قلت لك (1)

الله الله يا دكتور**تسلم يارب

[quote="د. محمد عبد المطلب جاد"][font=Verdana][color=darkblue][size=18][center][b]قلت لك (1 )


قُلْتْ لك (انا لِسَّه حَيَّه
موش بِتِلْدَغْ)
لأ، دى عايشه بِتِتْلِدِغْ
بَعْطِى فوق اللى عَلَيَّه
وانا حقوقى وكل عمرى بِيِتْمِضِغْ


قبل ما بَحْسِبْ حقوقى
بافتكر اللى عليه
نفسى اخللِِّّى الكون بحاله
يبقى جَنَّه من إديَّه
نفسى اخَلِّى الفرحه تِمْلا
كل مدبوح م الأَسِيِّه
نفسى اكون شمعه تِنَوَّرْ
نفسى أبقى للمريض
فى فرشِتُهْ لمسه هَنِيَّه
نفسى أبقى للى فى
نار الصحارى بُقْ مَيَّه
نفسى ابقى للفقير
فى عِيْدُه كحكه وجَلابِيَّه
نفسى اكون فستان لطفله
يتيمه يوم تتهنى بِيَّه
نفسى اكون لقمه لجعان
بيمد إيْدُه ويشكى لِيَّه
نفسى اكون لكل طفل
يتيم فى يوم العيد عِيْدِيَّه
نفسى انسى اللى بِيَّه

**
قلت لك مََرَّات( ما تِتْخَضِّشْ عَلَيَّه)
عين حبيبى فوق بترعانى وبِتْحَضَّنْ عَلَيَّه
رغم إنى ماشيه فى نور قلبى سايبه
كل حاجه لحِكْمِِةْ المكتوب عَلَيَّه
هوه ما بيجيبش حاجه وحشة أبدا
احنا بس اللى بِنِخْتِرِع الأَذِيَّه
نام وخلى ربنا يتولى أَمْرِى
نام ولا تقلقش من خوفك عَلَيَّه

**
قُلْت لك مرات كتير (انا موش ملاك)
الملايكة ازاى هيبقوا م البشر
إنْتَ شايفنى بعين نُوْرْهَا رِضَاك
اللى من قلبى على لِيْلْهَا انتشر
والحقيقه إننى لا ضِفْْتْ حاجه
من تدابيرى ولا كُنْتِ القدر
دى طبيعتى ربنا إدانى روح
نِفْسَهَا تِبْقَى الفَرَحْ للى انْقَهَرْ
نِفْسَهَا تِبْقَى دَوَا للعيانين
نفسها ترُدْ الوَفَا للى انْغَدَرْ
نفسها تبقى الهُدَى للحيرانين
وف ظلام ليلهم تكون طََلّة قمر
نفسها تسعد قلوب الشقيانين
نفسها تبقى الدُّعَا ساعة السفر
نفسها تبقى لِسُكَّانِ الخَلا
فى جدار يِسْتُرْ على عيالهم حَجَرْ
نفسى آخد كل طفل يتيم فى حُضْنِى
نفسى اغطى البردانين ساعة المطر
نفسى اعيش فى حلم عمرى
انى اكون ضِلِّةْ شَجَر

**
قلت لك مرات كتير( أنا موش قويه)
كنت فاكره زمان كده وواخداها جَدْ
والليالى بعدها شويه شويه
غَيَّرِتْ كل اللى فَاكْرَه ما لوهش حد
قَلِّبِتْنِى بين إديها وعلمتنى
كِذْبِةْ ان فيه كبير ومالوهش أد
وان كل هناوه مَقْدُورَه لصاحبها
أن كل دموع هتنزل ، ليها خد
وان كل الناس قدرها ف حُكْمُه هوه
والقدر ما يغيروش فى الدنيا حد
واللى مكتوب مهما حاولنا هَيِجْرَى
واللى مِتْسَطَّرْ علينا ملوهش رد
مين بيقدر يبنى بإديه السعاده
مهما يعمل للتعاسه ألف سد ؟
والتقيتنى فى الحياه زى الفراشه
شوف ضعيفه ازاى ولا بِتْضُر حد؟
ضعفى طالع من ضلوعى وسِرُّه قلبى
عمرى ما اقدر ارُدْ ع القسوة بِرَدْ
واختلى بنفسى واداويها بدموعى
لما الاقى نفسى قادْرَه اسمع لحد
كل فرحه ليها وش، وكل دمعة ليها خد

**
قلبى داب سيبنى النهارده
واجى بكره واعِدْ لَكْ
موش قلت لك
فى رعاية الله يا أطيب
طيف عاتبنى فى يوم وقال
موش قلت لك
**
د. محمد عبد المطلب جاد
أستاذ سيكولوجيا الإبداع المساعد – جامعة طنطا
[/b][/center][/size][/color][/font][/quote]
روووووووووووعه جدااااااااا مشكووووووووووور يا دكتور

سيدتى مدام إلهام

شرفت بك قصائدى

ولا أجد ما أقول فاعذرى عقدة لسانى

النفس عابرة سبيل كتب:

سلمت يمناكـــــــــــــــ

الله لا يحرمنى طلتك يا قطر الندى

ترعاك عين الله يا ابنتى