قلت لك (2)

اللـــــــــــــــــه رووووووووو عه الله يادكتور

[quote="د. محمد عبد المطلب جاد"][font=Verdana][color=darkblue][size=18][center][b]قُلْتْ لَكْ ( 2 )

قُلْتْ لك ( إنى بسيطة
ما ليش فى مسألة اللوع )
لو كنت باعرف فى اللوع
ما عشت طول عمرى انخدع
وكل ما رجليه تجمد
وانصلب أرجع واقع
لا خدت مرة بالخوانه
وكل مره باتلدع
لا ليه فى شغل الدجل
ولا الحيل ولا البدع
ولا باعرف ازاى البشر
بيقبلوا لعب الخدع
ولا عارفه أيه يبقى الضمير
لو كنا بس هنتردع
من سيف رقيب واقف لنا
وعشانه أخطاء تنبلع ؟
ولا كُنت عمرى باحْترم
دجال شايف نفسه جدع
أنا عشت طول عمرى ف نعيم
وأخدت حقى من الدلع
مغموره فى حب وحنان
كان جوة بيتنا بينزرع
وف حضن أمى عرفت أيه
معنى الحنان، معنى الشبع
معنى الحنين والعطف
معنى الحب لما يترضع
معنى التراحم والوفاء
معنى الفرح معنى الوجع
وازاى فى لحظة دمعة أمى
قلبى منى بينخلع
**
أنا لِيَّا عِشْق مع المزارع والغيطان
أنا فِيَّا حُبْ الفلاحين وايام زمان
أنا قلبى بيرفرف على صوت الأدان
صوت الطيور جوايه ولا صوت الكمان
صورة الشجر ساعة العصارى مهرجان
والمَيَّه فى حضن القنايه خلَّقِت فيه الحنان
أنا موش من اولاد النهارده
أنا من الزمن اللى كان
**
النسمه فى ساعة العصارى
جنب وشى مروحه
صورة الولاد بيلعبوا
بين البيوت ساعة الضحى
فرن الخبير ، لون الرغيف
وطفله ماسكه المطرحه
والفلاحين فى المغربيه
بالأغانى مروحه
والحب ساكن فى القلوب
زى الصلا والمسبحه
والبنت على فطرتها عايقه
زى ورده مفتحه
والفجر يطلع تلقى قلب
الناس على لونه صِحَا
صورتى وانا فى العيد هناك
طول عمرها ما تنمحى
**
أنا بسيطه ، قد إيه؟
إنْتَ اللى تعرف ، شوفتنى
وراقبتنى ،وصورتنى
وعجنتنى ، وخبزتنى
بصيت على نفسى ، قعدت
ف معملك ، حللتنى
وفاجئتنى لما فى شِعْرَكْ
بالنغم صورتنى
معرفش ليه لما قريت
وصفك لقيته هزِّنى؟
كام مره قُلْتْ لنفسى خَافِى
اوعِى الكلام ده يغُرنِى

تصبح على النور اللى فيك
اللى حسبنى وعَدنِى
تصبح مع اللى خَلى قلبك
شاف بساطتى وحَبنِى
**
رُوحِى ف أمان الله يا أنْبَل
طيف عاتبنى وردنى
وبصوته ييجى من السما
ويعد لى
"موش قلت لك"
**
د. محمد عبد المطلب جاد
أستاد سيكولوجيا الإبداع المساعد – جامعة طنطا [/b][/center][/size][/color][/font][/quote]

السلام عليكم يا دكتور/

والله سيادتك أسعدتنا بالابداع الرائع
بارك الله فيك

بارك الله فيك اخى حازم
بارك الله فيك سيدتى
بل فى هذا البيت الذى وسع قلبه جمعنا ترف علينا روح الأخوة والمحبة
اللهم أدمه صدرا يحتوينا
وقلبا يسعنا
ومنتنفسا يكون فيه شفاء الصدور

ترعاكما عين الله