انا خايفة قوى

فى رسالة عاجلة للبرنامج (نبتدى منين الحكاية )

انا مخطوبه من حوالى شهرين وانا والحمد لله بصلى وبخاف ربنا

بس المهم ان انا بدات اتعلق بخطيبى ده اوى غصب عنى بحس اتجاهه مشاعر ومش قادره اسيطر عليها
الموضوع الاول كان مسك ايدى وانا للاسف تساهلت فى ده وربنا يسامحنى
والاهم ان خطيبى مسافر كمان 20 يوم وهييجى كمان سنه ونتجوز

واللى خايفه منه ان الموضوع بدأ يطور وبقى اكتر من مسك ايد يعنى حضنى من كام يوم

وانا فضلت احس بتأنيب الضمير طول الليل واستغفر ربنا وعزمت انى مش هضعف تانى ابدا مهما حصل وحلمت كمان حلم خايفه منه
وقولت لخطيبى فى التليفون انا مش عايزه ربنا يغضب عليا واللى احنا بنعمله ده غلط وحرام ولاقيته بيقولى انا معاكى وخلاص مش هنعمل كده تانى

المهم ان خطيبى جه عندنا امبارح وقعد معايا وفضل طول الوقت ماسك نفسه واول ما جه يمشى قام حضنى برضه تانى وانا للاسف بضعف

وهو ماشى ادام الاسانسير حاجه الهمتنى وخلتنى قولتله طالما مش هتسيطر على نفسك كده يبقى نكتب الكتاب قبل ما تسافر علشان نرضى ربنا واللى خايفه منه ان كل ما معاد سفره ييجى بيبقى اقوى هو فى مشاعره وتصرفاته فقولتله ان احنا نكتب الكتاب او بلاش نشوف بعض فى ال10 ايام دول غير مره او 2 قبل ما تسافر وهخلى حد قاعد معانا ومش هنخرج بكره خالص
فهو رد وقالى ماشى انا معاكى هتكلم مع والدى وهرد عليكى وهخليه يكلم والدك

انا مش عارفه اللى قولته ده صح والا غلط ان انا بنت واطلب منه كتب الكتاب
بس انا نيتى والله ان ربنا مش يغضب عليا

بالله عليكوا محدش يقولى كلام جارح علشان انا عارفه اللى عملته ده حرام وغلط وعلشان كده عايزه اصلحه بكتب كتابى واطمن ان مفيش حاجه تحصل فى ال10 ايام دول تغضب ربنا

وقولولى اعمل ايه لو هو رفض كتب الكتاب

انا محروجة قوى علشان طلبت منه يكتب الكتاب
وخايفه لما اهلى يسالونى اقول هم ايه ؟

بسم الله الرحمن الرحيم
إبنتى العزيزة:
لا شك ان ما فعلتينه حرام؟ إنه غريب عنك وبحكم الأجنبى,,,,,
ولهذا كان لابد من التماسك اكثر من ذلك
ولا تدرى أيوافق على كتب الكتاب أم لا؟
طيب : إنه اصبح واثق من حبك له وانك انت التى تطلب الكتاب,,,,,,
تعالى بقى وقولى لنفسك: حيكتب الكتاب على بياض؟ طيب فين المهر؟ طيب حيمضى على شيك؟
طيب فين العفش؟
طيب حيمضى على قائمة منقولات؟
وبعدين؟ طيب اهله حيرضوا؟
طيب لو ماريضيوا ما هو موقفك؟
حاتقولى بحبه وماقدرش استغنى عنه؟
طيب حيكتب وبلاش كل ده؟
طيب إنتى كده راضيه؟
ياااااااااااااه
كل ده علشان؟؟؟؟؟؟؟؟
طيب ماكنتى تمسكى نفسك ولا تبعثرى كرامتك؟
آسفه؟
تقبلى تحياتى
انا خايفة قوى 9bf824-f7bb9adcec59