د. محمد عبد المطلب جاد
عدد المساهمات : 473
نقاط : 702
تاريخ التسجيل : 02/07/2009
العمر : 71
الموقع : odabasham.net
 |  موضوع: لحظة هروب (6)  الثلاثاء 7 سبتمبر 2010 - 14:53 | |
|
لحظة هروب (6)
يا بحر خَدْنِى من لُقاك طول السفر
لكن ما غبت يا بحر ولا ليلة سهر
ويايا طيف فى المؤتمر
بيمر يحكى لى الخبر
يوصف لى موج قلبك هناك
يحكى لى عن ساعة صفاك
والميَّه هاديه بين أديك
لحظة رضاك
**
يا بحر انا نفسى تشيل دمعة عينيك
نفسى اقدر امسح دمعتك واشفى اللى بيك
نفسى أشوف الفرحة بترفرف عليك
ونفسى ابات وانا قلبى مطمن عليك
**
يا بحر فات اللى مضى
مين بس هيرد القضا
ما لناش سبيل غير الرضا
ونشوف جمال سحر الفضا
والدنيا نور مفروش عليك
**
يا بحر شيل كل الكدر
انسى العذاب وانسى السهر
قلبك يا نور عينى انفطر
سيب حبه لله والقدر
مين أصفى منك مين بنور الرحمه فيك؟
**
يا بحر سلم للكريم
وانسى بقى الجرح الأليم
مين فى الحياه عايش سليم ؟
ان كان جديد ولا قديم
المجروحين يا بحر حاسين اللى بيك
**
يا بحر اغيب وارجع ألاقى دمعتك ؟
يا بحر واجعنى الألم فى همستك
يا بحر مين عنده بهاك وروعتك
شوف بس سحرك شوف حلاوة صنعتك
واحمد يا سحر الدنيا مِنْ جَمَّعْهَا فيك
**
والله يا بحر الحنان سرك عجيب
ما ضقت مرة الا ولقيت عطفك مجيب
واما الدموع تحرق أنادى القاك قريب
يا قلب أم وقلب أخت وقلب بنت حنون حبيب
يا بلسمى الشافى ويا أطيب طبيب
**
يا بحر صوتك من بعيد كان بيواسينى
لما ندهت وقلت :فين يا نن عينى
أصحى على صوتك وانام وانت حاوينى
انت الدفا يا بحر فى بردى يوافينى
انت الحنان مهما ألف وادور مالينى
انت الهنا والفرحه والروح عايشه بيك
**
يا بحر كانت وحشتك بتزيد حنينى
وكنت باحلم بالرجوع وأهَنِّى عينى
أشوف شطوطك واملا روحى من الصفا
وافضل على موج الحنان اللى مراعينى
يا بحر مهما شرحت لك حبى وحنينى
العمر هيعدى وانا ما بين إديك
**
يا بحر سلم لى على القلب الحنون
بوس إيد جلال العطف واشكر لى العيون
اللى بكت يوم من عذابى فى سكون
وسمعها قلبى وشاف دموعها ع الجفون
وانا أيه اكون ، غير قلب فى ليل السجون
يا بحر ما عندى الا قلبى وروحى ليك
**
د. محمد عبد المطلب جاد
أستاذ سيكولوجيا الإبداع - جامعة طنطا
| |
|
محمد فوزى البلقينى
المشرف العام لمنتدى عالم بلا حدود
عدد المساهمات : 17662
نقاط : 34130
تاريخ التسجيل : 03/10/2009
العمر : 73
| | موضوع: رد: لحظة هروب (6) الثلاثاء 7 سبتمبر 2010 - 18:52 | |
| رائع كدأبنا وعهدنا بحضرتك
شكرا جزيلا لمن ناجى البحر وحاور وتواصل مع البحر
وبثه حبه ووهبه للبحر قلبه وروحه | |
|
د. محمد عبد المطلب جاد
عدد المساهمات : 473
نقاط : 702
تاريخ التسجيل : 02/07/2009
العمر : 71
الموقع : odabasham.net
| | موضوع: رد: لحظة هروب (6) الخميس 9 سبتمبر 2010 - 1:28 | |
| - محمد فوزى البلقينى كتب:
- رائع كدأبنا وعهدنا بحضرتك
شكرا جزيلا لمن ناجى البحر وحاور وتواصل مع البحر
وبثه حبه ووهبه للبحر قلبه وروحه
لا حرمنى الله فضلك سيدى
ومعذرة لتأخر ردى على سيادتكم بخصوص مملكة الشعر
ندخل مشروعنا الثانى الذى أتشرف بإدارته لجودة التعليم ، مشروع الاعتماد المؤسسى
وآخر موعد للتعاقد عليه مع الهيئة القومية لضمان الجودة منتصف نوفمبر ، وما أصعبها فترة الإعداد ووضع الخطط وحساب التمويل والنتائج التى تعاين ، وكما تعرف فإن أصعب ما يكون هو إدارتك للبشر خاصة إن كانوا عربيا ، وعلى وجه أخص إن كانوا نتاج ثقافة تأصلت فى المصريين على مدى أربعين عاما
منذ فقدنا البوصلة ، ثقافة الفهلوة ، واللى تكسب به العب به ، والعين ما تعلاش على الحاجب ، والميه ما تطلعش العالى ، وليس فى الإمكان أبدع مما كان ، ثقافة العجز المتعلم .Learned helplessness ، لقنونا العجز حتى آمنا بأنه " مفيش فايده " لكى يخلو لهم الملعب فى العاجزين الذين لا حول لهم ولا قوة .
الأمل فى الله كبيييييييييييييييييير . ورحلة الألف ميل تبدأ بخطوة .
عيدك سعيد وعمرك مديد .
دمت ترعاك عين الله
| |
|
