتاى عندما قرأت هذا الكلام
فلا استطيع الا ان ابعث اليك بوردة
ردا على كل هذة الرقة والمشاعر الدافئة

كل عيد 1 3

فالام تستحق كل هذا القول
فشكرا لك على ما ابدعت

nana222 كتب:: لا استطيع ان اعلق بكلمات
سكن الصمت شفتاى عندما قرأت هذا الكلام
فلا استطيع الا ان ابعث اليك بوردة
ردا على كل هذة الرقة والمشاعر الدافئة

فالام تستحق كل هذا القول
فشكرا لك على ما ابدعت

شكرا جزيلا يا ابنتى

الله .. الله.. الله
تبارك الله
مشاعر رقيقة كعبق الورد وكلمات رقراقة تلمس الاحاسيس وتجعل القلب ينبض بالدفء والحنان
ويحس بطيبة القلوب كطيبة قلب أبى الحبيب
لا حرمنا الله من جميل احساسك ورقة مشاعرك
كل عيد 1 463214014

الله
صدقت أختى نانا ... لانملك إلا الصمت أمام ينبوع الأحاسيس الرقيقة
المتدفق بين ثنايا حروفك ياأبت .
كل عيد وحضرتك بخير أبى الحبيب
أعاد الله عليك هذه الأيام بالخير والسعادة .

كل عيد 1 Eid

[/center]

وأبقاكما لى ومن حولى وبصحبتى زهرتى عمر بكما أتيه على الزمان

ترعاكما عين من أهداكما إلىَّ

كل عيد وانتى الحنان
يدق على باب اليتيم
كل عيد وانتى العطا
والعطف والقلب الرحيم
كل عيد وانتى الأمل
بيوم شفا لجرحى الأليم
كل عيد وانتى المنى
والرحمة من فيض الكريم
,والله عندك حق
الله يفتح عليك وجزاك الله خيرا وبرا للام

شرفت بمرورك سيدتى
لا حرمنى الله من مرورك العطر