إديها نوم (2)

إديها نوم (2)

يا سيدى يا محترم يا اللى انت ساكن فى الهرم
واحنا هنا فى العطارين
انْتَ حداك حَبِّة عيال متشيطنين
راكبين طارات أحدث موديل
بيدوسوا فينا شمال يمين
وعيالنا فى المستشفيات
نايمين هناك متكسرين
وحياة عنيه امسك عيالك كلهم، وتوقل لهم :
احنا فداهم كلهم
دول بردو أسيادنا اللى جايين بعد بكره الطيبين
واحنا نفضى أرضهم
من أى كلب يعضهم
ولا حد ييجى فى رجلهم
وهنفرش الملعب لهم بالورد ونبات فرحانين
وبدال ما برج ف راسنا يضرب
هنلاقيلنا سكه أقرب
من صداع الراس ونهرب
للدفا ونديها نوم
إديها نوم
يا سيدى انْتَ وراك ** حبة شحوطه مسلحين
عواميد أساتذة بلطجة **تخليص فراوده مخلصين
ويا دوب إشاره يخلصوا
وأوام أوام يتملصوا
واللى هييجوا يقصصوا
هيقولوا ما لقيناش مَدِيْنْ
وهنطلع احنا الكدابين
وربما نكون غلطانين
وليه ما نبقاش طيببين
ونمشى ما نلخبط عجين
وبدال ما نبقى الخسرانين
نرجع ورا ونديها نوم
إديها نوم
**
يا سيدى انْتَ جميع ** الكون فى إيدك مروحه
داخل الحدود برا الحدود ** كل الطرق مِتْصَلَّحَه
بإشاره منك نتمسح
وبدم بارد نندبح
عندك فلوس تغوى النفوس
وتْلِمِّ أورطَه مْسَلَّحَه
واحنا كلاب ما لناش ثمن
وبكعب رجلك نتعجن
فى أى أرض ، بطول وعرض الكون فى ثانية نتمحى
تب ليه نكون ناقصين عقول؟
ونموت كده زى العجول؟
احنا ناخدها من قصيرها
لا انْتَ قُلْت ولا انا اقول
ونتلهى ونديها نوم
إديها نوم
**
يا سيدى انْتَ الأمير** والأرض ملكك والسما
واحنا الخَدَمْ احنا الغنم ** وعلينا بصمه مْعَلِّمه
احنا اتخلقنا لحضرتك
وكلنا من قسمتك
مولود فى بقك معلقه ** من الدهب مِتْسَلِّمه
جِدَّك عملها من زمان
انْتَ كده وكان اللى كان
والدنيا كانت من زمان على بعض ناس مِتْقَسِّمَه
تَبْ ليه نتنح فى القدر
ونعيش حياتنا فى كدر
ما ننكسف على دمنا
من حظنا ونديها نوم
إديها نوم
**
يا سيدى انْتَ وارثنا ** عن جدودك جربانين
إزاى نفكر نطلع السلم ونبقى مهندمين
همه البشر زى البقر!
واللا الدهب زى الحجر!
ايه اللى هيخلى التراب ** يبقى دهب وله رنين ؟!
أكيد عقولنا خرفت
وأكيد نفوسنا اتزيفت
واتشوهت واتحرفت
إزاى نفكر يبقى أهل ** الحكم زى المحكومين ؟
أحسن لنا ، ولعقلنا
نِلْبَدْ هِنَا ونديها نوم
إديها نوم
**
يا سيدى لَمِّ الأرانب ** والعقارب لعبتك
واحنا النوايب والمصايب عندنا كوم تحت كوم

يا سيدى إنْتَ تبيعنا وتشترينا بسطوتك
واحنا غلابه فى وسط غابه والهموم تولد هموم

يا سيدى إنْتَ بتشـــــــــــــرب ميتك بالطيارات
واحنا بنشرب سم هارى من المجارى كل يوم

يا سيدى كلبك بياكُلْ لَحْمِتُه مستورده
واحنا بناكل سَتْر بَسْ يدُوم تِغضطِّيه الهدوم

وعشان ما الم الدور واعيـــــــــش هديها نوم
إديها نوم
**
يا سيدى إنْتَ هناك نجم السما عند السحاب
واحنا هنا زى الديدان فى الأرض بِنْسِفِّ التراب
هوه التراب زى السما !،يادى الهبل إش جاب لجاب؟!
انتو اتخلقتوا للنعيم ، واحنا اتخلقنا للعذاب
ومعدنك غير معدنى
إنت حديد ما ينتنى
وانا صفيح لو مسنى حَبِّةْ هوا أبقى تراب
لا النسر كان زى الغراب ، ولا الكلاب زى الذئاب
دى مسألة عرق ونسب
واحنا ولاد جدو الجرب
وهوه ده أصل السبب
ليه نفترى !، ليه الغضب!
أفضل لنا ننسى العجب ، ونقوم بقى نديها نوم
إديها نوم
**
د. محمد عبد المطلب جاد
أستاذ سيكولوجيا الإبداع المساعد – جامعة طنطا

[center]

اديها نوم
ومنين ييجى النومِ

ِ[img][/img]

[quote="عبد الفتاح غنيم"][center]

اديها نوم
ومنين ييجى النومِ

كان الرد فى قصيدة أخرى
أدرجها حالا لسواد عيون حبيب قلبى

» إديها نوم (1)