ثقافتى 00سبب تعاستى حلقة الاربعاء 9/6

اخى عبد الفتاح غنيم

تحياتى لك ولكل مستمعيك

بصراحة انا اعتبرك اخى لان ماتقدمه لنا يعجز عن تقديمه الاخ والاب والخال والعم

بصراحة انا اخواتى الصبيان بيغيروا لما اجيب سيرتك قدامهم

شوف ياعبده برنامجك يوم الاربع اصبح حاجة اساسية عندى انا ومرات اخوية ولاول مرة باكتب لك ارجوك ماتزعلش منى لان الموضوع اللى هاتكلم فيه موضوع بايخ وسخيف لكن انا ماعنديش حد اكلمه الا انت

-أنا عمري 29 سنة آنسة مشكلتى ان انا باتكلم كويس قوى وتفكيرى عقلانى جدا ومنطقية جدا وواقعية جدا انا خريجة كلية من كليات القمة كلية عملية عملى يعتمد كلية على العقل والمنطق والتفكير العلمى طبيعة عملى كده اختك شاطرة جدا فى شغلها مشكلتى اننى مثقفة جدا ولايتقدم احد لخطبتى او كل من يتقدم لخطبتى وبمجرد ان يجلس ويتحدث معى يشعر انه يتحدث مع احمد زويل او فاروق الباز انا لا اكذب ولكن طبيعتى وطبيعة ثقافتى تجعل اى شاب يشعر بتفاهته وجهله بمجرد ان يتحدث معى يخرج ولا يعود مرة اخرى ،احدى السيدات زارتنا وكانت جايه تشوفنى علشان بتدور على عروسة لابنها بعد ان عادت الى بيتها اتصلت بامى وقالت لها بنتك ربنا يحميها ويخليها وتفرحى بيها وكل شئ قسمة ونصيب بس ياريت ما تخليش المحروسة بنتك تتكلم بجد قوى كده علشان العين والحسد بنتك بتحسس كل اللى يقعد معاها بانه جاهل بنتك مقامها عالى ومحتاجه اللى يقدرها

انا يا اخى مشكلتى ثقافتى مشكلتى ان الضيوف يتحولون الى مستمعين لمحاضرة علمية فى اى موضوع الكل يصمت وانا اتحدث

اخى عبدالفتاح غنيم

ثقافتى وطريقتى فى عرض الموضوعات ومناقشتها بتطفش العريس واهله

هل المطلوب منى انى ابان قدام العريس واهله بانى جاهله وغبية وساذجة ؟تعرف كل البنات اللى كانوزميلاتى وحصلوا على دبلوم مؤهل متوسط اتجوزوا وخلفو وعيالهم راحوا المدرسة وانا قاعده اتفرج على المسلسلات والافلام مشكلتى الجديدة والتى اعانى منها الان اننى بدات اقرا عن الزواج وعن العلاقات الزوجيه وبدات ادخل مواقع غير مرغوبه على النت جوايا طاقه عاوزه اطلعها مش عارفه انا تحولت الى فتاة منحرفة ادخل المواقع المشبوهة اقرا ة اتفرج على المناظر واتعب واقعد اعيط على حالى ودماغى تشت من التفكير واخد مهدئات صدقنى لم اعد استطيع النوم الا بالمهدئات ً لاننى أفكر فى الزواج كثيراً خاصة العلاقات الخاصة بين الزوجين حتى أحياناً ابحث عنها في المنتديات وكأني متزوجة ليس هذا فحسب بل إنني أدخل هذه المواقع بشكل مستمر ، أنا متدينة الحمد لله هذه مشكلتي أريد منك أن أعرف كيف ألغي هذا من حياتي وأنا عندي شغلي بس خلاص أصحابي وأخواتي كلهم تزوجوا أحيانا ألوم نفسي ، لاننى أفكر دائما فى الزواج زملائى فى العمل يطلقون على فيثاغورث لاننى والحمد قادرة على حل اى مشكلة فى الشغل بالطرق العلمية ، بس أنا بجد تعبانة .

الان لا احد يتقدم لخطبتى الكل يخاف من ثقافتى الكل يخاف من قدراتى العقلية ويتجنبون التقاش معى فاتنى ان اقول لك اننى فسخت خطوبتى مرتين والسبب هو طريقتى فى النقاش والحوار كنت اتعامل مع يتقدم لخطبتى بندية وكنت استعرض ثقافتى وقدراتى العقلية معهم علشان كده مشيوا ومار جعوش

عزيزى الاستاذ محمد فوزى

هذه المشكلة قريبة الشبه الى حد كبير بمشكلة بسنت

العزيز الغالى الجميل عبد الفتاح غنيم
لحضرتك كل الحق هى تشبه مشكله بسنت الى حد كبير
والنصيحه لكل مقام مقال ابنتى وليس كل مايعرف يقال
والمرأه الذكيه احيانا تتغابى امام زوجها لان الرجل بطبيعته
يحب بل يعشق المرأه الضعيفه امامه
ابنتى ثلاث ارباع الحكمه فى الصمت والربع الاخر فى الصمت
كما قال الحكيم سليمان وقد يكون الصمت ابلغ من كل الكلامات
والصمت احيانا ارخص انواع الفلسفه لاتستعرضى عضلاتك الثقافيه
اقول عضلاتك الثقافيه لان الانثى ليس لها عضلات ولكن الكلمه على
قد الكلمه وبالابتسامه الصافيه والتواضع وبالقيم وبالدين وبالطهاره
يمكنك ان تدكى حصون الرجل وبجداره ويمكن ان تكونى كذلك مع رجل
فى نفس المستوى والمراه الفناه الحكيمه هى التى تتغابا احيانا
وتسأل زوجها السؤال ليجاوب هو فتكون امامه ضعيفه وفى نفس الوقت
محبوبته وزوجته وعشيقته وصديقته والتوبه مطلوب بالنسبه لما اسميته
انحراف وتقربى الى الله والله سيوفقك بمشيءته ورضوانه سبحانه

