هموم الكوكب المأزوم

هموم الكوكب المهزوم

أنا طالع لِحَدّ السوق معايا (أديب)
أجيب وأجيب ومهما هجيب
لا فيه حاجة مكفيّه
وحتى ان جبت "ملوخيه"
تلاقيها جابت أرنب
وهوه يوسع الملعب
ولا نفرغ من الألاعيب
**
وبعد السوق تلاقى حقوق
لا تقدر تنسلخ منها
ولا ان سديتها يوم هتروق
شقوق عماله تتفتح
وتخلق من وراها شقوق
ولولا انك تكون بالله
ومن إيد الكريم مرزوق
لا تقدر تكفى أكلة يوم
ولا تجهز لواد "حندوق"
يدق الباب يقول طالب
يا باشا القرب م البرقوق
ولا تقدر تكون جاهز
لأزمة صحه أو يوم سوء
أقول لك أيه آهى ماشيه
بتدبير الكريم من فوق
**
ولا تحزن
ولا تشيل يا حبيبى الهم
لو بصينا حوالينا
وشوفنا النار وبحر الدم
ولو بصينا حوالينا
وشوفنا الهم ما يترم
مجاعه هناك وحرب بتطحن المساكين
وناس نايمه على كرتونه فى الشارع
لا هم نايمين ولا صاحيين
ونار والعه ما هم عارفين وراها مين
وهباشين فى كل زقاق بسنجتهم
وعاملين للغلابه كمين
ولو شوفنا اللى ماشى مودع الصحه
نقول راضيين
نبات شاكرين
ونحمد ربنا ان احنا
فى نعمه بس موش داريين
**
صباحك فل يا صاحبى
وراعى اولادى من بعدى
وساتر بيتى فى بُْعْدى
وكل ما ليله بتعدى
بحس اكتر
وبتفكر
وبتدبر
فى حكمة ربنا إنى
لقيتك يوم هنا جنبى
ويمكن ده اللى ريحنى
وشال الوهم من قلبى
**
صباحك فل يا شمعه
من الزمن الجميل باقيه
شافت بعنيها رقص الطير
هناك ع التوته والساقيه
وعاشت فى زمان راقى
وخير باقى وناس راقيه
وداقت متعة اللمَّهْ
فى لحظة مدفع الإفطار
وداقت حب مالى الدار
وداقت رحمه شايلنها صغار وكبار
وناس تجرى للهفة جار
وكنا قليلين جداً
ومن عزوتنا كنا كتار
وكنا كبار
وكانت كل حاجه بدقه وبمقدار
ورغم الفقر كنا ف خير
وكان الحب بالقنطار
وفوتنا التوته والساقيه وفوتنا الدار
وفوتنا الرحمه والطيبه
وبقينا ف نار
وفوتنا لمه الإفطار
وأصبح كل فرد ف دار
وقطَّعنا حبال القربى بإدينا
وأصبح بينا أعلى جدار
مهيش أقدار
ولا تدبير إله قهار
ولا قدرى ولا قدرك
ووجهة نظرى أو نظرك
دى خيبة عقل واستهتار
وبكره ندوق نتيجتها دمار فى دمار
**
صباحك فل
انا بصحى فى قلبى همْ
وفى عروقى بيغلى الدمْ
ولا عارف أصلَّح ايه واللا أيه
ولا عارف عليه أيه وليَّا أيه
يا نور عينى بقينا فى زمان التِّيْهْ
زمان لا بيرحم الضعفا
ولا عارف وجودُه ليه
زمن توََهَان
زمن فَلَتان
زمن دوَرَان فى آلة كوكبه فارغه سايقها حتيان
وكله بفجَّر البركان
صباحك فل
احفظها ليوم يمكن تكون برهان
على حاضر ، على بكره ملوهش أمان
وخليها تقول بعدى كلام يمكن يلاقى وْدَانْ
وجايز بكره ييجى يوم
يكون فيه ناس حداها علوم
بدال ناس قاعده تقرا نجوم
نجوم كوره ونجوم سينما
نجوم مسرح نجوم "سيجما"
وطالعهم مالوهش نجوم
ساعتها يمكن العاقلين
يشوفو ويدرسوا حالنا
يحاولوا يعرفوا مالنا
وهموم الكوكب المأزوم
أنا قصدى أقول مهزوم
**
د. محمد عبد المطلب جاد
أستاذ سيكولوجيا الإبداع – جامعة طنطا
صباح الجمعة 15 / 8 / 2008

*
أعرف أنها ربما تكون مدرجة من قبل ، لكن لحديث الأستاذ البلقينى شجون استدعت الإدراج مرة أخرى
وربما آتى أيضا بقصيدة " سوق العبيد "

السلام عليكم ورحمه وبركاته
اعجبنى كلماتك الكوكب المهزوم وان كان السر فى السكان وليس السرفى الكوكب الاانك سيدى الفاضل الكريم بكلماتك الجميله فى
وصف الحاله ذكرتنى بأخيك بيرم التونسى
عندما كان يقول يابأئع الفجل بالمليم واحده كم للعيال وكم للمجلس
البلدى كأن امى بلل الله تربتها اوصت فقالت اخوك المجلس البلدى
عندما ورث معه المجلس البلدى بالرغم عنه فى قيراطين تركتهم له امه
حقا ياسيدى الشاعر والاديب والفنان لسان حال امته

جلتنا وانا أقرأ أن أرى كل حاله رؤية العين فى كلمات حضرتك مجسده

للواقع بعينه . فنحنوا أستاذاى . نهذم أنفسنا بأن نتقبل هذا الواقع

ولا نهم بتغيره . لسه عنى أمل أن كوكبنا ينتصر على نفسه

جزاك الله خيرا . الاستاذ/ الكتور محمد عبد المطلب جاد

تقبل مرورى وجزاك الله خيرا

محمد فوزى البلقينى كتب:: السلام عليكم ورحمه وبركاته
اعجبنى كلماتك الكوكب المهزوم وان كان السر فى السكان وليس السرفى الكوكب الاانك سيدى الفاضل الكريم بكلماتك الجميله فى
وصف الحاله ذكرتنى بأخيك بيرم التونسى
عندما كان يقول يابأئع الفجل بالمليم واحده كم للعيال وكم للمجلس
البلدى كأن امى بلل الله تربتها اوصت فقالت اخوك المجلس البلدى
عندما ورث معه المجلس البلدى بالرغم عنه فى قيراطين تركتهم له امه
حقا ياسيدى الشاعر والاديب والفنان لسان حال امته

**
ماذا نقول
ننظر للوراء قرنا من الزمن فنجد حالنا هو هو

وهذه النملة التى هبطت علينا صارت ذات شأن

منذ متى بالتقريب مات العرب ؟

مدام امينه كتب:: جعلتنى وانا أقرأ أن أرى كل حاله رؤيا العين فى كلمات حضرتك مجسده

للواقع بعينه . فنحن أستاذاى . نهزم أنفسنا بأن نتقبل هذا الواقع

ولا نهم بتغييره . لسه عندى أمل أن كوكبنا ينتصر على نفسه

جزاك الله خيرا . الاستاذ/ الدكتور محمد عبد المطلب جاد

تقبل مرورى وجزاك الله خيرا

**
شكرا سيدتى لمرورك العطر
بارك الله فيك ورعاك

النفس عابرة سبيل كتب:

شكرا لمرورك العطر
ترعاك عين الله يا ابنتى

» هموم الكوكب المهزوم