سوق العبيد

سوق العبيد

ميدو اللى ما عندى غيره قرفته خابت
العم بوش صنفه من منبته فالت
مشروع لمجرم كبير ينضم للإرهاب
مسكين يا ميدو أبوك م العالم التالت
**
أنا كل ما احلم بحال ابنى وهوه كبير
أشوفه عريان جعان فى معسكر التهجير
حواليه حرس م اليهود واقفين برشاشهم
سايقين ألوف م العرب طوابير ورا طوابير
**
إقعد على ركبتى واركب على راسى
واجمع كيمان ثروتك من مصنعى وفاسى
صنفنا يوم الحساب دا بار ودا عاصى
واضحك علينا بمجلس أمن نخاسى
**
إحنا فى سوق العبيد وانتم صحاب السوق
مين اللى دوره أزف ينباع لأهل السوء
ومين هيوعى لبيته وعرضه وترابه
وقبل ساعته يجمع عزوته ويفوق
**
من أد أيه يا عرب وانتم على حالكم
شاطرين فى ضرب الذنب وفنيتوا راس مالم
عيشتوا ليومكم ولا خططوا لعيالكم
إلا ان يبقوا ديول بايسين إدين سيدهم
لا السيد شكرهم ولا سابهم فى أوحالهم
**
من أد أيه يا عرب وانتم فى نفس الطين
بايعين مصيركم وعايشين تكذبوا على مين
لا انتوا انتهيتم ولا عيشتوا بعزتكم
وبقيتوا لقمه يلوكها الهباشين الاثنين
**
من أد أيه يا عرب وانتم بلا حاضر
عايشين فى سرداب طويل فى ليل مالوش آخر
من أيد مقامر لأيد ظالم لأيد فاجر
بينكم وبين البشر مليون سنه واكتر
والكل طاطا وكاس الموت عليه داير
**
من أد أيه يا عرب وانتم بتتعاركوا
سيبتوا اللى كلكم وعديتوا على جاركوا
وللنهارده بتغلوا ضد أنصاركوا
ما فى بخيبتكم بشر عاشها تاريخ الخلق
داروا على خزيكم وستروا عاركوا
**
من أد أيه يا عرب وانتم كدا غافلين
ما كانش منكم ( عمر ) ولا كان ( صلاح الدين )؟
ولا كانش ( عقبه ) ولا كانت لكم ( حطين ) ؟
ولا كانش ( ناصر ) ولا ( المختار ) ولا ( الحلبى )؟
ما كانش منكم فتوح بتشع علم ودين ؟!
**
من أد أيه يا عرب وانتم فى حالة فر
فين ( المداين ) وفين ( الأندلس ) فين ( صقر )؟
فين ( الحسن ) و ( الظواهرى ) فين علوم العصر؟
فينك يا ( جابر ) وفين ( ابن النفيس ) و( الباز )؟
فين ( ابن خلدون ) وفين علم الفلك والجبر؟
يا مين يعيد الزمن ويجيب لليلنا فجر .
**
سهران اضمك فى عينى ياللى شاغلانى
يا ساكنه بين الضلوع يا ماليه وجدانى
يا معذبانى بأحزانى وقهرانى
لو بعت وطنى هلاقى فين وطن تانى
لو قلت افوتك هلاقى فين وطن تانى
لو قالوا أمك الاقى اسمك على لسانى
**
د. محمد عبد المطلب جاد
أستاذ سيكولوجيا الإبداع – جامعة طنطا

السلام عليكم ورحه الله وبركاته
سيدى الشاعر الجميل الرائع
احسنت ايها الشاعر واحسن شعرك
امه قد ماتت وتقبلوا فيه العزاء
بعدما دخلت غرفه الانعاش شكرا على الطرحواعجبنى
مجلس امن نخاسى*************************
وياريت يسكنوا الامم المتحده مفروش ياسيدى افضل الف مليون مره

دكتوووووووووووور ومبدع
سلمت وسلمت يدك

سوق العبيد 66-Allah

محمد فوزى البلقينى كتب:: السلام عليكم ورحه الله وبركاته
سيدى الشاعر الجميل الرائع
احسنت ايها الشاعر واحسن شعرك
امه قد ماتت وتقبلوا فيه العزاء
بعدما دخلت غرفه الانعاش شكرا على الطرحواعجبنى
مجلس امن نخاسى*************************
وياريت يسكنوا الامم المتحده مفروش ياسيدى افضل الف مليون مره

لا حرمنى الله من طلتك العطرة

مدام الهام كتب:: دكتوووووووووووور ومبدع
سلمت وسلمت يدك

بارك الله فيك سيدتى

ترعاك عين الله

النفس عابرة سبيل كتب:

اللهم لا تحرمنى قلب ابنتى