عندك حق يا استاذ محمد وكلامك صح الرجل لا يحب الرغاية كثيرة الكلام ولا يحب المتعالية بثقافتها

المطلوب بعض التغابى واتمنى ان ارى تعليقات الاعضاء للافادة

هناك بعض النساء الفضليات الاذكياء عندما تمشى مع زوجها فى الشراع تصوروا تتأخر خطوه حتى يكون الرجل فى المقدمه احتراما
وحبا لزوجها وكانوا فى الزمن الجميل يعرفون المرأه المحبه بهذه
الطريقه ****** وفى اليابان كانت المرأه تسير خلف الرجل احتراما له
ولكن بعد الحرب العالميه لما اصبح وجود قنابل والغام مشت المرأه
امام زوجها حتى تؤمنه فأذاكان لاقدر الله لغم اوقنبله انفجرت فيها
وتحمى زوجها**** كذلك كانت تدفن المرأه بمجرد موت زوجها
لان دورها قد انتهى هكذا كان تقديس المراه للرجل
ورنتا يسطر مدام امينه والله يابله انا مااقصد حاجه يارب المدفع
ميجيش فيه كل التحيه حضرتك نصيره المراه المصريه والدلتويه

من تواضع لله رفعه

يا أنسه هؤلك حاجه تحطيها حلقه فى ودانك لما تكونى جالسه مع الرجل إلا هتجوزيه أرمى أبحاثك وعلمك النفيس هناك فى شغلك يعنى فى مكانه الطبيعى أتكلمى معه بأحساس وصوت وأهتمام الانثى فقط لازم تعرفى أن فيه حاج أسمها راجل وحاجه أسمها ست ودا ميقلش أبدآ من شخصيتك وعلمك ** ولازم تعرفى أنك عشان تبقى زوجه ناجحه تقلعى عبائه وقبعة علمك النفيس وسيبك من الطريقه العلميه مع الكلام معه * أى رجل مهما ثقل أوقل عايز أنثى تحضنه بحنان وهمس أحتواء أمومه لتصلى لملكية عقله وقلبه برضاه *وبعدين تقعد تكلمى كده مع خطيب لكى أزاى أنتى يا أنثه * مش بتنقشى دكتوراه ومجستير أنتى بتعملى بيت حب أسره *

** وهؤلهالك بأعلى صوت الست ألا متنجحش فى بتها نجحها الخارجى ناقص ومريض لأن الاساس لى الست عصب الاسره وكيانه

ولا تنسى أن ملكات العالم حكمت وأمتلكت بذكاء الانثى وليس بلأكادميات والمحاضرات العلميه * الخيزوران باعت وصلت لحكم دول بذكاء منقطع النظير عرفه أزاى كان عندها جواب لكل سؤل لا تقدر على أجابته ألا أنثى ذكيه تعرف أزاى تستقر فى القلوب وأنجبت وربت ملوك وكانت فى الاصل جاريه مثلها مثل شجرة الضر * وشوفى عشان مبطحطيش كل حاجهفى مكانها الصحيح وصلتى لأيه مواقع ........

أذا كنت عيزه تعيشى وتسعدى برجل وأسره غيرى لهجة لسانك مع من ستتزوجين خليه شهراير يطير بأحساسك وأنوثتك مش بكتبك العلميه ودرجاتك العلميه * فأنت أنثى أنثى أنث وان الم تكن تعلمين
ذالك

ربنا يوفأك ويهديكى ونشوفك عروسه وست أوى قبل علمك

تحياتى الأعلامى الراق أستاذى عبد الفتاح غنيم

السلام عليكم ورحمه الله وبركاته
الحلقه كانت جميله جدا واعتقد ان كل من تكلبم وفى للموضوع حقه شكرا سيدى الفاضل والاستاذ عبد الفراج كمان هيجيب عريس
حاجه جميله مدام كورى شكرا جزيلا

السلام عليكم ورحمة الله وبركاته
إخوتى: ليس هذا ذكاء؛ إنه قِمة الغباء؛ المرأة الذكيه هى التى تجعل ذكاءها يفيدها فى إدارة بيتها وتربية أولادها وتعليمهم وتثقيفهم؛ ومن أين يأتى الأولاد؟
لازم وضرورى تتزوج! وكيف يأتى الزوج ؟لازم وضرورى تختار الرجل المناسب من بين المُتَقَدمين؟
وكيف تستمر الحياه الزوجيه؟ لازم وضرورى بالرَّحمه والتواضع ولين الجانب من الطرفين؛ولو تعالى طرف على الآخر المركب تميل وممكن تنقلب؟صح؟

صح سيدتى

» حلقة الاربعاء 11 ابريل (الجزء 2 من حلقة كيد النسا 1)
» حلقة الاربعاء 24 /3 /2010
» حلقة الاربعاء 5/5/2010
» حلقة الاربعاء 6/10/2010
» حلقة الاربعاء 16/12/2009